السلام عليكم
هل تمثل لكم الكلاكسات للسيارات التى خلفكم ضغطا نفسيا وعصبيا وهل تعرضتم لماقف استفزازية قول تجربتلك ليستفيد الجميع
عرض للطباعة
السلام عليكم
هل تمثل لكم الكلاكسات للسيارات التى خلفكم ضغطا نفسيا وعصبيا وهل تعرضتم لماقف استفزازية قول تجربتلك ليستفيد الجميع
لا تمثل اى ضغط الا فى 3 حالات لاغيرا 1- عربيات الاسعاف .... الخ
2- النقل التقيل
3- لو انا غلطان يعنى غيرت حارة و كنت حخبط حد
فى الاول كنت بتخنق جدا من السواقين وخصوصا بتوع المقطوره لما يديبنى كلاكس بس دلوقتى بقيت عادى خلاص مبقتش احط فى بالى بقى النور الى بينرفزنى اوى
انا الكلاكس والنور بينرفزوني جدا لاني بفتكر اني عملت حاجه او غلطان في حاجه وابص الاقيه اهبل وبيدوس وخلاص بتنرفز اوي
مفروض الكلاكس ميداسش غيير لو في حاجه جديه مش عمال على بطال
منهم لله
الكلاكس اكتر شيء بينرفزني اني اسمع السارينه بتاعة الاسعاف او المطافي والبوليس والاقيه ملاكي الي مركبها
ساعتها بكدره ورايا ومش بيعدي مني بسهولة
برده بيضايقني اللي يعد يديني كلاكسات في حين ان الطريق واقف اساسا هروحله فين مش عارف انا
اما النور فبيضايقني لو بدون هدف ويضايقني اكتر اللي ماشي بالليل ومشغل نوره العالي
ساعتها بعديه واقوم ماشي وراه زي ضله ومصدرله العالي برده
الشعب دا لازم يحترم نفسه ويعرف ازاي يسوق صح
انا اللى بيدينى كلاكسات عشان يعدى لمجرد ان سعادته فاكر نفسه فى الفورميولا وان
بهدى سرعتى بطريقة تستفزه و مش بيعدى غير لما يتأدب
اكتر حاجه مستفزه يبقى الطريق واقف و تلاقي الي واقف جنبك و الكلاكس جنب ودنك و شغال
بالذات اما يبقى كلاكس الي بيحطوه ف الترامكو صوته عالي و غبي اوي
النور العالي مش مشكله طالما المرايه بتفيم
بس اما يبقى ماشي و قاعد يقلب نور دي قمه الاستفزاز
انا اللى بيدينى كلاكس ( خاصة لو كان صوته عالى ومستمر فى ضغطه عليه ) ومش بكون غلطان فقط انه عاوز يعدى لازم اديله كلمتين وهو وحظه معايا ممكن تبقى شتيمه وممكن تبقى تريقه لان التصرف ده بينرفزنى فعلا...
أكيد اي انسان صوت الكلاكس بيعصبه علشان صوته مزعج لإي انسان
عامة لو حد ضايقك بالكلاكس اعمل نفسك و لا أكنك سامعه و خليك هادي و عاقل و متخليش واحد ( ربنا يهدي ) يعصبك
و بصراحة في الدوشة أن بقفل الإزاز و اشغل التكييف علشان ما أحتكش بحد خالص و ده أفضل حل
ناهيك عن المشكلة الأكبر و الأعظم
الناس اللي بتشتم و تسب بألفاظ يشيب لها الولدان بالكلاكس
انا ماكنتش اعرف الموضوع ده لحد ما اصحابي قالولي و نبهوني
المشكلة في مصر مش مشكلة فلوس و لا بطالة و لا فقر المشكلة مشكلة إنعدام الأخلاق
حسب طبيعة الكلاكس والنور
لو لاحظت فعلاً جدية من هو خلفي في استعمال الكلاكس او النور ( ربما مريض او مصاب او متاخر عن ميعاد هام او ......او ....) بسيبه يعدي واوسعله الطريق كمان اما لو بدون سبب المفروض اغلس عليه بس بقول ايه الي يعرفني دا جدي ولا مستهتر فباخد بالحسني واسيبه يعدي وده مش هينقص مني حاجة ولا يقل من كرامتي ولكن يعلي من كرامتي لاني لو اتخذت الموقف الاخر قد اتعرض لكلمة تقل من كرامتي وهذا ملا ارضاه لذا من الاول اسيبه وربنا يسمحه
وهذا ليس مبداء انهزامي او تفريطي
ولكن افضل الحلول
وهذا رئي الخاص
انا لما سافرت برة قعدت 10 ايام مسمعش كلاكس حسيت بشعور غريب اوي و كان في مواقف السواقين اللي راكب معاهم لو حصل الموقف دة في مصر كونت سمعت كلاكسات السنين و لا الهوا يعدي و لا كأن في حاجة
اللى يجنن الواحد يبقى الطريق واقف ولو العربية اللى أمامى اتحركت شعره وأنا متحركتش تشتغل الكلاكسات الواحد أحسن يطنش أما لو قافل قزاز العربية مبسمعش كلاكسات وأبقى مرتاح