-
السيارة 2008 وماشية 27 الف كم واستخدام خفيف ولذلك انا شاكك انا العيب خارج عيبوب استهلاك ذائد والله اعلم برده جايز -
ومتشكر جدا علي معلومة تغير الكوباية مع الزيت وههتم بيها بس انا عايز اوضح ان صوت التكييف اثناء تشغيلة مالوش اي صوت نهائي ويعمل بكفاءة عالية وممتازة جدا والصوت مابيظهرش الا بعد فصل التكييف ويستمر حوالي 10 دقائق ويروح , ولو ماشغلتوش من اساسه مابيظهرش خالص !!!
-
انا فاهم ان التكييف شغال مية مية و يعمل بكفائة و ان الصوت ده بيظهر بعد ما تفصل المكيف و بيستمر 10 دقايق ..
علشان كدا انا بقولك يمكن تكون دي دلاله على قرب تلف الكمبريسور ...
خلينا نفكر بصوت عالى .....
لو الحالة المادية تسمح ان تجرب تغير الكباية و تحط زيت فريون و تشحن فريون اصلي ،، مع العلم ان لو تم تغيرهم و ان الصوت مارحش بردوا هيتم تغيرهم مرة اخرى لو الكمبرسور اتغير .. فا احنا كدا اتأكدنا ان الكمبريسور هيقعد فترة صغيرة او كبيرة و هيخرب و هنغيرة عنوه .
الصوت لو اختفى يبقا خير و بركة ادينا لحقنا الكمبرسور قبل ما كان يتغير كله و يدخلنا في مئات الجنيهات ..
مش كدا ولا ايه ،، و الموضوع يرجعلك بردوا
بس بما ان الموضوع ده ما بيظهرش الا اثناء فصل المكيف انا شايف اساسا انك ما تشغلش بالك طالما انها مش حاجة تقلق
-
بعد ماكبرت دماغي وقولت طلاما التكييف شغال مش مشكلة بس في الحر قولت اروح اظبطه احسن ما يفصل خالص
روحت لورشة تكييف سيارات بعابدين اسمه محمد مصطفي قالي انت خبطت السيارة من تحت قولتله لا بس هي غرزت قبل كدة جامد من قدام فك الغطاء البلاستيك من علي الكومبرسور وقالي الطمبورة هتتغيروفيها ميل شويه , المهم قالي هنغير الطمبورة بعد فك الكومبرسور ونشحن تاني
وقبل الفك لما نزل الصنايعي يفك السيور قالي اطمن ياعم ده احنا هنحللك المشكلة من غير ما نفك الكومبريسور ان شاء الله
ده في جذاء متني وممكن نعدله بسهولة
وفعلا عدله بالبنسة وظبطه وشغل التكييف فترة وفصله والصوت راح خالص
انا بصراحة اللي عجبنى ان الناس ديه عندها ضمييير ومحترمين جدا كان هايعمل الشغلانة ب 400 جنيه وبعد ماقولتله اوكيه واشتغل لاقي ان العيب بسيط ومخباش وما طمعش وفي الاخر طلب 20 جنيه فقط فعلا ربنا يباركله ويارب كل الصنايعية يكون عندهم ضمير غير انه فعلا شكله دكتور في تكييف السيارات
-
-
هو عنوانه سهل ان شاء الله
وانت جاي من التحرير عن طريق ش الفالكي ورايح علي قصر عابدين بعد بتوع البن تمشي طوالي هتلاقي قصر عابدين في وشك تلف يمين مع القصر ثم شمال مع القصر برده هتلاقي علي ايدك اليمين كشك صغير بتاع سجاير ,علي ايدك اليمين ادخل الشارع الصغير اللي جامبه مباشرة هتلاقي الورشة علي شمالك .
كنت أأمل اضع تليفونه بس للأسف نسيت اخد منه كارت بس لو عادت من هناك هبقي اضع تليفونه بالتوفيق
Content Relevant URLs by
vBSEO 3.6.0 PL2