أحمد عز يعرض سداد مليار جنيه مقابل وقف محاكمته جنائيا

**Dojuar** · 13-03-2011 02:26 PM

طيب يا جماعة سؤال:

ايه الاحسن نحبسه و نحاول نلم اللي نهبه؟

واللا نتصالح معاه بشرط يرد الفلوس كلها مع دفع فوائد أو غرامة؟؟؟

**human** · 13-03-2011 02:31 PM

المشاركة الأصلية كتبت بواسطة aif

الدولة ... مقابل تخفيف الحكم للحد الادنى ... وفي الآخر احنا مش هدفنا الانتقام .... احنا هدفنا العدالة ورد الحقوق للبلد
لكن الجرائم الجنائية والاخلاقية والسياسية ده موضوع تاني ......

انا هدفى الانتقام!!!

**aif** · 13-03-2011 02:35 PM

المشاركة الأصلية كتبت بواسطة human12

انا هدفى الانتقام!!!

يا خوفي منك يا بدران
..
..
الأول

**mailo** · 13-03-2011 02:50 PM

وهو طلب الترضية ده مش لوحده اعتراف بالسرقة ؟

بس هم برده صيع وعمرهم ماهيقدمو العرض ده إلا لو كانوا متأكدين إن الفلوس دي في امان وبعيد وماحدش هيعرف يوصلها وعشان كده بيعرضوا الفلوس مقابل الحرية يعني لو حبستوني مش هاتطلوا حاجة
واكيد بعد الفلوس دي فيه زيها عالاقل 3 أو 4 مرات متدكن

**Abo_Lina** · 13-03-2011 02:54 PM

فكرة عظيمة من أفكار عز
أنا أنزل أسرق ٧ مليار
و بعدين يمسكوني
و بعدين أديهم مليار مقابل إنهم يسيبوني
إيه شغل العزب ده

**OmaR_FekrY** · 13-03-2011 02:54 PM

طيب م هما اصلا سارقين الفلوس دى من الشعب ..... عملوا ايه هما بقى كده ؟!!!
دول المفروض يرجعوا الفلوس دى كلها و يتحكم عليهم حكم رادع و جعلهم عبره لاى شخص يحاول يعمل زيهم بعدين
و انا من رايى الشخصى ان لازم الحكم ده كمان يكون حكم تقيل علشان يريحوا الشعب

**OmaR_FekrY** · 13-03-2011 03:01 PM

المشاركة الأصلية كتبت بواسطة dojuar

طيب يا جماعة سؤال:

ايه الاحسن نحبسه و نحاول نلم اللي نهبه؟

واللا نتصالح معاه بشرط يرد الفلوس كلها مع دفع فوائد أو غرامة؟؟؟

نحبســـــــــــــــــــــ ـــــــــــــــه طبعا و ناخد الفلوس كلها و نوزعها على الشعب
ونديله على دماغه

و منوريهوش يوم حلو بعد كده فى حياته زى م عمل فى كتيـــــــــــــر من الناس

**Dojuar** · 13-03-2011 03:07 PM

المشاركة الأصلية كتبت بواسطة som3aa

نحبسه حتى لو ملميناش اللى نهبة علشان يبقى عبرة لاى واحد يفكر يسرق تانى
كمان لو اتصالحت مع حرامى , كل حرامى من اول حرامى الغسيل هيقولك ارجع الغسيل و عليه قميص هدية من عندى و تسيبنى.

القضايا اللى الناس دى هتتمسك فيها مش كل قضايا الفساد , يعنى كانك مسكت حرامى عربيات علشان سعر 3 عربيات و قولتله رجع تمنهم , هو سرق 20-30 عربية قبل كدا و معاه فلوس يرجع تمن 10 عربيات فلو قولتلوا رجع تمنهم و اطلع منها هيرجع تمن ال3 عربيات و عليهم عربية هدية لانك مستحيل هتعرف تثبت عليه انه سارق 10.

ونضيع فلوس احنا اولى بيها؟؟ لمجرد انو نحبسه؟؟

لو عايز تنشف دمه...اعمله غرامة كبيرة

انشاللا يشغل مصانعه ويسدد

المشاركة الأصلية كتبت بواسطة ferrari

نحبســـــــــــــــــــــ ـــــــــــــــه طبعا و ناخد الفلوس كلها و نوزعها على الشعب
ونديله على دماغه

و منوريهوش يوم حلو بعد كده فى حياته زى م عمل فى كتيـــــــــــــر من الناس

ماشي انا معام نحبسخ و ناخد فلوسه كلها

بس لو عرفت تمسكها اصلا...

لو هوا شايل فلوس بره هتاخد دورة كبيرة لغاية ما البنوك الاجنبية ديه توافق على مبدأ انها ترجعهالك

ده غير انها حتاخد نسبة

وفي حاجة عايز اسال عليها برضو...مصانعه و شركاته بالعمال اللي فيها..مصيرهم ايه؟؟؟

**aif** · 13-03-2011 03:28 PM

المشاركة الأصلية كتبت بواسطة dojuar

وفي حاجة عايز اسال عليها برضو...مصانعه و شركاته بالعمال اللي فيها..مصيرهم ايه؟؟؟

المصانع دي شركات مساهمة وهو بيمتلك اسهم فيها وهو رئيس مجلس الادارة
اللي ح يحصل زي ما حصل مع هشام طلعت مصطفى
الشركة ح تعين رئيس جديد لمجلس الادارة بدل احمد عز
وهو ممنوع عليه التصرف في الاسهم بتاعته
لكن الشركة ح تمشي عادي جدا بأدارة جديدة
ولو المدعي العام قرر التحفظ امواله .... بيعين لجنه لأدارة هذه الاموال .... والتاريخ اثبت انهم بيخربو الدنيا لما بيديرو لأنهم مش بتوع ادارة ..... بتوع قانون بس

الموضوع: أحمد عز يعرض سداد مليار جنيه مقابل وقف محاكمته جنائيا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ساعتين تمنهم 16 مليار جنيه!!!!!!

تيريوس بلاتينيوم" مقابل 117.900 جنيه

9.5 مليار جنيه .. رغى محمول

الكلمات الدلالية لهذا الموضوع

المفضلات

المفضلات

ضوابط المشاركة