اف اس في اوتوماتيك

**techno** · 10-03-2011 02:39 AM

يا جماعة انا الحمد لله لقيت ال اف اس في اوتوماتيك و اخر واحد تقريبا عند الراجل و حجزتها و هستلم لما اجراءات البنك تخلص ان شاء الله .. بصراحة العربية زي الفل ما شاء الله .. بس انا عايز اسال اعرف ازاي انها 2011 و ايه اللي بيجي معاها و هل التكييف في الاتوماتيك بيكون تاتش و لا بكر عادي و ممكن الوكيل ينزل التكييف التاتش و لا لا .. ارجو تفيدوني بسرعة علشان احسم الاختيار و اتوكل علي الله و استلم و انا مرتاح .. و ياريت النصيحة اخد بالي من ايه و اعمل شيك علي ايه .. اسف طولت عليكوا بس انا دي هتكون اول عربية اركبها في حياتي ان شاء الله فا محتاج لاهل الخبرة .. و تقبلوا مني تحياتي

**techno** · 10-03-2011 02:41 AM

و بالنسبة لو حد بيدور علي المانيوال جي ال .. مش كاملة في عند عربيات في المهندسين واحده لونها سيلفر و الفرش اسود تقريبا بصراحة انا ناسي بس هو اسود تقريبا .. فا اللي بيدور علي المانيوال يلحق بقي

**bassem.kamal** · 10-03-2011 05:17 AM

ممكن تبعتلي رقمك ؟؟؟ .. عشان بس تشرحلي القصة

**banpan_007** · 10-03-2011 11:31 AM

السلام عليكم
مبروك عليك أولا
بالنسبة تعرفها أزاي 2011 دا من الأفراج الجمركي بتاع الغربية
ولازم تشيك على كل حاجة
يعني تشغل كل ألانطمة اللي في العربية
زي تشغل التكييف وتتأكد أنه شغال لأني أنا استلمت عربيتي وطلع مفتاح التكييف بتاع النرواح مش شغال ولم يحل حتى ألان في التوكيل
مرايات الكهرباء
الكاسييت وusb&aux
أفتح الكايوت وـاكد من منسوب السوائل زي مياة التبريد والباور والفرامل ودور العربية لو عرفت لمدة 10 دقائق لغاية ما تسخن وتأكد أن المؤشر بتاع الحرارة لم يتعدى النص
وبالتوفيق

**akramesg** · 10-03-2011 01:21 PM

مفيش تكييف تتش ومش هينزل عندنا
مشكلة المفتاح البكر متكررة بس سهلة انا اتحلت قصادى فى الملتقى العربى (بيع)

**techno** · 10-03-2011 05:50 PM

تسلموا علي الردود و ربنا يخليكوا يا رب و يجزيكوا خير ان شاء الله .. بالنسبة للاستاذ سورسار مش فاهم قصد حضرتك ايه بتفهم القصة .. هو في حاجة غلط في الموضوع؟

**techno** · 11-03-2011 02:57 AM

طيب بالنسبة للناس اللي معاهم اتوماتيك .. اخبارها ايه معاهم؟

**bassem.kamal** · 11-03-2011 02:30 PM

بص علي الشاسية و الحوض من قدام مكتوب فيها موديل العربية الحقيفي سواء كان 2010 او 2011 ..... بس لو كل واحد يقول دي كانت اخر واحدة ... فكدة في اتوماتك متوفر عادي جدا بس في المخزن و بيطلعوا منها في اضيق الحدود اوي و لناس و ناس ...... دة من الاخر يا جماعة و اللي يقول ان مفيش اتوماتك يبقي دة واحد شغال جوا .... يا جماعة امتي هنتقدم بقا و نفوك من الكلام دة و مصلحت مين ..... و المهم ربنا يباركلك فيها و اي مساعدة انا معاك و معايا اتوماتك بردو زي ( أكرم ) .... و اي أسئلة محددة كدة هاجوبك عليها و نظبتك علي الاخر

**techno** · 11-03-2011 06:30 PM

ربنا يباركلوكوا يا رب .. يا باشا الاتوماتيك و المانيوال موجودين عادي و بكل الفئات بس في المخزن و مبيطلعهاش الا لما يلاقي اللي قداموا جد اوي.. شغل نصب و احنا شعب بيتفنن ننصب ازاي علي بعض للاسف.. و سؤالي بقي و ربنا يجزيكوا خير و اسف اني تعبتوكوا معايا.. انا عايز اعرف الثبات ايه نظاموا و اسعار قطع الغيار و العربية نفسها كويسة و لا لا لان في ناس كتير بيقولولي بلاش بريليانس و بلاش صيني و بيني و بينكوا انا زهقت من شغل الشعب المصري اللي تعرفوا احسن من اللي متعرفوش.. و كمان انا العربية عاجباني اوي .. فا لو ممكن تطمنوني بقي اكتر لانوكوا جربتوها بقي.. و اسف علي الاطالة و ربنا يجزيكوا خير ان شاء الله

**ahmed92** · 11-03-2011 07:33 PM

العربية موجودة على موقع لقطة فى احد المعارض موديل 2010 اوتوماتك ب 83 الف
هل السعر كدا غالى ولا لأ

الموضوع: اف اس في اوتوماتيك

LinkBack

أدوات الموضوع

عرض

-

المواضيع المتشابهه

انا فى حيره نيسان صنى الجديده 2013 اوتوماتيك ولا النترا تانى فئه اوتوماتيك + فتحة سقف

كيا بيكانتو اوتوماتيك ولا افيو اوتوماتيك ولا لوجان اوتوماتيك؟ محتارة جدا

هو مفيش لوجان سيدان اوتوماتيك وهل ينفع اغير الفتيس اخليه اوتوماتيك

هام 000وعاجل00تشترى اية افضل الانترا اوتوماتيك 0ام سىراتو اوتوماتيك 2009 الشكل الجديد

رجالة خلاص رايح احجز بس اية افيو اوتوماتيك :او نيو اكسنت اوتوماتيك:او فيرنا اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة