حاجات كنا بنسمعها او نفهمها غلط

**OlaOsman** · 09-04-2008 12:18 AM

بالإشارة إلى المشاركات التالية في موضوع ذكريات تهم مواليد السبعينات:

المشاركة الأصلية كتبت بواسطة OlaOsman

http://www.youtube.com/watch?v=4Yn0tXGXhXs

رجالة و طول عمر ولادك يا بلدنا رجالة
و غلاوتك يا بلدنا و الله مش محتاجة قوالة
مش عارفة ايه كده خالص
و المصري سكته محروسة بقرآنه و إنجيله

المشاركة الأصلية كتبت بواسطة aif

السطر الثالث ده عمري ما قدرت افهم هما بيقولو ايه

المشاركة الأصلية كتبت بواسطة OlaOsman

انا كنت باسمعها كالتالي:
فن الاسمراني التالت ع الشط بقناديله
و المصري سكته محروسة بقرآنه و انجيله

طبعا حاجة بلا معنى نهائي :D

المشاركة الأصلية كتبت بواسطة aif

انا بعد ما ركزت معاهم
بيقولو
والنيل الأسمراني فارد ع الشطين قناديله
والمصري سكته محفوظة قرآنه وإنجيله

هيييييييييييه
اخيرا جبتها
علي رأي كريم
ننننننننننييييييييييييييي يييييهههههههههههههههههههه ههههه

المشاركة الأصلية كتبت بواسطة sab3aawy

واضح ان السطر التالت ده كان عامل ازمة للشعب المصرى كلة

انا بأه كنت بسمعه:

وادى الأسمرانى يبارك عالشطين أرائيشه (قراقيشه) :) :) :) :)

جت لي فكرة موضوع كنت قريته في منتدى تاني باشارك فيه و كانت لذيذة اوي.. تعالوا نفتكر الحاجات اللي كنا بنسمعها او نفهمها غلط و بعدين عرفنا بعد كده الكلام الصح، زي المشاركات اللي مقتبسة فوق كده، طبعا ده غير الأطفال و خيالهم الواسع و اللي بيجرى فيه :D

انا عندي طبعا كام حاجة كنت باسمعها غلط و ناس تانية كمان حكوا لي على حاجات تهلك من الضحك، هاقولها لكم في المشاركات الجاية ان شاء الله :)

**OlaOsman** · 09-04-2008 12:22 AM

عندكوا مثلا أغنية محرم فؤاد بتاعة لو كان الأمر أمري.. كانت بتقول لو كان الأمر أمري لو كان في شئ بيدي كنت أقدر اشتري لك.. جزيرة و يخت فضي.

طبعا و انا صغيرة يخت فضي كنت باسمعها ولا حاجة.. مجرد همهمات.. لما ركزت شوية بقيت باسمعها جزيرة و إياك تقضي :D
على اساس انه من كتر ما بيحبها يعني حاسس ان جزيرة مش هاتقضيها :D

كنا بنتكلم مرة انا و صحبتي من كام سنة و جت السيرة فبسألها كنتي بتسمعيها ايه؟ طلعت كانت بتسمعها جزيرة و يد فضي :D

يعني حاسة اصلا اني باتكلم عن الأغنية اللغز :D

**solycar** · 09-04-2008 12:30 AM

اغنية العيد فرحة بتاعة صفاء ابو السعود

فى الحتة بتاعة سعدنا بيها بيخاليها ذكرى جميلة ................

كنت بسمعها سعد نبيهة:D:D

**OlaOsman** · 09-04-2008 12:38 AM

المشاركة الأصلية كتبت بواسطة solycar

اغنية العيد فرحة بتاعة صفاء ابو السعود

فى الحتة بتاعة سعدنا بيها بيخاليها ذكرى جميلة ................

كنت بسمعها سعد نبيهة:D:D

مش انت بس على فكرة، ده معظم الناس كانت بتسمعها كده :D

**Nile_Storm** · 09-04-2008 12:44 AM

ههههههههههههههههههههههههه ههههههههههههههه
سعد نبيهه كنت بسمعها كده برضه

انا اصلا عندي حول سمعي
هفتكر كل البلاوي االلي كنت بسمعها غلط و اكتبهالكو مره واحده

**OlaOsman** · 09-04-2008 12:49 AM

الأغنية بتاعة توت توت قطر زغنتوت بتاعة عبد المنعم مبولي و هدى سلطان في الأغنية دي كانت هدى سلطان بتقول آه يانا يا قليلة الحيلة ما انتوش جايبينها لبر الليلة.. انا و انا صغيرة كنت باسمعها آه يانا يا قليلة الحيرة.. و اقول في نفسي.. طيب كويس انها قليلة الحيرة هي زعلانة ليه بأه؟ :D

**solycar** · 09-04-2008 12:53 AM

المشاركة الأصلية كتبت بواسطة OlaOsman

الأغنية بتاعة توت توت قطر زغنتوت بتاعة عبد المنعم مبولي و هدى سلطان في الأغنية دي كانت هدى سلطان بتقول آه يانا يا قليلة الحيلة ما انتوش جايبينها لبر الليلة.. انا و انا صغيرة كنت باسمعها آه يانا يا قليلة الحيرة.. و اقول في نفسي.. طيب كويس انها قليلة الحيرة هي زعلانة ليه بأه؟ :D

انا سمعتها كدة برضة

بس انا بأة كنت شايف ان كدة عادى:D:D:D

**solycar** · 09-04-2008 01:00 AM

اغنية عمرو
انا عايش و مش عاش و مش قادر على بعدك ولا عارف فيوم انسى ولا عايز حبيب بعدك

كنت بسمعها انا عايش و مش عاش و مش قادر على بعدك ولا عارف فين مؤانسة و لا عارف حبيبى بعدك

حول سمعى تاااااااااااااااام :D:D:D:D:D

**ابو سيف** · 09-04-2008 01:01 AM

[QUOTE=solycar;221183][COLOR="Blue"]اغنية العيد فرحة بتاعة صفاء ابو السعود

فى الحتة بتاعة سعدنا بيها بيخاليها ذكرى جميلة ................

كنت بسمعها سعد نبيهة:[/[COLOR]D:D[/QUOTE

بجد؟؟؟؟؟؟؟؟؟؟؟؟؟؟؟؟؟؟؟؟؟؟ بجد هيه مش سعد نبيها

واضح ان الموضوع هيكون له ميزيتين

الاولى الفرفشه و تذكر ذكريات جميله قد يشترك فيها الكثير

الثانيه و الاهم هي تصحيح اللى ناس كتير فاكرينه لحد دلوقتي انهم سامعينه صح و مطبوع من زمان على كدة :D

**Goodle** · 09-04-2008 01:03 AM

أغنية صفاء أبو السعود بتاعة أهلا أهلا بالعيد.. كانت بتقول: "العيد فرحة وأجمل فرحة... تجمع شمل قريب وبعيد...سعدنا بيها بيخليها.. ذكرى جميلة لبعد العيد"

وانا صغير كنت باسمع الحتة دي بتقول "سعد نبيهة".. وطبعا خيالي النشط رسملي صورة إن سعد ده ولد شاطر من الولاد اللي بيرقصوا في الأغنية وبقيت بأدور عليه في وسط الولاد كل ما الأغنية بتتعرض :)

ولما كبرت شوية وبقى عندي 9 أو 10 سنين. اتسع أفقي ووصلت للنتيجة إن الباشمهندس سعد ده هو كاتب كلمات الأغنية وإن صفاء أبو السعود بتمجد إسمه عشان هو عمل الأغنية ليها.. إحساس مبكر بمبدأ (بفضل توجيهات السيد الرئيس) ههههه :) :)

المهم فضل معايا الموضوع ده شوية وبعدين الأغنية بطلت تتعرض... لغاية ما فييييين وأنا في أول ثانوي.. مرة عرضوا الأغنية دي.. وكنت خارج مع واحد صاحب في يوم عيد

وركبنا يومها تاكسي . فبتكلم مع السواق وبقوله "العيد فرحة" فلقيته بيقوللي "هو سعد ده مفيش وراه غير الزحمة" فقلتله سعد من يا أسطى ...

لقيته بيقوللي: "الجدع اللي اسمه سعد اللي صفاء ابو السعود بتغنيله... هي مش مش عمالة تقول في الأغنية: سعد نبيهة ؟؟؟"

وكل سنة وانتم طيبين :) :)