المشاركة الأصلية كتبت بواسطة ahmedjumpo
نقطة الانتخابات كان المفروض انها هتتعمل فى شهر يونية و لكن فى احتمال كبير ان الجيش يأجلها الى شهر سبتمبر و على حسب كلام لواء بالمجلس العسكرى فى برنامج مصر النهاردة يوم السبت 12/3 احتمال يكون مجلس شعب و مفيش شورى
بالنسبة لدعوة المجلس العسكرى الى مجلس الشعب بالانعقاد فديه مشكلة دستورية لانه اعاد العمل بالدستور القديم و بالتالى المجلس العسكرى ليس ذى صفة دستورية
اما بالنسبة لرئيس الجمهورية ففى لقاء للدكتور عاطف البنا عضو لجنة التعديلات الدستورية الان على ontv وتحدثه عن التعديلات الدستورية و شرحها فقد قال انه فى حالة الموافقة على التعديلات الدستورية سيتم انتخاب مجلسى الشعب و الشورى و سيتم الدعوة لتشكيل الجمعية التأسيسية فى اول اجتماع لهم حتى يعدوا الدستور الجديد و لن يتم انتخاب الرئيس الجديد الا مع انتهاء لجنة تشكيل الدستور تقريبا من عملها و قبل جاهزية المواد للاستفتاء بخمسة عشر يوم تقريبا حتى لا يتدخل الرئيس بصلاحياته فى تشكيل اللجنة و عملها
يعنى سنظل بدون رئيس جمهورية و سيظل الجيش يحكم و ليس له وضع دستورى و مفيش تسليم لمدنيين
مش ملاحظ حجم التضاربات فى اقوال الجيش و اعضاء لجنة تعديل الدستور و عدم وجود خطوات واضحة للمرحلة الجاية
هننتخب الرئيس الاول لا البرلمان الاول و بعده الرئيس مباشرة و لا لاء هنأخره شويه لما نعمل الدستور الجديد هنحل المجالس النيابية و بعدين لاء هنخليهم مفيش وضوح
وهو ده اللى مزود اقتناعى برفض التعديلات لان فى حالة الرفض هو سيناريو واحد وهو اسقاط الدستور القديم و عمل دستور جديد