سعودي يقول صراحة >>>إنتم يالمصريين

**ahmedsamir5edr** · 15-03-2011 05:24 PM

ألف مبروك

**epnmasr** · 15-03-2011 05:55 PM

أنت بجد زي العسل وبتفكرني بإثنين سعوديين من الرياض تعرفت عليهم في رحله عمل إستمرت 11 شهر حبتهم جداً وكان دمهم خفيف أوي ذيك أحدهم إسمه عبدالأله الزير والثاني عبدالله القرني
وعموماً أهلاً بيك في منتدانا الغالي وفي مصر كلها ومليون مبروك عليك
وربنا يرزقك خيرها ويكفيك شرها
وعلى فكره أنا كنت هشتريها الفتره اللي فاتت بس قلت أنتظر لحين إستقرار الأوضاع
ومبرووووووووووك دائماً

**abu0asem** · 16-03-2011 03:51 PM

المشاركة الأصلية كتبت بواسطة aif

غلطة كيبوردية يا ابو عاصم
على العموم
..
عاصم وعصام
زي مبروك ومبارك
..
..
فوت بقى يا باشا

..
ربنا يباركلك في عاصم واخوانه

مين إللي قالك إن.. مبروك زي مبارك..
وحسن زي حسني

الله يحفظك ياغالي

المشاركة الأصلية كتبت بواسطة epnmasr

أنت بجد زي العسل وبتفكرني بإثنين سعوديين من الرياض تعرفت عليهم في رحله عمل إستمرت 11 شهر حبتهم جداً وكان دمهم خفيف أوي ذيك أحدهم إسمه عبدالأله الزير والثاني عبدالله القرني
وعموماً أهلاً بيك في منتدانا الغالي وفي مصر كلها ومليون مبروك عليك
وربنا يرزقك خيرها ويكفيك شرها
وعلى فكره أنا كنت هشتريها الفتره اللي فاتت بس قلت أنتظر لحين إستقرار الأوضاع
ومبرووووووووووك دائماً

أمين يارب تستقر الأوضاع في وطني الثاني...
أول مرة جيت مصر يوم كان إسم شارع محمد علي ( القلعة ) جيت مع خالي لمحل جميل جورجي بتاع الأعواد وأستلم خالي عوده ..الله يهديه مسوي زحمه وهو مايعرف وتر الجواب من السؤال

شكراً على كلامك الجميل وعقبال مانباركلك بالعربية عما قريب

شكراً للجمييييييييييييييييييييي ييع

**م. حاتم السباعي** · 17-03-2011 06:25 AM

السلام عليكم
الاخ الكريم ابو عاصم
من فترة كان يعمل معي اخ فاضل ظل يعمل عندكم في السعودية حوالي 15 سنة
كل ما نشوف حاجة في طريق يقولي ( لا لا لا ايه القرف ده )
ده في السعودية الوضع غير هنا خالص
كل من كون في شغلانة يقولي ( لا لا لا ايه القرف ده )
ده في السعودية الوضع غير هنا خالص
كل ما يشوف حاجة في البلد يقول ( لا لا لا ايه القرف ده )
ده في السعودية الوضع غير هنا خالص
لغاية ما فيه يوم تعب فذهب الناس لزيارته في المنزل و اخدو طبعا معاهم البرتقال و الموز و اليوسفي
فأول لما الضيوف مشيو لقيته بيقولي ( لا لا لا ايه القرف ده )
دنا لما تعبت في السعودية الكفيل جاب لي ( مندي كامل في الزيارة )
فنا ساعتها رديت عليه و قلتله ( لا لا لا ايه القرف ده )
المندي ده يتخن اوي ههههههههههههههههههههههههه
و كان كل ما اسمع واحد بيتكلم علي السعودية احس بغيرة بصراحة
و اقول لنفسي ليه يعني هوه فيه ايه هناك يخلي الناس دي تفضل تتذكر السنين الطويلة دي و تتكلم علي ناسها بالشكل ده
و حينما من الله علي هذه السنة بالحج و ذهبت الي بلدكم الحبيبة
علمت انها اعز بلاد الارض و علمت ان اهلها احسن ناس في الدنيا
و لما كنت في المدينة و منتظر الدخول للروضة الشريفة و شفت الضباط ازاي بيتعاملو مع الحجاج بالرفق و اللين و الحب و المودة
حتي ان بعض الحجيج قد دفعو رجال الشرطة و دخلو عنوه الي الروضة الشريفة و هذا حز في نفسي
فلما خرجنا للفندق قلت لزميلي تصدق بالله لو الحجاج دول بيجو يحجو عندنا في مصر لكانو انضربو بالكرباج ههههههههههههههه
عموما انا من اربعة ايام فقط في المدينة عرفت ان دعوة الرسول لها و لاهلها لهي حق و انها استجابت بفضل من الله
و اسف علي اطالتي في الحديث و لكن من احساسي بأنك اخ لنا
و الف مبروك علي السيارة و حفظها الله لك من كل شر
و السلام عليكم
اخوك في الله/ حاتم السباعي

**A.Saad** · 18-03-2011 05:42 AM

يا مرحب فى المنتدى
لكن لا تدخل الاجتماعى ها الحين
كله مشاكل
جبت التريوس ولا لسه

**adel1414** · 19-03-2011 03:16 PM

الف مبااارك عليك اخ ابو قاسم

**abu0asem** · 20-03-2011 05:22 AM

المشاركة الأصلية كتبت بواسطة adel1414

الف مبااارك عليك اخ ابو قاسم

ياحبيب قلبي الله يبارك فيك

بس.. إنت دخلت المنتدى وإنت مطفي النوووور..وياترى ياواحشني بتفكر في مين؟؟؟
أخوك إسمه أبو عاصم

**can_be** · 20-03-2011 10:27 AM

حياك الله يا ابو عاصم يا طيب

والف مليون مبروك على السياره وربنا يديك خيرها ويكفيك شرها

وان شا ءالله لما ربنا يكرمنى واطلع عمره اكيد هكلمك

وجزاك الله خير يا اخى الكريم