إلحق يا أستاذ احمد إبراهيم.. موضوع سعد نبيهة استفحل و الظاهر اننا المفروض نعمل إعلان على كوبري 6 أكتوبر توعية و تصحيح لكل الشعب المصري بإن مافيش حاجة اسمها سعد نبيهة.
عرض للطباعة
إلحق يا أستاذ احمد إبراهيم.. موضوع سعد نبيهة استفحل و الظاهر اننا المفروض نعمل إعلان على كوبري 6 أكتوبر توعية و تصحيح لكل الشعب المصري بإن مافيش حاجة اسمها سعد نبيهة.
وفي الزمخشري .... الوجد مشتق من وجدي .... اللي هوا ابو أنور وجدي
ركزي كويس هاتلاقي أول سطر "قـــلوبنا" منورة البيت :)
الكوبليه الكامل افتكرته:
يا بلادي ياغنوة مسموعة .. رايتك في
قلوبنا مرفوعة
اسألي يا بلادي عن حبي .. يا ساكنة في عيوني وقلبي
أنا مهما أشرَّق وأغرًّب .. مهما أبعد ألاقيني باقرب
واملا كفوفي م النيل واشرب .. حلوة المية لو مصرية
بلديييييييييييييييي .. بلدي يابلدي
بمناسبة أغنية شاكر - ثروت، افتكرت إني كنت باسمع الكوبليه:
با أحلى ما فينا تنادينا .. بالليل بالصبح هاتلقينا
كنت باسمعه: يا أحلى سفينة تنادينا :)
على أساس إنهم في الأوتوبيس النهري وبحر وكلام من ده
للعلماقتباس:
بس للعلم بقى... الأغنية دي فيها شخص تاني... الريس بكار
ترررررممم ... ما وردت على بكار :) :)
بكارة ( تعني عين المياه او بير ماء)
و المقصود بها في الاغنية
ما عيناً رأت ما وردت على بكارة
انها كانت لاتخرج من البيت و لا حد بيشوفها لدرجة انها كانت لا تذهب إلى عين المياه أو البير للشرب
الاغنية دي فلكلور نوبي و هي كبييييرة جداً
كان لينا واحد صاحبنا نوبي دايماً كان بيغنيهالنا قبل ما محمد منير يغنيها بكتير
هيا حوالي 100 كوبليه او اكتر
الأغنية الي مش فاهم منها حاجة لحد دلوقتي
لو كان يرضيك بتاعة عمرو دياب
لو حد فاهمها يقولي
بالنسبة للسيده الفاضلة صفاء ابو السعود فانا كنت بسمعها غلط لأنى كنت دايما باسمعها سعدنا بيها وبعد اللى قرأته يا ريت لو حد يعرف دكتور انف وأذن وحنجرة بس يكون شاطر
الموضوع ده بجد ومش هزار
انا اسمى محمد وكانوا بيدلعونى وانا صغير بيقول لى حمادة (ومن هنا تبدأ الكارثة)
وطبعا كل شوية عايز لما تكبر تبقى ايه / الرد المنطقى اللى مفهوش اختيارات انى اطلع ظابط
طبعا فاكرين الاغانى الوطنية اللى كانوا بيجبوها قبل الماتشات وبعد الماتشات - قبل الاخبار وبعد الاخبار .............. وطبعا جيلنا حفظ الاغانى ديه طيب فين المشكلة
عارفين اغنية مصريتنا وطنيتا حماها الله
دايما كنت باسمعها مصريتنا وطنيتنا حمادة الله
والاغرب انى والدتى - ووالدى (رحمه الله) كانوا دايما يقولوا لى علشان انت شاطر بيقول لك الله يا حمادة (حمادة الله) وانا بذكائى وعبقريتى كنت مصدق انهم بيغنوا لى
الابشع انى وانا كبير اكتشفت انها تريقة من مسرحية او فيلم وبدون مبالغة فضلت متنح من هول الصدمة
عليه العوض ومنه العوض فى الجيل بتاعنا
حد فاكر كلمة جيل الشمعدان لما كنا بنتريق على الاطفال اللى اصغر مننا
والله انا قاعد افتكرحاجات كتير بالشكل ده
من ضمنهم اغنية بتاعة فريد الاطرش كنت انا واختى الصغيرة بنغنيها
الاغنية كانت بتقول
ياما جوه الدولاب مظاليم بيلاقوا حالتهم جيم
واحنا كنا بنقول
ياما جوه الدولاب مظاليم بيلاقوا هدومهم فين
بس ديه كانت من تأليفى انا وأختى علشان معرفناش نفهم الاغنية غير كده
بصراحه موضوع تحفه ودي تاني مره اقراه
للرفع بقي علشان الناس الجديده تقراه :)
A.Yakout
YouTube - ‫ط¹ظٹط´ظ‰ ظٹط§ ط¨ظ„ط¯ظٹ طھط¹ظٹط´ظ‰‬‎
الاغنية الرائعة دي انا لسة حاططها في موضوع تاني
وافتكرت اني في طفولتي كانت الاغنية دي بتتذاع شبة يوميا
انا بقا كان عندي مشكلة في سماع كلماتها عموما
وخصوصا في التوقيت 1.59 من الاغنية
بيقولو
قمرك وشمسك دهب
كلمة دهب دي كانت مش باينة تماما
انا بقى كنت باسمع حاجة تانية خالص ... كنت فاكرها
القمر إبن الشمس إبنها ....
وكنت مستغرب اوي ... ازاي القمر يبقى ابن الشمس ؟؟؟؟؟
بالذمة مش حاجة تحير
تسلم ايديكوا فكرتونا بزمان و التخاريف اللى سمعها الواحد و انتم صححتوها
افتكرت برضه خطأ سماعى جامد جدا بس مكانش من عندى، كان من عند المدام،
مرة كنا بناكل فى مكان عام فكانت عايزة تغسل ايديها فسألتنى هو فين الحمام فانا مسمعتهاش كويس فقلت لها: إيه؟ قالت لى هو فين الأقداحاد؟ قولتها مين اللى انتى بتقولى عليه ده؟ قالتلى : الأقداحاد . الحمام يعنى،
المهم وصفت لها مكان الحمام ولما رجعت قلت لها مين الأقداحاد ده، قالتلى يعنى الحمام ؟ قلت لها جبتيها منين دى؟ قالت لى كان ممدوح عبد العليم بيقولها كدة فى فيلم بطل من ورق، لما سأل الراجل فين الحمام فالراجل مسمعش وقال له "نعم؟" فممدوح عبد العليم قال له "الحمام ،عايز الأقداحاد" ، المهم انا بحب الفيلم دة وفاكره كويس، فضلت افتكر فى الحوار بتاعه لحد ما افتكرت الحتة دى، افتكرتها من هنا ووقعت على الأرض من هنا من الضحك، قلت لها "يا ماما هو كان بيسال الراجل بيقول له الحمام فين فلما الراجل ما سمعوش قال له " الحمام ، عايز اجضى جاحتى(أقضى حاجتى)" لكن انا معرفش الأقداحاد ده جبتيه منين
:shyy:تعالالي اللالي اللالي اللالي اللالي ياحبيبي تعالالي
هما المفروض كام واحدة
عارفين اغنية الصلح خير قوم نتصالح الصلح خير
كنت بسمعها الصول حسين قوم نتصالح الصول حسين وفضلت علي كدة وانا بغني للصول حسين بصراحة حاجات غريبة وكنت مفكر انا بس اللي مش عارف احدد الاغاني لاكن كتير زيي غلابه
اغنية محمد حماقى طب واحدة واحدة وبلاش كل دة كنت بسمعها دة لو ظنعك بشكل دة مقدرش علية هههههههههههههههههههه
ونا والله كنت فكراها وفوسط السير عدي
ياخبررررررررررررررررررر
ههههههههههههههههههههههههه هههههههه:shine[1]:
كان برده بيقول عليه الكنيف
ههههههههههههههههههههههههه ههههههههههههههههههههههه لابجد انتم مش ممكن
المشكلة مخي مش ساعفني دلوقتي بالحاجات اللي كنت بسمعها غلط بس هم كتيرررررررررررررر:36_3_10[1]:
اغنية انساك لأم كلثوم
ده مستحيل ..... قلبي يميل
كنت باسمعها
ده مستحيل ... قلبي يمين
:w6266d
...
طبعا حاجة غريبة جدا ..... الناس كلها قلبها شمال ..... الا ام كلثوم قلبها يمين ...
يا اهل الطب ..... ينفع كدة ؟؟؟؟؟؟؟؟؟
طيب اسمع بأه أغنية حبيبي و عينية بتاعة محمد فوزي كنت باسمعها ازاي :ma:
حبيبي و عينية لو في وسط "لية" ما "يغلاشي" علية علية ما "يغلاشي عااااااااااالاااااااااايا ااااااااااه :Ta_clap[1]:
أغنية لا اكتب ع وراق الشجر بتاعة فريد الأطرش:
لا اكتب ع وراق الشجرسافر حبيبي وهجر
يا حبيبي دخلك عود بيكفي "غيابه" سفر :ma:
أما دخلك عود دي فكانت بالنسبة لي طلاااااااااااسم.. بس كنت طبعا ربطاها بالعود بتاع العزف عشان كنت باسمعهم بيقولوا ان فريد الأطرش ملك العود :Ta_clap[1]:
كنت بسمع اغنية ( نسم علينا الهوا ) دلوقتى . فافتكرت الماضي الاليم :)
للاسف زمان كنت بسمعها ( نستمع الى الهواء ) :E_braces[1]:
بليز محدش يضحك :gunsmilie:
موضوع جامد وبجد اول مرة اشوفة :Ta_clap[1]::Ta_clap[1]:
انا متفاجئ من موضوع سعد نبيهه
انا والله كنت بسمعها صح وانا صغير (سعدنا بيها)
وعشان كدا انا قررت اضيف الحكاية دي في ال cv بتاعي اني كنت بسمع اغنية صفاء ابو السعود صح :Ta_clap[1]:
الأغنية اللي ذلتني فترة كبيرة، اغنية مقدمة مسلسل المال والبنون، لعلي الحجار
قالوا الشيطان قادر وله الف صورة ()()() قلنا ما يقدر عال------
ال----- كانت طلاسم بالنسبة لي
بس ربنا اكرمني وعرفت انها قلنا مايقدر عاللي خيره لغيره