الموضوع: اللى واقفين فى التحرير لغاية دلوقتى

اللي حصل في الميدان النهاردة مش مفهوم والروايات متناقضة جداً

الرواية الأولى:

الموجودون في الميدان ليهم مطالب سياسية عامة زي مجلس رئاسي مدني ودستور جديد (وليس دستور معدل) وحل جهاز أمن الدولة (وليس اعادة هيكلته) منهم نشطاء مستقليين وبعض أهالي الشهداء.

صحيح انه بعض القوى السياسية علقت الاعتصام بعد اقالة حكومة شفيق وتولي حكومة شرف، لكن دول مستقلين وشايفين ان من حقهم الاعتصام لغاية تحقيق مطالبهم.

في وسط المعتصمين في باعة جائلين وناس عملة كذا نصبة شاي. دول عاملين مشاكل والمعتصمين امبارح حاولوا يمشوهم أو ينقولوهم بعيد عن المعتصمين والطريق وحصلة مشكلة وبعد ما خلصت حصل هجوم بلطجية بالمولوتوف والطوب يقال انهم من رجالة زعيم الباعة الجائلين. الكلام ده الساعة 1 باليل امبارح.

النهاردة مئات من البلطجية هجموا بالطوب على المعتصمين والجيش دخل يفرق ما بينهم وفي مقولة أخرى الجيش والبلطجية كانوا مع بعض في فض الاعتصام وتكسير الخيم.

الرواية الثانية:
الموجودين في الميدان دول بلطجية وبائعي مخدرات ويوجد خيمة فيها دعارة والمواطنون دخلوا عليهم في مظاهرة سلمية لاخلاء الميدان والجيش دخل وقبض على بعض البلطجية وبعض البنات وشال الخيم بمساعدة المواطنين. دي رواية شبكة رصد.

أنا أميل للرواية الأولى مع وجود بعض الناس اللبط من باعة جائلين وبلطجية مدسوسين (لأول مرة هستخدم التعبير ده بتاع الاعلام الموجه) في وسط المعتصمين الشرفاء.