صني هاي لاين

**Tamer_Merit** · 12-03-2011 07:16 PM

السلام عيكم ورحمة الله
ان شاء الله استقريت على الصني الهاي لاين مع الفاميه الخلفي , وكلمت السبع النهارده اسال عليها فالموظف الي رد عليا قالي انها مش هتكون موجوده قبل اخر شهر ابريل القادم ...ممكن تحجز دلوقتي وتستنى .. سالته على سعرها قالي لسه ما اتحددش مع ان انا كنت شفتها في المعرض ب 101000 , ايه ريكم اعمل ايه مع العلم ان الموظف كان بيخوفني بان الاسعار متوقع انها تغلى وكان بينصحني بالسوبر صالون دلوقتي بدون الفاميه علشان ما استناش ؟؟؟؟

**SonaSteel** · 12-03-2011 07:54 PM

السلام عليكم
اخي الكريم كيف حالك
اولا ربنا يتملك بكل خير وان شاء الله موفق فيها بامر الله
ثانين حاول تسأل في اوتو ايجيبت الاول بحكم انها بينزلها حوالي 40% من انتاج المصنع وهتلاقي الاستلام قريب ان شاء الله
ومتحاولش نتركز علي كلام المناديب وان شاء الله تلاقي اللي يريحك ادام موجوده حتي لو هاتستني حبة
بس متتنازلش عن الهاي لاين لانها فعلا فرصة هايلة وجميلة
تقبل مروري
وأقعد بالعافية :))

**Ahmed.TV** · 12-03-2011 08:35 PM

كلام السبع صح واحتمال العربيات تتطول كمان بعد كدا فى الاستلام وتغلى فعلا

**Hossam_Zaky** · 12-03-2011 08:39 PM

اسأل ناشيونال يونيون شارع النزهة من عند ميدان الساعة مدينة نصر مجربينهم في حوالي 10 عربيات صني موديلات مختلفة أنا و أصحابي علي فترات متباعدة
دول موزع معتمد نيسان فقط معندوش ماركات تانية و كمان عربياتهم متخزنة في البارك الكبير اللي أمامهم و مواعيدهم محترمة و بيبيع بأسعار نيسان المعتمدة
و العربية فعلا ساعة المعرض قالو حتنزل علي شهر فبراير بس الأحداث أكيد أثرت و متتنازلش عن الهاي لاين الفرق 1000 جنيه بس زيادة عن العادية
( السبع موتورز بتاع السبع عمارات كان زود علينا 2000 جنيه في الرينو لوجان من سنتين و قال ساعتها انه سعر العربية الرسمي و عرفنا بعد كده انه زيادة علي الرغم انه موزع معتمد )

**Tamer_Merit** · 12-03-2011 08:41 PM

اخي الفاضل ... متشكر جدا على اهتمام حضرتك وردك السريع وان شاء الله ربنا ييسر الحال واكون من مالكي النيسان قريبا واتشرف بمعرفة حضرتك وجميع الاعضاء الافاضل , انا فعلا حاسس ان الهاي لاين دي صفقه ممتازه تستحق البحث والتحري عنها , انا فعلا كلمت اوتو ايجبت والمندوب اخد رقم موبايلي وقالي هنرد عليك ... بس لو فعلا العربيه لسه ما نزلتش هيكون رايك اني استنى واغامر باحتمال ارتفاع السعر ؟؟

**Tamer_Merit** · 12-03-2011 08:46 PM

ان شاء الله هاسال عند ناشيونال يونيون , والف شكر لكل الاعضاء الكرام

**Ahmed.TV** · 12-03-2011 09:53 PM

لسه الهاى لاين عليها شوية حتصبر تقريبا مش اقل من شهر فى الموضوع ده ويمكن اكتر

هى الفكرة بعد زلزال اليابان واوضاع البلد فى مصر كمان مفيش حاجة مضمونة , لكن الهاى لاين لو متوفرة يبقا اختارها وانت مغمض

ده فى حالة لو قادر تصبر

اما لو مستعجل يبقا خاليك السوبر صالون

وابعتلى على الخاص لو حجزت وعايز من اتو ايجيبت عشان احاول اساعدك فى انى احاول اقدر اجبلك خصم او هدايا باذن الله

تحياتى

**Tamer_Merit** · 13-03-2011 12:31 PM

انا كلمت اوتو ايجبت دلوقتي وبصراحه استريحت لهم نفسيا من اول المكالمه .. والمندوب قالي لودفعت مبلغ 20000 جنيه مثلا هايتم تثبيت السعر بالنسبه لي حتى لو تقررت الزياده , وان الاستلام ان شاء الله هايبتدي من نص ابريل القادم ايه ارائكم ؟؟؟

**SonaSteel** · 13-03-2011 12:44 PM

المشاركة الأصلية كتبت بواسطة tamer_merit

انا كلمت اوتو ايجبت دلوقتي وبصراحه استريحت لهم نفسيا من اول المكالمه .. والمندوب قالي لودفعت مبلغ 20000 جنيه مثلا هايتم تثبيت السعر بالنسبه لي حتى لو تقررت الزياده , وان الاستلام ان شاء الله هايبتدي من نص ابريل القادم ايه ارائكم ؟؟؟

السلام عليكم
أنا رأي انك تتوكل علي الله بد الاستخارة وتحجز ... ونص ابريل مش بعيد وهما ناس محترمة جدا وهما اللي هايسعوا انك تستلم علي خير ان شاء الله
وان شاء الله تلاقيها صفقة رابحة واعتمد علي الله
اقعد بالعافية :))