يا جماعه الحكاية دي مهمة قووووووي...ومن غيرها عمليات الغش التجاري بتنتشر بشكل بشع..
يا تري كام واحد فينا بيتمسك انة ياخد فاتور باي شيء هو اشتراة...
وياتري الفاتورة ايلي بياخدها (دة لو فرضنا انة اخد فاتورة) فيها خصائص الفاتورة (اسم المنتج - تاريخ انتاجة -مدة صلاحيتة -بلد المنشأ-مكوناتة- والخ)
حكاية الفواتير دي....مش علشان الضرايب بس....ولكن هي اساس اي شكوي مقدمة لجهاز حماية المستهلك في اي مكان في العالم....من غير فاتورة ....عفوا انت مالكش اي حق في اي شيء....ومن حق التاجر انة يغشك وبنصب عليك....
دايماً باطلبها بس في الحاجات اللي انا عارف اني ممكن ارجع له فيها
زي ما كنت عاوز اشتري انذار وسنتر وصممت مشتريهمش غير بفاتورة
وبعد لف ييجي ساعتين ملقيتش حد يبيعلي بفاتورة فقلقت ومرضيتش اشتري
لما تيجي تشتكي لجهاز حماية المستهلك مش بيرضى يستقبل شكوتك الا لو كان معاك فاتورة
عشان كدة بقت الفاتورة أول حاجة في طريق رجوع الحق قصاد كتير من التجار الجشعين
أحب أضيف على الحاجات اللي حضرتك قلت لازم تكون موجودة في الفاتورة انها لازم يبقى مكتوب عليها مطبوع او حتى بختم رقم التسجيل الضريبي ومأمورية الضرائب التابعة لها المنشأة
انا بطلب فواتير فى حاتين بس
انى بشترى حاجه ذات قيمة علشان لو طلعت بايظه أعرف أتكلم مع المكان الى اشتريت من
أو انى بشترى حاجه لحد تانى علشان ميبأش فى شك
غير كده باه فتورة من الحلاق وفتوره علشان أشتريت زجاحه عصير والكلام الاهبل ده لأ طبعا
تاج باشا...اقتباس:
المشاركة الأصلية كتبت بواسطة TAG_Turbo0
حكاية فاتورة من الحلاق ومن الدكتور ...ومن اي حد بيقدم لك خدمة او حتي فاتورة علشان باكو لبان...مش كلام اهبل ولا حاجة....ياريت مصر تبقي كدة..
انا اول مرة شفت الكلام دة كان في اوروبا...وبقيت مسغرب برضة كدة...بس لاقيت انة نظام عالي قوي قوي..يعني ممكن تعرف انت اشتريت اية وبكام ومنين واي وقت....
تاني مرة شفت فيها الحكاية دي....في الدول العربية....ما شاء الله ...بقوا زي اوروبا في كل شيء..تقريبا...وخصوصا النظام ايلي بيدي شكل حضاري حقيقي مش كلام وبس...
يعني لو حبيت اركب تاكسي ...واطلب فاتورة ..بيديني فاتورة...ودي ليها مميزات كتيرة...
اولا : دة اثبات قيمة الاجرة المدفوعه....(في حالة انك هاتسترد القيمة دي...علي حساب الشركة مثلا لو كنت في مأمورية)
ثانيا : السواق ما قدرش ينصب عليك ...لان موضح فيها انت راكب من فين ولفين ...
ثالثا: فيها ميعاد ركوبك ...وميعاد وصولك ...لانها بتنطبع برة من مكنة السواق بيشغلها لما تركب ويطبع لما تنزل...ودة اثبات علي تواجدك في التاكسي خلال الفترة الزمنية دي...(يعني لاقدر الله حصل شيء يبقي انت تعرف تثبت انت كنت فين)
رابعا: حق الدولة في انها تاخد ضريبة من خلالها ترصف بيها الطرق وتبني مستشفيات وخدمات تانية...
يعني الفواتير ...مش وحشة هي ممتازة....بس احنا ايلي مش متعودين عليها ...زيها زي اي شيء منظم ..
انا امنية حياتي ...اني الاقي اي شيء بيتباع او بيتشري يبقي بفواتير.....
مش دايما بتفوتر :).
استحاله اروح اشتري علبه سجاير او احط بنزين اطلب فاتوره.
و لما بشتري خيوط او مستلزمات انتاج للمصنع مش بطلب فاتوره.
انما قطع الغيار بطلب فاتوره علشان اضمن حقي في ترجعها.
لا انا لبا مقلق اطلب فاتورةاقتباس:
المشاركة الأصلية كتبت بواسطة hazem_khidr
مثلا بعد مشاكل البنزين بقيت لما ادخل من بنزينة مش واثق منها اطلب فاتورة
او لو سلعة عليها ضمان
او عشان ادخل سحب اللانسر ex في كارفور
او بغتت على البياع
غير كده لا
مستحيل تبقى الفواتير بالسهوله اللى بتتخيلها يا هيرو
معتقدش لو رحت تجيب لتر بيبسى من سوبر ماركت هتقوله هات فاتوره
او اشتريت كيلو خضار هتقول للبايع هات فاتوره اظن ده مستحيل
لكن الفاتوره فى الاجهزه والاشياء اللى عليها ضمان ضروريه وبنطلبها طبعا
انا فى العادى بطلب فاتورة لكل حاجة بشتريها
لو مفيش ساعات بكبر دماغى, لكن فى اوقات بتبقى طالبة معايا اغلس على البياع و ممشيش غير بفاتورة مختومة و سليمة
انا فى بعض الحاجات باخد بيها فواتير و بعضها لأ يعنى طبعا م هروح عند دكتور و اقولى ادينى فاتورة و عند الحلاق نفس الكلام و بعض الحالات اللى شبه ديه
انما فى اى سوبرماركت كبير باخد فاتوره البنزين باخد فاتوره اى اجهزه بشتريها باخد فاتوره
ياجماعه فيه حاجه انتوا مش واخدين بالكم منها الفاتوره لازم تكون عليها بيانات المنشائه والرقم الضريبى المكون من 11 رقم وعليها ختم المنشاه مش ختم خالص مع الشكر هى دى الفاتوره الحقيقه مش الفاتوره اللى راجل بيدهنلنا ويبقى ولا مكتوب عليها اى حاجه وختم خالص مع الشكر
وياجماعه انا شايف حرام اوى اوى ادفع 10% على الحاجه اللى انا بشتريها يعنى انا بشترى تلفزيون ب 1000 ادفع 100 جنيه زياده ده كلام ميدخلش العقل لازم اعاده النظر فى حوار النسبه دى
انا بس فى الحاجات المهمة و القيمة باخد فاتورة لكن فية حتت مينفعش اخد فيها فاتورة زى الحلاق مثلا او الفكهانى
الضرائب تسرقك أولا
+1اقتباس:
المشاركة الأصلية كتبت بواسطة محمد ابراهيم 1
هل الضرائب تنفق فيما هي له؟
بنسبة كم في المائة؟
و كم في المائة مما هو مفروض أن يصل إليك يصل فعلا؟
أجب عن هذه الأسئلة و اختر طريقك
للأسف موضوع فاتورة لكل شئ مباع دا موضوع "وهمولوجى" لأنه لن يطبق فى مصر بأى حال من الأحوال إلا لو أصبحنا دولة على مستوى الدول التى تتكلمون عنها ، ودا حاليا بعييييييييييييييد المنال...
ومن حجج البائع أن الفاتورة ستزيد من قيمة المدفوع فى السلعة، يعنى لو عايز فاتورة السلعة هتزيد بقيمة معينة، غالبا 10 % ، ودا اللى بيخلى معظم الناس ترفض لأن 10% ممكن تكون مبلغ كبير فى الكثير من السلع...
والشعار الظريف: "الضرايب مصلحتك أولا" لا أعرف غير أنه فعلا"الضرايب مصلحتهم أولا"
احصل على الفاتورة ليس من اجل الاعلانات الخاصة بالضرائب ولكن من اجلك انت ! لاتضمن ان البضاعة المشتراة مسروقة او منتجة تحت السلم او فى بلاد الواق واق ، بصدق يجب ان تكون حريص خاصة فى السلع المعمرة وايضا من اجل الضمان واسترجاع اى حقوق خاصة بك للسلعة المشتراة ، طبعا فى السعودية لاتوجد فواتير من الحلاق او الفكهانى الا اذا طلبت ذلك وفعلا الجميع يعطيك بدون نقاش وبدون زعل 000 اما فى مصر فيجب الاصرار على الفواتير لضمان حقك وليس حق الضرائب مع اننى اتفق ان حق الضرائب شىء هام لمصر لللانفاق على المشروعات التنموية وان كنت اشك فى ذلك !!!!!!!!!
الصراحه حتى و انا فالخارج
كانوا يدوني الفاتوره
امسكها اقطعها و ارميها
جوه او بره
انا مش معترف بالفكره اصلا
بغض النظر عن البلد