الكلاكسات

**tahaderaz** · 11-03-2011 10:15 AM

السلام عليكم
هل تمثل لكم الكلاكسات للسيارات التى خلفكم ضغطا نفسيا وعصبيا وهل تعرضتم لماقف استفزازية قول تجربتلك ليستفيد الجميع

**M.Alaa92** · 11-03-2011 03:39 PM

لا تمثل اى ضغط الا فى 3 حالات لاغيرا 1- عربيات الاسعاف .... الخ
2- النقل التقيل
3- لو انا غلطان يعنى غيرت حارة و كنت حخبط حد

**tahaderaz** · 11-03-2011 03:50 PM

المشاركة الأصلية كتبت بواسطة tahaderaz

السلام عليكم
هل تمثل لكم الكلاكسات للسيارات التى خلفكم ضغطا نفسيا وعصبيا وهل تعرضتم لمواقف استفزازية قول تجربتك ليستفيد الجميع

آسف على الأخطاء الكتابية فى الموضوع أصلى كنت صاحى من النوم على كلاكسات هههههههه

**eldell** · 11-03-2011 04:17 PM

فى الاول كنت بتخنق جدا من السواقين وخصوصا بتوع المقطوره لما يديبنى كلاكس بس دلوقتى بقيت عادى خلاص مبقتش احط فى بالى بقى النور الى بينرفزنى اوى

**khalid_adel** · 11-03-2011 04:24 PM

انا الكلاكس والنور بينرفزوني جدا لاني بفتكر اني عملت حاجه او غلطان في حاجه وابص الاقيه اهبل وبيدوس وخلاص بتنرفز اوي
مفروض الكلاكس ميداسش غيير لو في حاجه جديه مش عمال على بطال
منهم لله

**Ashraf_Ibrahim** · 11-03-2011 05:09 PM

الكلاكس اكتر شيء بينرفزني اني اسمع السارينه بتاعة الاسعاف او المطافي والبوليس والاقيه ملاكي الي مركبها
ساعتها بكدره ورايا ومش بيعدي مني بسهولة
برده بيضايقني اللي يعد يديني كلاكسات في حين ان الطريق واقف اساسا هروحله فين مش عارف انا
اما النور فبيضايقني لو بدون هدف ويضايقني اكتر اللي ماشي بالليل ومشغل نوره العالي
ساعتها بعديه واقوم ماشي وراه زي ضله ومصدرله العالي برده
الشعب دا لازم يحترم نفسه ويعرف ازاي يسوق صح

**ramremo** · 12-03-2011 02:39 AM

انا اللى بيدينى كلاكس ( خاصة لو كان صوته عالى ومستمر فى ضغطه عليه ) ومش بكون غلطان فقط انه عاوز يعدى لازم اديله كلمتين وهو وحظه معايا ممكن تبقى شتيمه وممكن تبقى تريقه لان التصرف ده بينرفزنى فعلا...

**ramy87** · 12-03-2011 05:54 AM

أكيد اي انسان صوت الكلاكس بيعصبه علشان صوته مزعج لإي انسان
عامة لو حد ضايقك بالكلاكس اعمل نفسك و لا أكنك سامعه و خليك هادي و عاقل و متخليش واحد ( ربنا يهدي ) يعصبك
و بصراحة في الدوشة أن بقفل الإزاز و اشغل التكييف علشان ما أحتكش بحد خالص و ده أفضل حل

ناهيك عن المشكلة الأكبر و الأعظم
الناس اللي بتشتم و تسب بألفاظ يشيب لها الولدان بالكلاكس
انا ماكنتش اعرف الموضوع ده لحد ما اصحابي قالولي و نبهوني

المشكلة في مصر مش مشكلة فلوس و لا بطالة و لا فقر المشكلة مشكلة إنعدام الأخلاق