الموضوع: في حد بيدخل عالفوركس؟؟؟

السلام عليكم
بصوا يا جماعة تجارة االفوركس تحتوي علي مخاطرة عالية
لو حابين بردة يبقي لازم تفتح حساب في شركة محترمة مثل fxdd واقل حساب ب 500 دولار
ممكن الايداع و السحب عن طريق الفيزا
يلزم اولا وقبل المتاجرة اخد فكرة جيدة ودة هتلاقي مواقع كتير بالغة العربية منهم يلا فوركس ثم فتح حساب ديمو
عقب التمكن شوية
الديمو و اخد فكرة عن الفوركس يمكنك التجارة
الموضوع دة ياخد تقريبا شهرين
لو في اي سؤال انا في الخدمة

المشاركة الأصلية كتبت بواسطة solyelissa

كلام زي الفل ومفيد جداا .. انا حدخل علي الباري بتاع دبي واسجل فيه مش لاقي موقع ليهم في مصر . وكمان حنزل البرنامج بتاعهم سواء كان ميتاتريد او غيره تمام كده
لو رحت سألت عليهم في سيدي جابر اسمهم باري ولا الشركه المتحده ؟
ححاول احيب رقمهم من الدليل واسألهم علي السيمنار بس هو مجاني ولا بيخدوا عليه فلوس ؟
اقل مبلغ 500 دولار ولا 200 دولار ؟ ولو هما اللي اشتغلوا بدالي طبعا الخساره عليه والمكسب يخدوا عليه ؟ كمان هو الاصح اسبهم يشتغلوا اكيد هيكونوا فاهمين اكتر مني - اساسا انا مش فاهم حاجه - انا لسه بحاول افهم ولا الاصح انا اللي اشتغل ؟
شكرااااا لردك ومعلوماتك المفيده

ادخل علي البارى بتاع الامارات و سجل و نزل البرنامج
و حاول تقرأ شويه في الويب سايت اللي ادتهولك قبل كده و ابتدي اشغل واحده واحده علي الحساب التجريبي و مش مهم لو خسرت ده حساب تجريبي و لما تتعلم حتعمل حساب تجريبي تاني بسالمرادي لازم تعامل الحساب ده علي انه حقيقي

حكايت تجيب رقمهم دي انا مش معاها اوي
علشان اول ما حتتصل بيهم حيقنعوك بالعافيه انك تكون معاهم و انا عاوزك تكلمهم و انت فاهم مش رايح كده مش عارف اي حاجه انت فاهم قصدي

طيب انا اقولك حاجه
انت معاك لاب توب ?
انا ليه واحد صاحبي شغال هناك هوا ممكن يقبلك علي اي قهوه و يقعد معاك و يفهمك كل حاجه و لو فيه اي حد تاني عاوز يجي اهلا و سهلا و يا سلام بقي لو حد عندوا مكان يبقي من الاخر و احلي من القهوه و انا ممكن اجي ان شاء الله علي العموم لو مفيش مكان حنشوف قهوه هاديه
انا ممكن اقنعه انه يجي و يشرحلنا الكلام ده كله بدون مقابل و هوا شرحه ممتاز و بعد مرتيين حتلاقي نفسك بتقول في الفوركس
الراجل حيجي ببلاش علشان الناس اللي فكرها بتروح لبعيد :d

علي فكره هوا بستفيد لما انت بتشترك في الشركه بياخد عموله علي الراس يعني بس ده عادي مش من جبنا و ده رزقه

بالنسبه للسيمنار اللي عملوه الشركه كان كله كلام عن الشركه مفيش شرح للبرنامج علشان هما عاوزينك تروح تاخد كورس عندهم ب ١٢٠٠ جنيه

بس السيمنار اللي فات كان محترم الصراحه كان في جرين بلازا في قاعه تبع الهليتون و كان فيه عشاء محترم و شاي و قهوه و عصير و كله ببلاش ححاول اعرف امته السيمنار اللي جاي و اقولك ان شاء الله

بالبسبه ل اقل مبلغ هوا تقريبا في حساب ب ٢٠٠ دولار بس ده مش بتعرف تشتغل بيه ميكرو و ده حتكون فيه نسبه المجازفه فيه عاليه جدا ده غير ان ٢٠٠ دولار قليل اوي خليلك في ٥٠٠ بس ال ٥٠٠ مش حتشتغل في الدهب و البترول حيكون عمله بس بس مفيش مشكله انته ممكن بعد كده تزود لو حابب انك تشتغل في الدهب و البترول

اه هوا بياخد من المكسب بس و ملوش دعوه بيك اما تخسر
بس انت لو ناوي هما اللي يشتغلولك فا بلاش تدخل من الاصل علشان هما حيجزفوا بفلوسك لو كسبوا خير و بركه ليك و ليهم و لو خسروا انته اللي بتشيل

اه هما فاهمين بس مش خايفين علي فلوسك زيك
اصل خلي بالك تحليل الفوركس افتراضي بمعني انك بتشوف المنحيات علي الشاشه و بتبدي تحللها لكن التحليل ده ممكن يصيب كام مره و يخيب مره انت فاهمني

اصل لو كل محلل عارف اللي بيحصل في السوق كان زمان المحللين اغني رجال العالم

المشاركة الأصلية كتبت بواسطة dr.amr

ياجماعه قبل الدخول يكون في استراتيجيه واضحه

السوق ده غدار لاقصي الحدود

انا بقالي حوالي 6 شهور ولم اجد مايناسبني حتي الان

ومش دايما التحليل الفني بيفلح

بفكر ابطل خالص بدل وجع الدماغ

بص انا داخل ب ٥٠٠ دولار هدفي في اليوم من ١٠ الي ١٥ دولار و ابعد عن الطمع و تفتح عمليه عمليه و انا بفتح العمليه بعمل شراء لاقل سعر عملته العمله في اليوم و اسيبه لغايه ما ينزل لغايه السعر اللي انا عاوزه و بعمل تاك بروفت عند سعر معقول يعني ١٠٠ او ٢٠٠ نقطه كفايه

و تخلص العمليه و اشوف غيرها
التحليل الفني مش بيفلح علشان هوا تحليل افتراضي
و هما قاليين كده و زي ما قلت قبل كده لو محلل فني عارف سعر اليورو حيكون كام بعد ٥ دقاق حيكونوا اغني ناس في العالم

ده الويب بتاع الشركه اللي انا فيها

w w w . u n - f x . c o m

لو عاوز التليفون حبعتهولك علي الخاص علشان ميعتبرش اعلان
و ده العنوان

19 شارع المشير احمد اسماعيل - امام محطة سيدى جابر - الدور السادس - سيدى جابر - الاسكندريه

انا لقيت ايميل عندي منهم علشان الندوه اللي جايه
حتكون يوم الجمعه و السبت في مقر الشركه يعني مفيش عشاء :d

تتضمن الندوة نبذة عن

اولا : ما هي البورصه وانواعها ؟

ثانيا : ماهو الفوركس ( بورصة العملات ) , الذهب والبترول ؟

ثالثا : لماذا العمل في سوق العملات؟ (مميزات الفوركس) ؟

رابعا : ما هي شركات الوساطه وما هي شركات اداره المحافظ وكيفيه الوثوق بهما ؟

خامسا: التحليل الاقتصادي والتحليل الفني ونبذه عن اهم المؤشرات الفنية

سادسا: هل انت متاجر ذو خبره ام مستثمر يحتاج لمن لديه الخبره ؟

سابعا: كيفيه الاشتراك وخطوات ودخول هذا السوق عن طريق شركه لاداره محافظ

ثامنا : من نحن ؟









بس لازم تكلمهم علشان تحط اسمك مينفعش تروح من غير ما تتصل ده اللي كتبينه في ايميل
بص انا حسبلك رقم تلفوني علشان لو كده نتقابل هناك ان شاء الله او نروح مع بعض
0160180695