يا رب ده يتعمل فعلا !!!!!!!!!!

**cheetos_892005** · 09-03-2011 11:54 PM

سمعت وزير الداخليه من شويه بيقول :

1- هيبقى فيه من بكره دوريات من الامن المركزي ((المسلح )) لتامين كل الطرق . زي المحور و الدائري

2- نزول الشرطه بكامل قوتها . قريبا جدا ممكن بكره برده

والله يا ريت .. هنشوف .

ملحوظه : مهما كانت قوة الجيش ..مش هيعرف حد يجيب البلطجيه دي غير الشرطه والمباحث اللي حافظينهم اسم اسم و مكانهم ... و يا ريت يكون بالتعاون مع الجيش و الشرطه العسكريه

**otefa** · 09-03-2011 11:58 PM

**mr_vampire** · 10-03-2011 12:28 AM

تسلم ايدك ياباشا عالخبر ده وياريت فعلا يكون صحيح وجاري تنفيذه.

كان من شوية في مداخلة عالعاشرة مساءا من صحفي ( مش فاكر اسمه ) سأل سؤال بسيط اووووووووووووووي ولو جاوبنا عليه خلاص خلصت .

انتا عندك اكتر من 500 الف عسكري امن مركزي كانت وظيفتهم الاساسية زمان انهم يترصو زي الطوب عالطرق لما الرئيس المخلوع يطلع في مسيرة من اول مكان تحركه لحد مكان وصوله.

وكانو بينزلو ضرب فالطلبة المحترمين بتوع الجامعات لحد مايكسرو عضمهم.

فين العساكر ده دلوقتي ؟؟؟؟؟؟؟؟؟؟؟؟؟ العساكر ده لو نزلت الشارع مش كفيلة انهم تظبط الامن ولو حتي بنسبة 70% والجيش يكمل. ده كفاية بس تواجد كام عسكري وكام عربية فالشارع كفيلة انهم ميدخلوش بلطجية فالمنطقة ده كلها ولا تدريبات وتعليمات الامن المركزي علي ضرب اي حد ماعدا البلطجية.

**fiat128man** · 10-03-2011 12:36 AM

انتا عندك اكتر من 500 الف عسكري امن مركزي كانت وظيفتهم الاساسية زمان انهم يترصو زي الطوب عالطرق لما الرئيس المخلوع يطلع في مسيرة من اول مكان تحركه لحد مكان وصوله.

مليون وربع عسكري أمن مركزي .

**mr_vampire** · 10-03-2011 12:42 AM

المشاركة الأصلية كتبت بواسطة fiat128man

مليون وربع عسكري أمن مركزي .

ههههههههههههههههه نفس الرد اللي ردته ( مني الشاذلي ) وقالها مليون ونص عسكري في جهاز الشرطة وأكتر من 500 الف فالامن المركزي وحده.

أيا كان ياباشا كفاية ينزل منهم 200 الف بسسسسسسسسسسس بس ينزل الراجل منهم مش المان وهي هتتظبط ان شاء الله.

**nour_nrc** · 10-03-2011 12:47 AM

+1111111111111111111111111111111111111111111111111 1111111111

**OmaR_FekrY** · 10-03-2011 01:15 AM

يا مسهل يا رب

**محمد المصرى** · 10-03-2011 01:44 AM

الشرطة نزلت القاهرة الجديدة عامله فرح بصوت السرينة

وبتلف فى الشوارع

**WalidAdel** · 10-03-2011 01:46 AM

انا ارد عليك بقي في دا لاني والله العظيم شفتهم بعيني امبارح وانا جاي من الزقازيق و خارج علي طريق الاسماعليه ببمشي يمين علي اخش علي اطلع الكوبري الجديد اللي بيعدي من فوق الدائري ثو الي كوبري الحرفين و هكذا وانا فوق الكوبري الجديد بالظبط بتبص شمالك كده بتلاقي الكتيبه التالته امن مركزي و بتبص علي المعسكر كله من جوه و الله و الله و الله كان في ماتش كوره جوه المعسكر علي الرمل
بصيت كده و قولت لوالدي مافيش فايده في البلد دي الامن المركزي بيلعب كوره واحنا مسافرين علي الطريق و معانا السلاح و نايمين في البيت و السلاح تحت المخده ..... حسبي الله و نعم الوكيل

-

الموضوع: يا رب ده يتعمل فعلا !!!!!!!!!!

LinkBack

أدوات الموضوع

عرض

-

-

-

-

المواضيع المتشابهه

يا ترى إيه اللازم يتعمل مع الناس ديه

اقتراح ممكن يتعمل؟؟

هي الأفيو فعلا سيارة سيئة فعلا ؟؟؟؟

هى الأفيو فعلا سيارة سيئة فعلا ؟؟؟؟ ( مشاركات خارج الموضوع )

الكلمات الدلالية لهذا الموضوع

المفضلات

المفضلات

ضوابط المشاركة