ماشي يجماعة كل الكلام ده جميل طيب ممكن حد يفسر لينا تتابع الاحداث فى مصر
اولا موقعة الجمل والتي ارها مشهد يصور معركة بين الذين يريدون التخلف والذين يريدون التحضر كما ارادها مدبروها (راي الخاص)
ثانيا حكاية ال 70 مليار بتاعت التايمز الامريكية وكله قال ان بكده احنا هنسدد ديون مصر ويكون معانا فلوس وقناة الجزيرة تقول بعديها ان الرئيس دخله اليومي 6 ملايين من الدولارات وكله قبل التنحي مما ادى الى ظهور الاضرابات والمطالب الفئوية (مش الرئيس عنده 70 مليار)وكل الكلام ده بعد التنحي لم نسمع به حتى بعض الصحف البريطانية ان الرقم ده غير صحيح وانا لست مدافعا عن مبارك ونظامه الفاسد فطبيعية عملى مع وزارة المالية مباشرة واعرف شخصيا واطلعت على اوراق فساد مالي لاتصدق ولكني احاول تجنب فكرة كرهي او حبي والحكم بالعقل والوقائع الحاضرة
وبعد كده عودة القرضاوي وكانة قائد الثورة الخومينية ويخاطب الجيش والشعب والحكومة
واخير لما الدنيا هديت بدات مشاكل الاقباط وبوادر فتنة وقتل وهدم لدور العبادة
ولو قدرنا نهدي الموضوع باذن الله اكيد هيطلع شيء جديد واخشى ان هيه تكون بين الشعب والجيش
لان الجيش لما يتحول الى سلطة تنفيذية واحتكاك بينه وبين المواطنين سهل ان حد يدخل يعمل اي حاجة بينهم
ومننساش ان ثورة 52 تتشابه مع ثورة 25 فى مبادىء كتير واهما محاربة الفساد وكل اللى حصل ان تغير بس المفسدين من اصدقاء الملك الى
من نعرف الى الان والفساد ظل موجودا