رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
ديه كانت مداخله حبيت ارقيها لموضوع منفرد
اولا - اى تطاول على اى رمز دينى هو مرفوض ولكن من الممكن نقد سياسته
تانيا - احنا مختلفين و فيه بينا احتقان كبير و كمان رواسب وبرفض بشده تسميات زى عنصرى الامه و كلنا واحد والشعارات الجوفاء
احنا مصريين بديانتين مختلفتين و على بلاطه من غير تذويق لا المسلمين مقتنعيين بالمسيحيه اللى موجوده ولا المسيحيين مقتنعين بالاسلام وده لا ينتقص المسيحيين او المسلمين
اللى افهمه ان دول مواطنين مصريين ليهم حق العباده وليهم يطلبوا اى حقوق هما عايزينها ويوافق عليها اغلبيه الشعب
ده الطبيعى يعنى ماينفعش يطلع قانون فى مصلحه المسيحيين واغلبيه المسلمين مش عاجبهم ونقول اخوانا الاقباط
يبقى تتحل ازاى؟؟
تتحل ان المسيحيين يعرضوا المطلوب بطريقه تتفهم وماتخليش معارضه ليهم اغلبيه
ونفس الوقت اللى عايزين البلد تمشى من المسلمين يشرحوا الاسلام و كيفيه تقبل الاخر بدون لغط بتاع الوحده وكلنا ايد واحده يا بهجت عشان فى الوطن ده فيه مسلمين بتحرم تسلم على المسيحيين و العكس برضه موجود
ماينفعش المسيحيين عايشين فى جيتو ضيق ومغلق و لا ينسجموا فى المجتمع والناس تسمع عنهم بس مطالب او مشاكل
الناس ماتعرفش حاجه والناس تخاف من اللى ماتعرفوش وطول ما المسيحيين مختفين ومنكبين على نفسهم طول ماحنا مش بنشوفهم وبنفضل خايفين بيفكروا ازاى
الكلام فى العام جميل بس وانا فى المدرسه قالولى انى مش مصرى وقالولى انى المسيحيين بس هما المصريين والمسلمين عرب!!! طبعا صدمه مين اللى قالك قالولى فى الكنيسه هو كان بيتدرب شماس
طبعا الناحيه التانيه سوده من اول ماتلعبش مع مسيحى لغايه مالكش دعوه بيه وياخد حق اكبر كتير عشان مايبقاش فيه صداع
كل واحد بيدور على اللى شايف فيه مصلحة دينه يعنى اللى يبنى كنيسه تلاقى جامع متكلف ملايين طالع قدامه بمنتهى الاستفزاز كان الارض ضاقت ونفتخر ان الكنيسه جنب الجامع رغم انه استفزاز اصلا بس للاسف ده عشان مافيش وعى كافى
برضه طابع الكنيسه مختلف عن طابع الجامع والعدد المخدوم من الاتنين مختلف يبقى لازم قوانين مفهومه ماجيش انا فى وسط منطقه سكنيه اقوم عامل الجراج جامع (والعربيات تركن فين؟) وعلى الناصيه جامع كبير بس عشان التقوى والورع حبكوا انه يقرف الناس والجراج اللى الدوله قالت عليه يبقى جامع ويا ويله اللى يعترض اوحتى يقوله فيه جامع على الناصيه
زى برضه الاتجاه لتحويل مبنى فى منطقه بها مسلمين كتير الى كنيسه بدون اى كياسه او تفكير
المسيحيين لما اتظاهروا قالوا يفرجوا عن قسيس معتقل وانا معهم تماما بس بعد كده جرى التنكيل باللى طالبوا الافراج عن كاميليا
انا لا تعنينى بشئ ولا تفرق معايا100 ولا الف اسلموا او لا بس الناس عايزه شفافيه يعنى المسيحيين قالوا واحد معتقل وروح طيب اللى بيقولوه المسلمين اللى اتجمعوا ماحدش رد ليه؟
ببساطه شديده ممكن الاخت كاميليا والاخت وفاء يطلعوا يقولوا بلاش كده واحنا فى وسط اهلنا ومسيحيين و كانت فتره متوتره فى حياتنا وانتهت- منتهى البساطه
بس لو كانوا اسلموا مايسبوهم!!!
ازاى بنادى بحريه وانا مش قادر اصلا اديها
فاقد الشئ لا يعطيه
اهم حاجه للعلاج تشخيص المرض وكمان المريض يعرف عشان يكمل علاج
طارق عمر
Login | Facebook
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
مش عاجب حد الكلام ده؟
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
المفضلات