9.5 مليار جنيه .. رغى محمول

**Hossam_Hassan** · 06-10-2007 11:20 AM

ولاد البلد ـ عشرينات ـ 4/10/2007

٩.٥ مليار جنيه ينفقها المصريون علي الكلام في المحمول حسب دراسة أجراها د. محمد صفوت فاضل عميد تجارة السادات التابعة لجامعة المنوفية ونشرتها جريدة المصرى اليوم.

وتوصلت الدراسة إلي أن تكلفة المحمول في الأسر المتوسطة تتراوح بين ٢٥ و٥٠ جنيهاً شهرياً، تزيد في الأسر الثرية لتتراوح بين ١٢٠ و٥٠٠ جنيه،

وأكدت الدراسة أن ٣٩.٥% من الأسر المصرية تمتلك هاتفاً محمولاً واحداً، ونسبة ٢٤.٥% تمتلك من ثلاثة إلي أربعة هواتف، و٤.٦% من الأسر تمتلك أكثر من خمسة هواتف محمولة.

وأشارت الدراسة إلي أن ٧٤% من المصريين يستخدمون هواتفهم في الثرثرة و١١% في برامج المسابقات و٥٢% بغرض العمل ويستخدم ٨٨.٥% من المصريين الكروت المدفوعة مسبقاً لشحن هواتفهم.

وأكد فاضل خلال ندوة نظمتها جامعة المنوفية تحت عنوان «المحمول وآثاره علي الصحة» أنه إذا تم توفير خمسة مليارات جنيه من التي تنفق علي المحمول لمدة خمس سنوات، فستتخلص مصر من مشكلات البطالة وتوابعها، واعتبر فاضل إنفاق المصريين علي المحمول تبديداً للدخل القومي، حيث تنفق الأسر ٤٠% من دخلها علي الدروس الخصوصية والمحمول.

من ناحية أخري أكد د. جعفر عبدالرسول، أستاذ الصحة العامة أن السكان الذين يقطنون في العقارات التي تعلوها شبكات تقوية محمول أقل عرضة للتأثر بالموجات الكهرومغناطيسية والأمراض، حيث تحميهم الأسقف الخرسانية من هذه الإشعاعات، وعلي العكس يتعرض السكان الذين يقطنون في مواجهة شبكات تقوية المحمول للأمراض، وتتأثر صحتهم بفعل الموجات الصادرة عنها.

**memo_hefnawy** · 06-10-2007 11:28 AM

أعتقد يا حسام الجزأ ده مكتوب بالعكس :

أكد د. جعفر عبدالرسول، أستاذ الصحة العامة أن السكان الذين يقطنون في العقارات التي تعلوها شبكات تقوية محمول أقل عرضة للتأثر بالموجات الكهرومغناطيسية والأمراض، حيث تحميهم الأسقف الخرسانية من هذه الإشعاعات، وعلي العكس يتعرض السكان الذين يقطنون في مواجهة شبكات تقوية المحمول للأمراض، وتتأثر صحتهم بفعل الموجات الصادرة عنها.

**Hossam_Hassan** · 06-10-2007 11:32 AM

أنا كمان شايف كده، بس العهدة على الراوى :D :D

**hazem_khidr** · 06-10-2007 06:13 PM

من ناحية أخري أكد د. جعفر عبدالرسول، أستاذ الصحة العامة أن السكان الذين يقطنون في العقارات التي تعلوها شبكات تقوية محمول أقل عرضة للتأثر بالموجات الكهرومغناطيسية والأمراض، حيث تحميهم الأسقف الخرسانية من هذه الإشعاعات، وعلي العكس يتعرض السكان الذين يقطنون في مواجهة شبكات تقوية المحمول للأمراض، وتتأثر صحتهم بفعل الموجات الصادرة عنها.

لا فعلا في مهندس قالي قبل كده ان الشبكات دي مالهاش تاثير علي الساكنين في البيوت اللي معموله عليها
و الله اعلم برضه بس فعلا انا شاكك في كلامه

**أبو عبدالله** · 06-10-2007 06:28 PM

يا جماعه اي واحد يعرف يعني ايه موجات وكهرباء هيعرف ان اي واحد يقول ليس لها تأثير يبقى بيعجن

هيا اللي تحت العقار صح بيقى اقل من اللي حواليها ولكن برضه في تأثير

الشبكة شوف بتشغل كام تليفون من اللي حواليها ومتصلين بها وشوف المحمول الواحد بيبقى مداه اد ايه وبيأثر عليك ازاي
ده انا والله مره قعدت اتكلمت مره ساعه دماغه والله صدعت صداع فظيع

ما بالك الشبكة اربعه وعشرين ساعه اون لاين تخلص مع ده تروح تتصل بده ............. وهكذا

ربنا يحفظنا منها

**abo3bdolrahman** · 11-10-2007 02:09 AM

المشاركة الأصلية كتبت بواسطة memo_hefnawy

أعتقد يا حسام الجزأ ده مكتوب بالعكس :

أكد د. جعفر عبدالرسول، أستاذ الصحة العامة أن السكان الذين يقطنون في العقارات التي تعلوها شبكات تقوية محمول أقل عرضة للتأثر بالموجات الكهرومغناطيسية والأمراض، حيث تحميهم الأسقف الخرسانية من هذه الإشعاعات، وعلي العكس يتعرض السكان الذين يقطنون في مواجهة شبكات تقوية المحمول للأمراض، وتتأثر صحتهم بفعل الموجات الصادرة عنها.

لأ الكلام ده صح يا جماعة و على فكرة أنا تخصصى أصلا مهندس إتصالات

**Karim_Monir** · 11-10-2007 03:07 AM

فعلا الكلام مظبوط وقالهولي ناس شغالة في الكاتيل لوسنت ودي الشركة الوحيدة في العالم اللي بدات تشتغل بتكنلوجيا الجيل الرابع
يعني ناس مش بتهرج
كلما بعدت المسافة كلما صدرت طاقة اكبر لتوصيل الاشارة للمحمول وعلى العكس كل ما الاشارة تكون قريبة من برج الارسال او محطة التقوية تكون اضرارها اقل

بس ده ما يمنعش ان محطات تقوية المحمول ليها اضرار فعلا وخاصة الجيل القديم منها
وانا شوفت بعيني سكان شارع بحالة في 15 مايو بيعانو من اضرار لوجود وحدة من النوع القديم التابعة لموبنيل كانت مبهدلاهم فعلا
مش كدة ولا ايه يا باشمهندس هاني

**abo3bdolrahman** · 11-10-2007 03:26 AM

هوا يا كريم الموضوع ليه علاقة بشكل المجال اللى خارج من هوائى الإرسال و ده بيبقى لا يذكر فى الإتجاه العمودى أسفل الهوائى مباشرة و دى بتبقى نقطة ميتة و ده بيتم مراعاة فى التصميم علشان الإشارة ما تروحش فى الأرض لكن أقصى قوة للمجال بتبقى فى المواجهة المباشرة مع الهوائى و ده ممكن يحصل لو الهوائى موجود على عمارة أو برج منخفض عن المبانى اللى موجودة حواليه و فى حاجات تانية كتير بس ده كلام تقنى جدا و لا يسهل الكلام فيه هنا و بدون شرح و صور هايبقى ما لوش معنى.
معلش أخدتكم فى موضوع تفنى صدعت دماغكم فيه فمعذرة بص أصلى كنت بحب تصميم الهواءيات جدا أيام الكلية. :)