ياريت المساعده...استشاره مستعجله

**ahmed_mooka** · 10-03-2011 03:48 PM

دلوقتي انا معايا لانسر ١٣٠٠ اتوماتيك ٢٠٠٤....العربيه كانت بتسخن جامد كل شويه...بكشف علي الريداتير

لاقيت العلبه مخرومه....و الريداتير مش نافع...قمت مغيره و جبت ريداتير جديد...في نفس اليوم اعقد امشي بالعربيه

كيتير علي شان اتاكد من الحراره.....لاقيتها مظبوطه........تاني يوم لاقيت العربيه سخنت تاني..رحت لميكانيكي

شال الترموستات (اللي هي شبه السوسته دي......قالي كانت بايظه و مش شغاله...من ساعتها...
موشر

الحراره بئه واطي قوي مهما مشيت يعني بيبقي ثابت فوق الي السي بحاجه بسيطه....ثابت مش

بيعلي........اللي اعرفه ان الموشر المفروض يكون في النص....ياريت حضرتك تساعدني في الموضوع دا

انا خايف العربيه تكون بتسخن و الموشر مش مبين السخونه

**mr_vampire** · 10-03-2011 04:16 PM

جيب ترموستات تانية بدل اللي اتشالت وركبها.

**prisoner** · 10-03-2011 04:21 PM

على ما اظن الترموستات ده بيكون ليه مقاس حرارة معين فى العربيات الفيات كده فى من 68 او 90 الواطى 68 والعالى 90 وافتكر العالى احسن علشان المروحة متبقاش شغالة على طول زى عند حضرتك وتنزل الحرارة جامد هاتفرح بالحرارة الواطية لكن ده هايجى على حساب المروحة لانها هاتفضل شغالة على طول والله اعلم

**mostafa727050** · 11-03-2011 09:38 PM

يا باشا لازم تجيب ثيرموستات جديد و تركبه ,,, اوعى تمشي بالعربيه من غير ثيرموستات عشان المكنه حتتعب , و متسمعش كلام الصنايعيه الى تقولك الثيرموستات ملوش لازمه . اكيد انت دلوقتى حتلاقى الحراره بتزيد لما تقف و تقل لمل تمشى و ده مضر جدا للمتور ...
يا ريت تقولى جبت الراديتير بكام ؟؟
و اصلى و لا ايه؟؟؟