أجابة وافية عن الجدال(النقاش) الدائر حول التعديلات الدستورية
مما لاشك فيه أننا أغلبنا يهدف الى مصلحة مصرنا الغالية
أرجو مشاهدة فيديو الحلقة بالكامل قبل أتخاذ القرار بالموافقة أو الرفض
لكي يكون الرأي على بينة
تقبلو تحياتي
أجابة وافية عن الجدال(النقاش) الدائر حول التعديلات الدستورية
مما لاشك فيه أننا أغلبنا يهدف الى مصلحة مصرنا الغالية
أرجو مشاهدة فيديو الحلقة بالكامل قبل أتخاذ القرار بالموافقة أو الرفض
لكي يكون الرأي على بينة
تقبلو تحياتي
25 مشاهدة وتصويت 1 فقط !
لا : للتعديل ( الترقيع ) الدستورى.
نعم : لدستور جديد .
( رأيى الخاص جدا )
جاري مشاهدة الفيديو ......
و جاري التفكير ....
قبل التصويت ........
انا ضد التعديلات و ذلك بسبب :
انه هناك تناقض من قيادة الجيش حيث انهم اعلنوا موافقتهم و دعمهم لدستور جديد ولكن يقومون على دعم التعديلات و الاستفتاء عليها
يعني اخدوا وقتهم عشان شوية تعديلات مع انهم في نفس الوقت اللي خدوه كان ممكن يعملوا دستور جديد و نخلص من المطلب المهم ده ...وكده كده هيعملوا ستفتاء شعبي كبير عشان التعديلات ...طيب ما كانت تتعل عشان الدستور الجديد و نخلص برده
وفعلا الرئيس الجديد لو جه هيكون قدامه مواجهات كتيره قوي وممكن يأجل قصة الدستور لغايه ما ينتهي من حجات تانيه ....الفرصه موجوده دلوقت عشان نغير يبقى نستغلها معدش ينفع نقعد نأجل و نتراخى ....الطريقه القديمه لموزاجهة الامور مش نافعه ومش هتوصلنا لحاجه ...عايزين نلحق نقوم من تاني .... كده كده البلد واقفه ومش هيهزها عدم وجود دستور لمده شهر او كام اسبوع ....يعني مش هتتأثر بوقوع دستور
ده راي الخاص ...وشكرا لكم ...وسوف اشارك في الاستفتاء لأقول "لا"
mohamed hatem
شوفت الفيديو بالكامل......فيه رد واضح على تساؤلك ولما الأفضلية لتعديل الدستور حاليا لمصلحة الشعب وصالح الديمقراطية والأصلاح السياسي بالبلد
للعلم عدم القبول بالتعديلات لايعني بالمقابل البدء في دراسة دستور جديد
بل يعني أعادة التعديلات للجنة لمزيد من الدراسة وطرح التعديلات مرة ثانية للأستفتاء ومزيد من الوقت الضائع.
+1111111111
بالاضافة الى ان ما لدينا الآن هو دستور يتم ترقيعه ليناسب الظرف الراهن بشكل جزئى فقط.
ثم انه يجب اعادة الاستفتاء والانتخابات مره ثانية طبقا للدستور الجديد والا سيكون وجود الرئيس والمجلسين غير دستورى ، يعنى لو صدق الرئيس القادم على وضع دستور جديد يبقى امامنا سنوات اخرى حتى يتم استقرار الأوضاع ( مش عارف كده شكلها ودنك منين ياجحا ).
هذا رأيى الخاص جدا ، والله أعلى و اعلم .
كلامك صحيح يا استاذ mmolazem بيان القوات المسلحه كان يقول انه سوف يتم عمل دستور جديد للبلاد بعد انتخابات الرئاسه
بمعنى تانى هذا الترقيع فى الدستور حاجه كده تمشى الحال لحد ما نعمل دستور جديد
وارجو قبل التصويت مشاهده الفيديو كاملا
لا أوافق على تعديل الدستور بهذه الصلاحيات .
هتجيب دكتاتور جديد
مفيش وقت اشوف الفيديو لان النت عندي بطئ "يو اس بي مودم على شبكة 2g"
بس ايه الجديد او النقاط المهمة في الفيديو
هل رد على نقطة ان التعديلات غير ملزمة للرئيس ؟
ومحدش يقول بيان الجيش لان لما الرئيس ييجي الجيش هيمشي هو وبياناته الغير ملزمة للرئيس الجديد
حد يلخص الفيديو لو سمحتوا قبل ما اصوت بلا
التعديلات هى اقصر طريق لاختيار رئيس الجمهورية عن طريق صندوق الانتخابات
ده مجرد رايي مش بالضرورة راى أ/ صبحى
انا برضه ما قدرتش احمل الفيديو كامل لان النت عدى دلوقتى بطئ
ازاي اسرع يا باشا ده غير الواقع خالص
يعني ايهما الاسرع
تعديلات واستفتاء وانتخاب مجلس شعب وانتخاب رئيس ........ 6 شهور
ام
اعلان دستوري يشمل فقط المواد المعدله ثم استفتاء علية وانتخاب رئيس ...... 5 ايام
يعني بالاعلان الدستوري ممكن يبقى عندنا رئيس بعد اسبوع فقط
من مشاركة سابقة
http://www.nilemotors.net/Nile/3873342795-post53.html
قال ايه كمان في الفيديو؟
الحقيقة اني بعد ما شفت الفيديو مرتين ..... تأكدت بما لا يضع مجالٍ للشك ...... اني حصوت بلا
لسببين اساسيين :-
1) لما سألو صبحي صالح ليه صلاحيات الرئيس لم يتم تقليصها ...... جاء الرد محبطاً بعيداً عن أي منطق
الأستاذ صبحي صالح المحامي القيادي في الاخوان ....... قال اننا لجنة خبراء تعالج عيوب نص ولا تؤسس لنظام سياسي ...... و نظراً لإختلاف التوجهات السياسية حيث إن فيه ناس تفضل النظام الرئاسي و ناس تفضل النظام البرلماني ..... قررنا ترك الأمر للجنة التأسيسية
الحقيقة إلي أغفلها صبحي صالح ...... إن مفيش دولة متقدمة محترمة ذات نظام رئاسي ...... الرئيس فيها يملك الصلاحيات الخزعبلية إلي موجوده في الدستور المصري
لجنة تعديل الدستور ...... كان في امكانها تقليص صلاحيات الرئيس بما يتناسب مع النظام الرئاسي المعتدل المحترم ( ذي فرنسا مثلاً ) ...... النظام الحالي ولا هو رئاسي زي الدول المتقدمة ولا هو برلماني
النظام الحالي ...... هو نظام دكتاتوري بحت ........... بالتالي وجب تقليص الصلاحيات اليوم قبل بكرة
الغريب في الموضوع ....... إن كل تصريحات المجلس العسكري من يوم 19 و يوم 20 فبراير بالتحديد (في كل مواقع الأخبار ..... تقدروا تعملوا search و تتأكدو من كلامي) ...... إن سوف تتم تقليص صلاحيات رئيس الجمهورية
2) أستاذ صبحي صالح لما سألوه عن المادة 189 ...... قال انها بتغطي لو أراد الرئيس تعديل بعد مواد الدستور لكنها لم تجب ماذا لو أراد الشعب تغيير الدستور ..... قال احنا حطنا إجابة اسمها يجوز و دة إسمه إستكمال نقص ...... و قال إن كدة للرئيس و نصف مجلس الشعب حق طلب تعديل الدستور ........
هنا صبحي صالح بيشتغلنا ...... دة مسموش إلزام ..... دة إسمه على حد كلامه ..... إنه أعطى الرئيس و نصف مجلس الشعب حق طلب تغيير الدستور..... يعني يغيروا ميغيروش براحتهم
3) في نقاط كتير مكلمش فيها صبحي صالح القيادي في الاخوان
4) لو خدنا نظرة سريعة على الساحة السياسية ...... حنلاقي إن القوة السياسية الوحيدة الموافقة على تعديلات الدستور .... الاخوان المسلمين
بس يا ترى دة ليه علاقة بكون إن لجنة تعديل الدستور ...... تضم في عضويتها 3 من الاخوان ؟؟؟؟؟؟؟؟؟؟؟؟؟؟؟؟
بقية النقاط إلي مكلمش فيها صبحي صالح ........ إسمحولي اقتبسها من مشاركة سابقة
أنا كل ما أفكر في الموضوع بحس اني دماغي حتضرب ............
دلوقتي تم الموافقة على التعديلات ..... و تم إنتخاب مجلس الشعب و رئيس الجمهورية ...... بناءً على الدستور المعدل
المفروض بعد كدة مجلس الشعب يشكل لجنة تغيير الدستور إلي حتعرض نتائج شغلها بعد 6 شهور
صح كدة ؟؟؟؟ صح ......
طيب خلال فترة ال-6 شهور لحد ما تخلص اللجنة شغلها ....... رئيس الجمهورية المنتخب و مجلس الشعب المنتخب ...... حيشتغلو و يمارسو صلاحيتهم على أساس إيه ؟؟؟؟!!!!!
الدستور المرقع ..... ذو الصلاحيات الخرافية لرئيس الجمهورية ؟؟؟؟؟
ولا حيستنو ميعملوش حاجة لمدة 6 شهور ........... لغاية مايشوفو الدستور الجديد بيحدد صلاحياتهم ازاي ؟؟؟؟؟
ولا حيشتغلو عادي بناءً على الدستور المرقع ...... على أساس إن الدستور الجديد مش حيجي جمب صلاحياتهم ؟؟؟؟؟ و يبقى معملناش حاجة
طب لو إتخذ رئيس الجمهورية قرارات بناءً على صلاحياته خلال فترة 6 شهور دول بناءً على الدستور المرقع ........ و بعد كدة الدستور الجديد قلص صلاحيات رئيس الجمهورية ...... طب وضع القرارات دي إيه ؟؟؟؟
طب لو الدستور الجديد لغى 50 % عمال و فلاحين أو لغى مجلس الشورى و الإكتفاء بمجلس واحد ...... يعني من الأخر كدة لو غير الدستور الجديد أي حاجة تمس أساسيات مجلسي الشعب و الشورى ....... حنعمل إيه ؟؟؟؟ حنعيد انتخابهم تاني ؟؟؟؟ ولا حيستنو و نطبق الدستور الجديد بعد إنتهاء فترتهم ؟؟؟؟؟ ................ ولا الدستور الجديد مش حييجي جمبهم في حاجة (و يبقى معملناش حاجة بردو) ؟؟؟؟؟؟؟
يا جماعة أنا ولا قصدي أشكك ولا أتشائم ........ أنا بفكر بصوت عالي ..... عايز أفهم ..... عايز أعرف إجابات لتساؤلاتي .......
يا جماعة إلي حيهدي الدنيا مش اننا نوافق على التعديلات ذي ماتكون و خلاص ..... إلي حيهدي الدنيا اننا نعمل الصح
الصح مش لازم دستور جديد ..... عشان أنا شايف فيه ناس كتير مش عجبها الفكرة دي
خلاص نعدل ماشي ...... بس مش التعديلات المنقوصة دي .... أضعف الإيمان قلص صلاحيات الرئيس ..... متسبهوش ييجي على نظام دكتاتوري
تخيل معايا إن السيناريو السيئ حصل و حصل إلتفاف على الثورة ..... عشان التعديلات دي ماتضمنش حياه ديمقراطية و سياسية سليمة
إيه إلي حيحصل ...... الدنيا حتولع تاني .... و ناس كتير ترجع التحرير تاني ...... و نبدأ تاني من أول و جديد
فيه نقطة غايبة ياجماعة وهو العمال والفلاحين أو بمعنى ابسط طبقة البسطاء لحد ما تعليميا وماديا ياترى هايصوتو بلا أم نعم في التعديلات الدستورية!
أنا أعتقد بنعم ودي قوى مؤثرة ولايستهان بها
هصوت بنعم كبدايه للحفاظ على مكاسب الثوره ومتطلبات الشعب من الغاء حالة الطوارىء وووو ..... الخ . وبعد كده نبقى نشوف موضوع الدستور الجديد ناقصه ايه ونوصل رأينا للمختصين انما هنقعد نقول لا ولجنه تجيب لجنه تبقى الست شهور هيخلصوا ومفيش اى تقدم واااضح..... مجرد رأى
إيه وجه الاستعجال فى التصويت على التعديلات الدستورية ؟؟؟
هو يا نقعد كام سنة نعمل فى دستور جديد..يا نلهلب الدنيا فى تعديلات و ترقيعات على دستور فاسد و تعديلاته كمان فيها شوائب ؟
لو صوتنا ب لا فالجيش ميقدرش يرجع الدستور القديم للعمل لانه لو رجعه يبقى رئيس الجمهورية حسب الدستور هو رئيس المحكمة الدستورية العليا وهما يبقوا في الطراوة
كل حاجه معمول حسابها بس انتو صوتو ب لا pleeeeeeeeeeeeese
ازاي حضرتك بتقول كدا ؟
حضرتك اللجنة خدت 10 ايام لتعديل 6 مواد
دستور جديد يعني على الأقل 3 او اربعة شهور دا على الأقل
ومحتاج جمعية تأسيسية منتخبة لإن عندك اتجاهات كتير في الشعب حاليا
يعني هتنتخب 100 عضو .. شوف حضرتك هتتفرز الأصوات في كام سنة
اما موضوع الرئيس ميعدلش الدستور
حضرتك دا إلزامي على المجلسين انتخاب الجمعية التأسيسية لعمل دستور جديد خلال ستة اشهر
يعني غصب عن الرئيس والمجلس
لي رأي ...الاخوة الموافقين و المعترضين .....في كتلة كبيرة من المصريين محايدة ..و هما الاغلبية ...اشتغلوا عليهم ...لأن اللي واخد قرار صعب يغيره ...
لا مش كدا خالص حضرتك
لإن الدستور هيظل معطل
والجيش لا يمكنه تسليم السلطة لرئيس المحكمة الدستورية لإن ساعتها هتحصل كارثة
لإن هيبقى قدامه 60 يوم فقط لحين اجراء انتخابات رئاسية وساعتها هتجرى على الدستور القديم بشروطه ساعتها احنا اللي هنشيل
يعني لو الجيش عملها فينا وقام سابلنا البلد وقال رجعوا الدستور القديم احنا اللي هنشرب وهتقلب البلد بفوضى مش هتعرف مين يبقى مع مين خصوصا انك معندكش مجالس نياببية .. فإحنا اللي من مصلحتنا استمرار الجيش
أ.samoevil911(المحامي)
تحياتي
وأسألو أهل العلم
:3mla: فرصة ماصدقت لقيت محامي يارجالة توريطة:C_laugh[1]:هجوم
لا حقيقي ماهو 4 يعني بتعمل ديفيناشن للسنوات السابقة وكلها كام شهر يعني مش أحسن من التضبيش ألي قاعدين بنضبشه مع بعض:B4_095: وأحنا بعيد عن المجال وناس كتيرة عندها تصدق أي حد معارض للتعديل ولا تصدق لجنة التعديلات وتفسيراتها ألي لاغبار عليها .............في حاجة مش مفهومة
يا أخي الجيش دول ناس محترمه ووطنيين جداً بحكم عملهم الذي يجدد دماء الوطنيه لديهم دحنا لم بنتفرج على ماتش للمنتخب بتخدنا الحماسه والوطنيه فما بالك همه
كل الحكايه أنهم محتاجين يحسوا أن الشعب سيصبر عليهم حتى تغيير الدستور والذي أجمع معظم الخبراء أنه لن يأخذ المده التي تتخيلها وخصوصاً لو إستعنا بدستور محترم مع تعديل أو تغيير بعض المواد التي تناسبنا
والأفضل لشعب مصر أن يتم التغيير الأن ومن يأتي بعد ذلك يأتي على دستور جديد يلتزم به هو ومجالسه ووزرائه
ونحن على ثقه في المجلس الأعلى للقوات المسلحه أنه سوف يعمل للصالح العام ولا ننسى أنه هو من حمى الثوره والشعب ولم يستجيب لطلب السلطه كما حدث في ليبيا وغيرها
حخضرتك انا مأنكرتش ان الجيش محترم ولا اصلا تطرقت للموضوع دا انا كنت برد على عضو كان بيتهم الجيش .. مش انا :pffft:
اما مووضع وضع الدستور الجديد هيأخذ في اقل تقدير من 3 إلى 4 شهور (دي مدة عمله)
المشكلة حضرتك مش في دي .. المشكلة في تكوين الجمعية التأسيسية
هتكونها ازاي؟
تعيين: صعب ناس كتتير هتعمل مشاكل خصوصا الشعب حاليا في حالة نشوة الانتصار والثورة ملهاش قائد واصبح في مظاهرات فئوية يعني توقع حدوث مظاهرات على كل عضو
بالانتخاب : كويس ودي الطريقة الأفضل لإرضاء الشعب بس هتتنتخب 100 عضو ازاي؟
هتعمل اجراءات الانتخابات ازاي وهتدي كل شخص كراسة ينتخب فيها؟
هيقعد يملاها دا في اد ايه؟
وهتعمل الانتخابات على كام يوم؟
وهتفرزها في كام شهر؟
حضرتك المشكلة ان البلد فيها توجهات كتيير في الوقت الراهن
وضع الشدتور هيكون فيهى اكيد استعانة بدساتير اخرى
بس مش دي المشكلة
الشمكلة اصلا في الختلافي على الموضوع ن في الدستور الجديد
يعني مثلا - موقفك من المادة الثانية.. دي لوحدة ممكن تعمل نقاش من اللجنة اسبوع لوحدها
بعدين نظام الحكم رئاسي ولا برلماني
- الدولة شتراكية ولا رأسمالية
- موقف الدولة من كفالة مجانية التعليم
تخيل كل نقطة من دول فيها خلاف اد ايه؟
وتخيل بقى بعد مينزل الدستور للإتفتاء .. وخد بالك لو في رفض لمادة واحدة هيرفض الدستور كله .. تخيل بعد نزوله تم رفضه
رجع اللجنة واعمل تعديلات وبعدين خد اجراءات شهر كمان لعمل الاستفتاء و حوالي اسبوعين حدود شهر بردو للفرز واعلان النتيجة
كل دا والبلد من غير رئيس ولا مجالس نيابية
حضرتك احنا في حاجة لعمل دستور جديد بس عندنا مشكلة الوقت ووضعك في المنطقة مش الي يديك وقت زي دا ..الموضوع مجازفة بنسبة عالية جدا
ممكن حضرتك تقرأ الموضوع دا لعل وعسى توصل وجهت نظري
http://www.nilemotors.net/Nile/206413-a.html
أرجوا من كل الزملاء قرائةهذا المقال للدكتور عبد المنعم حسني الفقيه الدستوري بجريدة الجمهوريه Algomhuria.net || الموقع الرسمى لجريدة الجمهورية
حضرتك ولا لم ننكر ان حنا محتاجين دستور جديد بس بنقول مجازفة في وقت زي دا البلد محتاة تتحكم خصوصا انه هياخد وقت
اما موضوع وضع الدستور في شهر دي اتول مرة في حياي اسمعها
الفقهاء اتفقوا ان اقل مدة من 3 الي 4 شهور عشان كدا اناش مستغرب كلامه ممكن يكون قصده من وجهت نظره على اساس هيضع الدستور اللي في تفكيره
حضرتك الدستور في 3 ابوب
المبادئ وشكل الدول وبعدين نظامها وبعدين باب الحريات
منين الحريات 80 %
الدستور الحالي 211 مادة
الحريات من مادة 179
السنهوري من اعظم دكاترة القانون ان لم يكن اعظمهم في تريخ مصر وواضه القانون المدني المصري وعدة دساتير في دول شقيقية وضع دستور في سنة
المشكلة في الدستور مناقشة المواد نفسها عشان منحطش مادة تقلب الناس
زي مثلا الموقف من المادة الثانية دا ممكن يعمل مشاكل كتير ومحتاجين دراسة ومناقشة الوضع بحرص
موضوع قرارات اللجنة غير قابلة للطعن
حضرتك في قاعدة في تفسير القوانين عند المخالفة الخاص يقيد العام
يعني دا حكم خاص
والدستور لا يخالف نفسه طالما في تخصيص
في شروط تولي منصب الرئاسة المادة احالت عى قانون مباشرة الأعمال السياسية وموضوع الحنسية دا انا شايفه حاجة كويسة .. والأستاذ صبحي صالح مثلا اتكلم في المسئلة وقال انه حتى لو تنازل عنها يظل مدينا بالفضل دا غير ان البعض قد يستغل التنازل للتحايل
وبعدين محنا بنشترط ذلك في اعضاء مجلس الشعب والسفراء
دا غير ان هل مكصر مفيهاش غير دول عشان نفقول ان هي دي المشكلة ؟
دا في داخل مصر من هو افضل بكثير وعلى الأقل هيكون اكثر احتكاكا بالمجتمع المصري والشعب
فكرة الكوتة دي فعلا غلط .. بس لو كانت اللجنة لغتها كنات هنسمع منظمات حقوق المرأة والسيدات بيعترضوا ويعملوا مظاهرات . ونفس الوضع في الفلاحين والعمال واللجنة اصلا تحدثت عن هذا الأمر
وللعلم الناس اللي متخيلة فلاح وعامل يعني حد جاهل الكلام دا مش صح لإن تعريف العامل والقلاح مش معناها ان لزم فلاح مثلا .. لأ دي مجموعة شروط يعني منها انه بيمتلك 5 افدنة على ما اتذكر
مع الاعتذار لجميع الاشخاص المؤيدين للتعديلات ولكن يا اخواني ....
اولا احنا مش تحت طائلة اي قانون او ديتور دلوقتي يعني من حق الجيش يعمل اللي هو عايزه هو و الشعب ...يعني مافيش تسليم سلطه لمحكمه دستوريه ولا في مهله هو ملتزم بيها هو اللي بايده الامور هو الشعب
ثانيا احنا دلوقت بنبني بلد من جديد وشكل نظام من جديد ....وده اه هياخد وقت ومين قال اننا مستعجلين .....السربعه هيا اللي هتودينا لسكه مش كويسه ...... في ايدينا انننا نستنى و نتعب في استفتاء و في اختيار لجنه تأسيسيه ...بس نعمل نظام حكم و رئاسي و دستور قوي تقوم عليه دوله ذات عمر طويل لينا و لولدنا
مش نرقع ونستسهل وبعدين نرجع نقول اصل بايدينا نعمل ثوره كل شويه ....عايزين نركز في بناء مصر مش في اننا نفضل في مركز الدفاع و رد الفعل و خلاص
انا لازلت مع بناء دستور جديد ودوله جديده و نظام حكم جديد ....ومستقبل مشرق انشاء الله جديد
حضرتك انا بتكلم عن اعلان دستوري مش اعلان دستور
ياريت تقرا المشاركة تاني
الان حسب بيان المجلس العسكري اننا في اعلان دستوري استنادا للبيان الذي اعلنه وحدد فيه المهل الزمنية والخطوات الاجرائية للانتخابات وبين فيه صلاحياته كقائم بالرئاسة لكن هذا الاعلان الدستوري كان ينقصه الاستفتاء عليه من الشعب حتى يصبح شرعيا
http://www.sis.gov.eg/Ar/Story.aspx?sid=44103
المطلوب انه
يضيف الى الاعلان الدستوري هذا المواد المعدلة فقط واعلان انتهاء العمل بدستور 71 نهائيا ويتم التصويت
نص الاعلان الدستوري للمجلس الأعلى للقوات المسلحة
الاحد, 13 فبراير 2011
بيان دستورى للمجلس الأعلى للقوات المسلحة المصرية
إعلان دستوري
إن المجلس الأعلى للقوات المسلحة وعياً منه بهذه المرحلة الدقيقة من تاريخ الوطن ووفاءً بمسئولياته التاريخية والدستورية في حماية البلاد، والحفاظ علي سلامة أراضيها، وكفالة أمنها، وإطلاعاً بتكليفه بإدارة شئون البلاد يدرك إدراكاً واضحاً أن التحدي الحقيق الذي يواجه وطننا الغالي مصر يكمن في تحقيق عبر إطلاق كافة الطاقات الخلاقة لكل فرد من أبناء شعبنا العظيم، وذلك بتهيئة مناخ الحرية، وتيسير سبل الديمقراطية من خلال تعديلات دستورية وتشريعية تحقق المطالب المشروعة التي عبر عنها شعبنا من خلال الأيام الماضية، بل وتتجاوزها لآفاق أكثر رحابة، بما يليق بمكانة مصر الذي سطر شعبها أولي سطور الحضارة الإنسانية علي صفحات التاريخ.
إن المجلس الأعلي للقوات المسلحة يؤمن إيمان راسخ بان حرية الإنسان وسيادة القانون وتدعيم قيم المساواة والديمقراطية التعديدية والعدالة الاجتماعية ، واجتثاث جذور الفساد هي أسس الشرعية لأي نظم حكم يقود البلاد في للفترة المقبلة، كما يؤمن المجلس الأعلي للقوات المسلحة ذات الإيمان بأن كرامة الوطن ما هي إلا انعكاس لكرامة كل فرد من أفراده والمواطن الحر المعتز بإنسانيته هو حجر الزاوية فى بناء الوطن القوى ، وانطلاقاً مما سبق وبالبناء عليه ورغبة فى تحقيق نهضة شعبنا فقد أصدر المجلس الأعلى للقوات المسلحة القرارات الآتية:
1- تعطيل العمل بأحكام الدستور.
2- يتولى المجلس الأعلى للقوات المسلحة إدارة شئون البلاد بصفة مؤقتة لمدة ستة أشهر أو انتهاء انتخابات مجلسي الشعب والشورى ورئيس الجمهورية.
3- يتولى رئيس المجلس الأعلى للقوات المسلحة تمثيله أما كافة الجهات فى الداخل والخارج.
4- حل مجلسي الشعب والشورى.
5- المجلس الأعلى للقوات المسلحة إصدار مراسيم بقوانين خلال الفترة الانتقالية.
6- تشكيل لجنة لتعديل بعض مواد الدستور وتحديد الاستفتاء عليها من الشعب.
7- تكليف وزارة د. أحمد محمد شفيق بالاستمرار فى أعمالها لحين تشكيل حكومة جديدة.
8- إجراء انتخابات مجلسي الشعب والشورى، والانتخابات الرئاسية.
9- تلتزم الدولة بتنفيذ المعاهدات والمواثيق الدولية التى هى طرف فيها.
والله الموفق والمستعان
التوقيع
المشير حسين طنطاوي
القائد العام للقوات المسلحة
رئيس المجلس الأعلى للقوات المسلحة
أوافق على التعديلات