ميدان التحرير من الساعة 2 ل 5 النهاردة(فيديو)

قلنا السياحة راجعة تانى والحمد لله وكان بقالى فترة منزلتش يوم واحد شغل.النهاردة نزلت وكان عندى المتحف فى البرنامج.خلصت الساعة شرح المتحف 2 وطلعت اشرب سيجارة لقيت ضباط الصاعقة بيجروا وعسكرى جاى من البوابة وفجاءة 10 عساكر صاعقة و3 ضباط من الجيش وقفوا على البوابة و الشعب يريد اخلاء الميدان.طيب والمتحف ماله والاجانب مش ناقصين قلق وخلوها تمشى وناكل عيش بقى.لا الشعب يريد اخلاء الميدان.طيب ماشى.الكلام ده كله وهما عند المتحف ومراحوش عند المعتصمين لحد 2.45 وتمام سلمية وزى الفل.

هوب الساعة 3 الضباط براحة يلا اقفل المتحف ومشى اللى جوة.ليه كدة بس واقول الناس ايه ديه مصر بقت حلوة وتعالوا وحنا بقينا مصر جديدة والمظاهرات سلمية واللى حصل وشفتوه على التيلفزيون مش هى دى المظاهرات.

المهم الناس اتامنت وركبوا العربية وعلى الفندق طيران.قعدت انا فى التحرير وطلعت برة اتمشى واشوف فيه ايه ؟

الاقى ناس ولا هما هنا.ايه يا جماعة فيه ايه اللى بيحصل؟ ولاد------ رموا علينا طوب ومشيوا وراحوا يجيبوا ناس تانية وجايين.طب رموا طوب ليه.عشان مش عاوزينا نقعد واحنا مش هنمشى الا لما ابو الغيط يمشى:azuztao:

اتمشيت وصلت للجنينة.لقيت ناس اكيد ملهموش دعوة ب25 يناير ولا فبراير ولا مارس حتى.بيسحبوا عصيان وبيكسروا الرصيف اللى شباب الثورة وشباب المحروسة كنسوه ودهنوه(وكانوا على فكرة الشباب دول فى المتحف ووقفونى كذا مرة وقالولى قول للاجانب اللى معاك اللى قاعدين دول مش احنا-احنا اللى عملنا الثورة وكنسنا الميدان ونضفنا الميدان مكان ما كنا قاعدين وزعلانين جدا وحقهم طبعا)

فيه ايه يا جماعة : لازم نحمى نفسنا ونامن مكاننا دول هيضربونا ولازم نرد.طيب هما ضربوا ولا قربوا ولا لسة.لا ما هما حدفوا طوب ومشيوا ورايحين يجيبوا ناس.(خناقة بقى)

طيب ما انا واقف ولا طوبة ولا غيروا والعربيات وست حامل وناس كبيرة ماشية وبتوع الشاى قاعدين واللى بيقرا جرنان والدنيا عادى.

قلت خلاص انا هروح والاشاعات هنا اسرع من النار فى الهشيم.اجرررررررررررررررر� �رررررى والاقى ورايا 20 مثلا بيجروا.فيه ايه يا جماعة.البلطجية جم بالسلاح وبيضربوا اللى بيقف.طيب ما انتوا واقفين معاهم.لا هما لسة هيبصوا.قلت اقف اشوف البلطجية وده كان الساعة 5 ملقتش حد خالص ةالناس بتضحك.:36_2_49[1]:

الناس تكلم العساكر اللى على الدبابات.يلا بقى يا دفعة اعمل حاجة البلطجية جايين هنا.العسكرى بالراحة انا قاعد اعلى منكوا يا جماعة ولما تحصل حاجة احنا بنتحرك.

مشيت وقلت ابص على العربية عشان راكنها عند الرواس.اول ما وصلت سمعت صوت الرصاص وضرب نار فى الهوا والدبابة بتتحرك والناس جاية عليا بتجرى.طبعا سندت على العربية ووقفت لحد ما الناس بدات تهدى ودورت واتوكلت على الله.

ليه الموضوع ده كله : لاننى جاللى تيلفون من معظم اهلى انت فين وخلى بالك وانت مروح.ليه بس فى ايه؟اصل فى التيلفزيون وعلى موقع اليوم السابع بيقولوا اصابات وبلطجية من غير عدد.

وادى الفيديو:

ده والناس واقفة عند المتحف وكان عددهم ميزيدش عن 20
YouTube - VIDEO0020

وده والاسلحة بتتسحب من الجنينة وبيستعدوا
YouTube - VIDEO0022

وطبعا كان لازم اقفل الصوت عشان الالفاظ .

واضح انك أول ما مشيت القلق كله حصل

YouTube - TAHRIR ATTACK CAIRO MARCH 9 5.15 PM

الله يعينك
انت كده (( اتصنفت ))
ربنا معاك

م.حاتم السباعي

اخويا راجع باليل من التحرير على 10 كان الضرب اشتغل بالازايز وناس بتجرى راح لف ورجع تانى

YouTube - tahrir.wmv

ودي رواية تاني .. الله أعلم أين الحقيقة
[Login | Facebook

م\حاتم.لو حضرتك كنت تقصدنى فانا ببساطة وصلت لمرحلة ان اللى بيفكر فى تغيير فعلا وعاوز ديمقراطية يبقى زى ما عاوز رايك يتسمع.يبقى لازم تسمع الاخر.غير كدة تبقى دكتاتورية وتحكم فى الراى.

أحسن حاجه أتعملت
عقبال باقى المظاهرات

itsonlyme

بصراحة من الناس اللى شفتها هناك والبلطجة والناس اللى بتجرى هنا وهناك وجر شكل الجيش.قلت لا دول مش ناوينها سلمية .وكان لازم امشى قبل ما يقفلوا وسط البلد.

والله هما مش مبيضروني طالما معتصمين والعربيات والمرور ماشي دي مؤامرة كبيرة والمنافقين كتير للاسف

كل الروايات ادت لنتيجة واحدة.اللى كانوا فى الميدان مش هما شباب الثورة وانا معرفش شباب الثورة واحد واحد.بس الناس اللى قابلتهم فى المتحف واللى كانوا خايفين على اللى عملوه فى الثورة وتعبوا عشانوا ميضيعش وزعلوا وبيحاولو يفهموا الاجانب اللى شكروا فيهم وحيوهم وتمنوا اولادهم يكونوا زيهم ويدرسوا الثورة المصرية.اكيد مش هما اللى شفتهم النهاردة فى الشارع بيكسروا الرصيف اللى كان هيترصف واكيد مش هما اللى قاعدين ولا دريانين باللى بيحصل وحصل فى البلد او ميهمهمش.ومعرفتش من شباب الثورة انهم كانوا بيناموا فى الميدان ومعاهم سلاح فى الخيم.

اقتباس:

---

المشاركة الأصلية كتبت بواسطة itsonlyme

واضح انك أول ما مشيت القلق كله حصل

YouTube - TAHRIR ATTACK CAIRO MARCH 9 5.15 PM

---

مين الناس ديه؟

اقتباس:

---

المشاركة الأصلية كتبت بواسطة human12

مين الناس ديه؟

---

دي الناس اللي فضلة تتوافد علي التحرير من الصبح علشان يطالبوا بفك الاعتصام و لما لاقوا الجيش دخل علي الناس اللي في التحيري و بيكسر الخيم طبعا شاركو معاهم و قعدوا يهتفوا الجيش و الشعب ايد واحده دا بعد ما قيل ان الناس اللي في التحرير المعتصمين ابتدوا في الاعتداء علي الناس اللي بتطالب بفك الاعتصام

الكلام دا من نشرة اخبار الساعه 9

للتوضيح بعد ما قريت الموضوع تانى :

المقصود هنا :

اتمشيت وصلت للجنينة.لقيت ناس اكيد ملهموش دعوة ب25 يناير ولا فبراير ولا مارس حتى.بيسحبوا عصيان وبيكسروا الرصيف.ودول اللى كانوا قاعدين فى الجنينة


اجررررررررررررررررررررررى (وده اللى لحقت سمعته) والاقى ورايا 20 مثلا بيجروا.فيه ايه يا جماعة.البلطجية جم بالسلاح وبيضربوا اللى بيقف.طيب ما انتوا واقفين معاهم.لا هما لسة هيبصوا.قلت اقف اشوف البلطجية وده كان الساعة 5 ملقتش حد خالص ةالناس بتضحك.http://www.nilemotors.net/Nile/image..._49%5B1%5D.gif

اقتباس:

---

المشاركة الأصلية كتبت بواسطة walidadel

دي الناس اللي فضلة تتوافد علي التحرير من الصبح علشان يطالبوا بفك الاعتصام و لما لاقوا الجيش دخل علي الناس اللي في التحيري و بيكسر الخيم طبعا شاركو معاهم و قعدوا يهتفوا الجيش و الشعب ايد واحده دا بعد ما قيل ان الناس اللي في التحرير المعتصمين ابتدوا في الاعتداء علي الناس اللي بتطالب بفك الاعتصام

الكلام دا من نشرة اخبار الساعه 9

---

اللى سمعته وانا عند الجنينة(المعتصمين) ان اللى عند المتحف حدفوا طوب ومشيوا ورايحين يجيبوا ناس.

المشكلة فعلا ان اللى واقف وسطهم مش عارف مين اللى بدا وبدا ازاى وايه اللى حصل.وكتير تسمع كلمة بيقولوا

انا باجماعة انا شغلى قريب من هناك فبعدى عليهم بوميا مرتين الصبح وبليل حقيقى الى هناك مش شباب محترمة خااااااااااااالص ودووول الى كانو بينامو تحت الكبارى والبائعين الى كانو على الكورنيش طبعا لما لقو ميدان التحرير مزااار فرصة اجى انا وابيع هنا والحمدلله ان هما مشيو روحوا شوفوا الميدان يعد مامشيو حقيقى نضافة وانا كنت بعانى من المرور وباخد ساعة بس عقبال مااطلع من الميدان

سلام عليكم صاحب الموضوع
نقلا عن احد اصدقائي كان هناك امبارح (و هو واحد من المشاركين و معتصمين منذ بدأ الاعتصامات عموما لحد امبارح تقريبا) , هو كان رايح هناك و تصادف دخوله في وسط الدربكة ...
لما راح هناك شاف بنت يعرفها بتتضرب من (ناس ما يعرفهمش) , و لما راح يحوش عنها تم اعتقاله بواسطة مجموعة لابسين جيش جوة المتحف المصري , و اتعرض هو و اللي معتقلين معاه للضرب و التعذيب , و ربنا وفقه في واحد هربه , و طبعا طالع متكسر

على فكرة , بغض النظر عن رأي اي حد في كون الاعتصام في التحرير دلوقت صح ولا غلط .... فيه فيديو صور تكسير الخيام من قريب , شوفوه هاتعرفوا ان كان اللي كسروا الخيام دول شباب الثورة زي ما قيل , ولا ناس تانيين

اقتباس:

---

المشاركة الأصلية كتبت بواسطة tlrsiap

سلام عليكم صاحب الموضوع
نقلا عن احد اصدقائي كان هناك امبارح (و هو واحد من المشاركين و معتصمين منذ بدأ الاعتصامات عموما لحد امبارح تقريبا) , هو كان رايح هناك و تصادف دخوله في وسط الدربكة ...
لما راح هناك شاف بنت يعرفها بتتضرب من (ناس ما يعرفهمش) , و لما راح يحوش عنها تم اعتقاله بواسطة مجموعة لابسين جيش جوة المتحف المصري , و اتعرض هو و اللي معتقلين معاه للضرب و التعذيب , و ربنا وفقه في واحد هربه , و طبعا طالع متكسر

على فكرة , بغض النظر عن رأي اي حد في كون الاعتصام في التحرير دلوقت صح ولا غلط .... فيه فيديو صور تكسير الخيام من قريب , شوفوه هاتعرفوا ان كان اللي كسروا الخيام دول شباب الثورة زي ما قيل , ولا ناس تانيين

---

انا حرد على حضرتك ودى اول مشاركة ليا ليها علاقة بالثورة من قريب او من بعيد

بس للامانة فقط انا شغلى فى الدقى ولازم اعدى وانا رايح او وانا راجع لبيتى هناك
وفعلا فى ناس فى المنطقة دى فى الجنينة فى اخر 3 ايام كان شكلهم غلط وغير شباب مصر العظيم اللى كان من كام يوم بينظف ويدهن ويكنس الميدان وجعلة افضل مما كان قبل الثورة كمان

فكون الجيش تدخل وشال الخيام لناس انا شخصيا مش عارف هما معتصمين لية ومن وجهة نظرى المتواضعة فيهم ناس بعيدة كل البعد عن الثورة اظن دى حاجة متزعلش حد

وتقبل مرورى

اقتباس:

---

المشاركة الأصلية كتبت بواسطة Ahmed A.Maksoud

صدقاً.......حزنت كثيراً لما وصل إليه حالنا فى المنتدى.....و المنتدى يعكس ما وصل إليه حالنا فى مصر.

---

اقتباس:

---

المشاركة الأصلية كتبت بواسطة Ahmed A.Maksoud

يا باشمهندس احمد.....أنا كلامى مكنش موجه لشخصك و الله..........أنا كنت بتكلم بصفة عامة و لم أقصد شخص بعينه.

عذراً لو كلامى أتفهم غلط.

---

يا سيدي مش القضية اتفهم صح او غلط أنا باسجل موقف من ان الكلام خرج عن سياق الموضوع

عموما واعتذارك مقبول مع انك مش محتاج تعتذر ... وحصل خير :satelite:



نتكلم في الموضوع بقى

أنا هاعمل Highlight لجملة كاتبها الاستاذ صاحب الموضوع

(( ايه يا جماعة فيه ايه اللى بيحصل؟ ولاد------ رموا علينا طوب ومشيوا وراحوا يجيبوا ناس تانية وجايين.طب رموا طوب ليه.عشان مش عاوزينا نقعد واحنا مش هنمشى الالما ابو الغيط يمشى :what:))

الناس دي جاية مع مين أبو الغيط في الغيط من زمااان :angel10:

بجد مين الناس الفي التحرييييير:Copy of majd(4): ؟

اقتباس:

---

المشاركة الأصلية كتبت بواسطة م.احمد زكريا

يا.............................................. .................................
أنا هاعمل highlight لجملة كاتبها الاستاذ صاحب الموضوع

(( ايه يا جماعة فيه ايه اللى بيحصل؟ ولاد------ رموا علينا طوب ومشيوا وراحوا يجيبوا ناس تانية وجايين.طب رموا طوب ليه.عشان مش عاوزينا نقعد واحنا مش هنمشى الالما ابو الغيط يمشى :what:))

الناس دي جاية مع مين أبو الغيط في الغيط من زمااان :angel10:

بجد مين الناس الفي التحرييييير:copy of majd(4): ؟

---

ههههه

تصدق مخدتش بالى من الجمله ديه

غير دلوقتى

اقتباس:

---

المشاركة الأصلية كتبت بواسطة drmomoking

انا حرد على حضرتك ودى اول مشاركة ليا ليها علاقة بالثورة من قريب او من بعيد
بس للامانة فقط انا شغلى فى الدقى ولازم اعدى وانا رايح او وانا راجع لبيتى هناك
وفعلا فى ناس فى المنطقة دى فى الجنينة فى اخر 3 ايام كان شكلهم غلط وغير شباب مصر العظيم اللى كان من كام يوم بينظف ويدهن ويكنس الميدان وجعلة افضل مما كان قبل الثورة كمان
فكون الجيش تدخل وشال الخيام لناس انا شخصيا مش عارف هما معتصمين لية ومن وجهة نظرى المتواضعة فيهم ناس بعيدة كل البعد عن الثورة اظن دى حاجة متزعلش حد
وتقبل مرورى

---

بص معايا حضرتك , انا شخصيا برده رويت اللي تعرض له احد اصدقائي للأمانة , و لو تلاحظ حضرتك اني لا هاجمت الجيش ولا هاجمت اللي كانوا قاعدين في التحرير , بس اللي انا شفته بعيني في الفيديو اللي نزل , اللي هدموا الخيام دول مش شباب الثورة ابدااااااااااااااااااااا , كمان عايز اضيف ملحوظة , انا بقى لي كام يوم مش باروح , بس اخر مرة رحت و كان ده قبل اقالة شفيق , كان فيه معتصمين عادي جدا , و حواليهم كان فيه اشكال غريبة كتير , كان اغلبها بيقوم الناس عليهم ...

اقتباس:

---

المشاركة الأصلية كتبت بواسطة م.احمد زكريا

أنا هاعمل Highlight لجملة كاتبها الاستاذ صاحب الموضوع
(( ايه يا جماعة فيه ايه اللى بيحصل؟ ولاد------ رموا علينا طوب ومشيوا وراحوا يجيبوا ناس تانية وجايين.طب رموا طوب ليه.عشان مش عاوزينا نقعد واحنا مش هنمشى الالما ابو الغيط يمشى :what:))
الناس دي جاية مع مين أبو الغيط في الغيط من زمااان :angel10:
بجد مين الناس الفي التحرييييير:Copy of majd(4): ؟

---

ما تاخدش الجملة بثقة , و المقصود هنا مش الثقة في الزميل اللي سأل لا سمح الله لكن ثقة في اللي اجابه .. احنا بنواجه اسفل جهاز اشترك في حكم مصر سنين و سنين , و تخصصه فتن ... نوارة نجم كانت نقلت في شهادتها بخصوص احداث لاظوغلي حاجات شبه كده
بص معايا

اقتباس:

---

كان فيه بقى بتاع خمس عيال كده من الاول مش مظبوطين، منهم اتنين مميزين قوي، واد عمالة ابص في وشه واقول: سبحان الله، يخلق من الشبه اربعين، الواد ده شكل ظابط امن مركزي كنا بنشوفه في الاربع ايام الاولانية، ومعاه واد صايع كده، شكله مخبر، وكان فيه مخبر تاني اتعرف عليه مالك، كان لابس ازرق، وقف شوية كتير كده، وبعدين خرج
-
-
-
بعد شوية قالوا لنا، طيب حندخلكم بس حيدخل عشرة عشرة، دخلوا اول عشرة ويادوبك طلعوا وقبل ما يتكلموا، الواد ظابط الامن المركزي والمخبر اللي معاه، زودوا تحرشهم بالجيش، ويزقوا في الحديد، فيه عيال هابلة سخنت معاهم، بس الاغلبية كانت بتقول سلمية وبتحاول تحوشهم، والواد الشرطة ده كل ماحد يحاول يحوشه يفضل يجعر ويشلق ويقول: اللي خايف يروووح... اييييه

ونقول له ما تزقش، يفضل يقول اييييه عايزين اييييه
ويقعد يتخانق مع الجيش ويقول للعسكري: انت بتحمي الطواغيت
طبعا العسكري مافهمش حاجة، مافيش حد اسمه طواغيت جوه
والواد المخبر اللي معاه قعد يجعر راخر ويزق في الجيش ولما نسكته يقول: الجيش ضربييييي ويشد في هدومه ويقول الجيش ضربنييييي.. ماحدش ضربه والله، انا واقفة وشايفة، هو عمال يزق في الحديد ويتخانق مع الجيش وماحدش ضربه ولا جه ناحيته الكداب ده

المهم، وانا واقفة على السور الحديد عشان امنع الناس انها تزق، واحد قال يا جماعة ظابط الجيش اهو واقف، بيقول لكم اللي عايز يدخل ييجي يمين، اعملوا صفين صف ستات وصف رجالة وكله حيدخل
فانا بصيت للواد الشرطة ده، وقلت له انت عايز تخش لو عايز تخش فعلا تعالى من هنا، اه، وكان واقف واحد تاني، بس ده شكله امين شرطة، هههههههههههه والله العظيم، عمال يتدلدل من السور ويزق السور، كل ما ارجعه واقول له ما تزقش السور يجعر لي برضه ويقول لي: انت مااااالك... انت اللي بتزقييييي... اوعيييي..

بس دول مش امن دولة، اقصد التلاتة دول الظابط والمخبر وامين الشرطة، شكلهم مش امن دولة، شكلهم شرطة بس غالبا امن مركزي، او جايبينهم من قسم ولا حاجة
نرجع للظابط، قلت له انت عايز تخش تعالى من هنا: برضه راح مجعر من غير سبب وقال لي: انت مااااالك.. انا واقف هنا
قلت له ما الناس حتدخل من هنا، ظابط الجيش اهو واقف بيدخل الناس
راح ده نازل من على السور واول ما شاف الناس خلاص بيتفتح لها الجنب اليمين عشان تدخل منه راح هو والمخبر وامين الشرطة وكام عيل تانيين جروا السور الحديد، الظاهر ناس تانية سخنت معاهم راحت قعدت تجر السور وانا حاولت امسكهم عشان امنعهم ما عرفتش، ولقيت واحد وسط الزحمة دي طلع حاجة طويلة كده شبه الحبل ولا حاجة

وبعدين الناس دخلت من الفتحة اللي اتفتحت وهم رافعين ايديهم، وبعدين سمعنا صوت ناس من ناحية البوابة، وبعدين سمعنا ضرب نار في الهوا، فقعدنا نجري، جرينا ناحية البوابة، وورانا الجيش بيضرب ذخيرة في الهوا وبيحرك الدبابة، لقينا البلطجية هاجمين علينا بالمولوتوف وشميت ريحة غاز مسيل للدموع مع هلتهم ....

---

و اللي حصل بعد كده طبقا لشهادة واحد تاني كان مرعب http://www.nilemotors.net/Nile/20582...D3%E1%D8%C7%E4

اقتباس:

---

المشاركة الأصلية كتبت بواسطة tlrsiap

بص معايا حضرتك , انا شخصيا برده رويت اللي تعرض له احد اصدقائي للأمانة , و لو تلاحظ حضرتك اني لا هاجمت الجيش ولا هاجمت اللي كانوا قاعدين في التحرير , بس اللي انا شفته بعيني في الفيديو اللي نزل , اللي هدموا الخيام دول مش شباب الثورة ابدااااااااااااااااااااا , كمان عايز اضيف ملحوظة , انا بقى لي كام يوم مش باروح , بس اخر مرة رحت و كان ده قبل اقالة شفيق , كان فيه معتصمين عادي جدا , و حواليهم كان فيه اشكال غريبة كتير , كان اغلبها بيقوم الناس عليهم ...




ما تاخدش الجملة بثقة , و المقصود هنا مش الثقة في الزميل اللي سأل لا سمح الله لكن ثقة في اللي اجابه .. احنا بنواجه اسفل جهاز اشترك في حكم مصر سنين و سنين , و تخصصه فتن ... نوارة نجم كانت نقلت في شهادتها بخصوص احداث لاظوغلي حاجات شبه كده
بص معايا


و اللي حصل بعد كده طبقا لشهادة واحد تاني كان مرعب http://www.nilemotors.net/nile/20582...d3%e1%d8%c7%e4

---

شوفت يا تامر باشا

يبقى الصح الإنسحاب من وسط هؤلاء وترك الجيش يتعامل معهم بما هم أهل له

لأن وسط الهرج والمرج بيختلط الحابل بالنابل و أكيد مش مكتوب على وش البيضرب أنا من الشرفاء أو انا منتفع وبلطجي فالمحترم بيروح في الرجلين

استاذ tlrsiap
انا معنديش اى مشكلة فى التظاهر السلمى انا بس كل قصدى اننا نقلل التجمعات لانها بتكون عرضة اكتر للاحتكاكات وساعتها بتتعدد الروايات والشعب مش بيعرف الحق فين وزى ما حضرتك زكرت مشكورا فى مشاركتك ان ممكن يكون فى ناس مدسوسة او بيسخنو او لابسين جيش وهما مش جيش او عاملين متظاهرين وهما مش متظاهرين وساعتها بيختلط الحابل بالنابل وتضيع الحقيقة والناس تقول الشعب اشتبك مع الجيش والجيش بيضرب شعبة ودة مش حقيقى ودليلنا ليبيا واللى بيحصل فيها احنا جيش وشعب جميل بس نتفادى الوقيعة وكلة حيبقى كويس

بغض النظر عن مين كان هناك ومين صح ومين غلط
أحسن حاجه أنها أتفضت لأنها بوخت
ولو الأعضاء عايزه تعرف ليه ده أحسن
يفكروا فى باقى الاعتصامات
يعنى فى أعضاء بتنادى أن الأخوه اللى قدام ماسبيرو يفضوا الأعتصام
طب أشمعنى بتوع التحرير قاعدين
كل واحد فيهم بيقول مش همشى ألا لما يتحقق كل مطالبى
مع أن الأتنين خدوا وعود للتنفيذ
وجامعة القاهره ناصبين الخيام بقالهم كام يوم
طب أشمعنى نقولهم لأ , طب ما بتوع التحرير قاعدين هما كمان

يبقى أحسن أنها تتفض ولا لأ

نقول شكلهم بلطجيه ولا معتصمين

مش فارقه

اقتباس:

---

المشاركة الأصلية كتبت بواسطة م.احمد زكريا

شوفت يا تامر باشا
يبقى الصح الإنسحاب من وسط هؤلاء وترك الجيش يتعامل معهم بما هم أهل له
لأن وسط الهرج والمرج بيختلط الحابل بالنابل و أكيد مش مكتوب على وش البيضرب أنا من الشرفاء أو انا منتفع وبلطجي فالمحترم بيروح في الرجلين

---

اقتباس:

---

المشاركة الأصلية كتبت بواسطة drmomoking

استاذ tlrsiap
انا معنديش اى مشكلة فى التظاهر السلمى انا بس كل قصدى اننا نقلل التجمعات لانها بتكون عرضة اكتر للاحتكاكات وساعتها بتتعدد الروايات والشعب مش بيعرف الحق فين وزى ما حضرتك زكرت مشكورا فى مشاركتك ان ممكن يكون فى ناس مدسوسة او بيسخنو او لابسين جيش وهما مش جيش او عاملين متظاهرين وهما مش متظاهرين وساعتها بيختلط الحابل بالنابل وتضيع الحقيقة والناس تقول الشعب اشتبك مع الجيش والجيش بيضرب شعبة ودة مش حقيقى ودليلنا ليبيا واللى بيحصل فيها احنا جيش وشعب جميل بس نتفادى الوقيعة وكلة حيبقى كويس

---

سلام عليكم
انا مش هاختلف مع الاخوة , لان كلامكم فعلا صح
بس ده هايحطنا في مشكلة , الناس دي بيعملوا الحركات دي بالظبط عشان احنا نعمل كده , عشان الناس تقعد في البيت و يتوقف الضغط الشعبي ضد اي فساد (مفروض نكون كلنا لاحظنا ان الجيش ما اتحركش ابدا الا بضغط شعبي)

يبقى في الحالة دي واجبنا اننا نوجد حل يحقق اللي احنا عايزينه و في نفس الوقت يمنع البلطجية و المندسين من التواجد بيننا

ايام الاعتصام الكبير قبل تنحي مبارك كان الحل في (1)الاعداد الكبيرة و (2)التنظيم من المتطوعين في ميدان التحرير , كانوا بيشوفوا بطاقة اي حد داخل (عشان ما يدخلش ظابط ولا مخبر ولا امين شرطة ولا اي حد تبع الأمن) , و كان كل اللي داخل بيتفتش عشان ما يبقاش حد معاه سلاح , و حتى لو دخل حد اعداد المتطوعين الكبيرة كانت كفيلة بطرد اي مندس , و بصد اي هجوم كمان

الناس دي ايامها حلوها بالطريقة دي (اعداد كبيرة + تنظيم قوي ) و جمعوا الحسنيين , التظاهر اللي هو حق مشروع + منع دخول اي مندس و صد اي هجوم , و اظن ان الواجب دلوقت هو ايجاد حل جديد لنفس المشكلة

اقتباس:

---

المشاركة الأصلية كتبت بواسطة tlrsiap

سلام عليكم
انا مش هاختلف مع الاخوة , لان كلامكم فعلا صح
بس ده هايحطنا في مشكلة , الناس دي بيعملوا الحركات دي بالظبط عشان احنا نعمل كده , عشان الناس تقعد في البيت و يتوقف الضغط الشعبي ضد اي فساد (مفروض نكون كلنا لاحظنا ان الجيش ما اتحركش ابدا الا بضغط شعبي)

يبقى في الحالة دي واجبنا اننا نوجد حل يحقق اللي احنا عايزينه و في نفس الوقت يمنع البلطجية و المندسين من التواجد بيننا

ايام الاعتصام الكبير قبل تنحي مبارك كان الحل في (1)الاعداد الكبيرة و (2)التنظيم من المتطوعين في ميدان التحرير , كانوا بيشوفوا بطاقة اي حد داخل (عشان ما يدخلش ظابط ولا مخبر ولا امين شرطة ولا اي حد تبع الأمن) , و كان كل اللي داخل بيتفتش عشان ما يبقاش حد معاه سلاح , و حتى لو دخل حد اعداد المتطوعين الكبيرة كانت كفيلة بطرد اي مندس , و بصد اي هجوم كمان

الناس دي ايامها حلوها بالطريقة دي (اعداد كبيرة + تنظيم قوي ) و جمعوا الحسنيين , التظاهر اللي هو حق مشروع + منع دخول اي مندس و صد اي هجوم , و اظن ان الواجب دلوقت هو ايجاد حل جديد لنفس المشكلة

---

معاك فى كلامك مية المية والضغط دة يكون فعلا كل جمعة فقط لتسيير الحياة الطبيعية ولعدم اندساس عناصر مفسدة انما مش عمال على بطال بالشكل اللى يدى فرصة لدس السم فى العسل (مش كدة ولا اية) على راى الاستاذ فؤاد المهندس
وكامل احترامى وسعادتى للمناقشة مع حضرتك

لا حول ولا قوة الا بالله.انا لما رحت ميدان التحرير ولاننى كنت هناك لظروف شغلى ومن اللى قابلونى فى المتحف ووشهم عليه الزعل ومش عارف اوصلكوا تعبير وشوشهم ايه(بس هو تعبير عن احساس بان اللى انا عملته خايف عليه يروح بسبب الناس اللى فى الميدان وده اللى اكدهولى الناس اللى اكتر من مرة قالتلى فى المتحف"فهم الاجانب اللى معاك ان مش احنا اللى برة".

قررت اروح الميدان واشوف الناس اللى برة ولقيت اللى حكيتوا وكنت عارف ان فى اعضاء ممكن يتريقوا وفى اتهامات ممكن بعداء للثورة ولكن كان اللى يهمنى شخصيا انقل واقع انا شفته وممكن ناس كتير متعرفنيش عشان اكون محل ثقة بس كنت دايما عندى فكرة جوايا ان اللى هيتهمنى ياى حاجة لاما مشافش او مش من شباب الثورة اللى مشى من الميدان بعد ما اتحققت معظم المطالب الرئيسية.

الناس اللى صورتهم شايلين خشب ومعرفتش اصور اللى بيخلعوا بلاط الرصيف كانوا بيجيبوا الخشب والعصيان وبيقلعوا الاحزمة من عند الجنينة.

الموضوع بقى اتقلب بمشاحنات ومداخلات بعيد عن الموضوع فده شئ طبيعى لان الموضوع زعل ناس وناس مش عايزة تقراه واللى قرا معجبوش يمكن الله اعلم.

بصوا يا جماعة انا سافرت برا مصر فى بلاد عندها ما يسمى بديموقراطية ولو انها بتتكلم عنها كتير وفعلا اللى بيحصل على صفحات المنتدى من بعض الناس وفى الشارع وفى الحوارات والمطالبة بديموقراطية لا يمت بما تنادونه بصلة.

ارجع اقولها تانى واللى ناس كتير هنا قالته (لو عاوزنى اسمعك يبقى اسمعنى ولو عاوز تتكلم وتاخد فرصتك يبقى انا من حقى اتكلم وانت تسمعنى وتاخد فرصتك لكن لما كلامى لا يوافق افكاراك وقناعاتك ارجوك متتهمنيش باى حاجة وخلاص وناقشنى احسن)

ذنبهم ايه الاجانب اللى كنا بنادى برجوع السياحة ورجوعهم عشان الاقتصاد يمشى والناس تشتغل والاستثمار الاجنبى يطمن انهم يتصلوا بيا يسالونى كل فترة صغيرة ممكن ننزل ولا مش امان.هى المظاهرات اللى قفلوا المتحف عشانها هتبقى زى يوم 28.ايه رايك طيب نلغى بقية الرحلة ونسافر بلد تانية يومين مثلا ونرجع القاهرة لماالامور توضح.

ليه الثورة زى ما ليها مكاسب لازم يكون ليها خسائر مدمرة لاقتصاد وامان.وليه اللى عاوز البلد تتغير وتتحسن مبيفكرش فى نفسه وهل هو اتغير مع الثورة ولا نادى بالتغيير بس.

اقتباس:

---

المشاركة الأصلية كتبت بواسطة tlrsiap

ما تاخدش الجملة بثقة , و المقصود هنا مش الثقة في الزميل اللي سأل لا سمح الله لكن ثقة في اللي اجابه .. احنا بنواجه اسفل جهاز اشترك في حكم مصر سنين و سنين , و تخصصه فتن ... نوارة نجم كانت نقلت في شهادتها بخصوص احداث لاظوغلي حاجات شبه كده
بص معايا

---

انا لما سالت الرد كان من واحد بيقول اى حاجة عشان يبرر قعدته لاننى كنت بساله ومعايا صاحبى وناس كتير حوالينا.

وللاسف نسيت اضيف فى اول مشاركة اننى شفت2 شباب (ما شاء الله عليهم) بيتناقشوا مع بعض (مش هقول وصفهم عشان الاتهامات اللى بتتحدف) وكان نقاش بكل موضوعية واللى سمعته من الكلام: طب مش المطالب اللى انا وانت طالبنا بيها من يوم 25 اتحققت وفى جزء لسة بنطالب بيه وقولنا هندى فرصة للحكومة الجديدة ونشوف.يرد عليه التانى ايوة بس المعتصمين مش عاملين مشكلة فى الميدان ولا البلد.لا ناس كتير بقت دلوقت بتقلد وطالما مطالب الاعتصام بتضغط وتحقق ييبقى احنا كمان فبلاش ندى فرصة انها تتسمى ثورة المطالب وياريت تكلم اللى معاك فى الخيمة ونسيب الناس والحكومة تهدى وتشتغل واحنا نشتغل.

وبعد كدة بدات الناس تجري وده اللى كتبتوا فى المشاركة الاولى.

واللى حابب الفيديو بالصوت يقولى وانا ارفعه على اليوتيوب وابعتله اللينك.

اسف الفيديو بالصوت مسحته