عنيا بس كدا دا انا تايب منها و من عيوبها (عيوب تقفيل للاسف )
عنيا بس كدا دا انا تايب منها و من عيوبها (عيوب تقفيل للاسف )
بالمناسبة انا كنت فاتح موضوع عن قطع غيار العربية الفيرنا
و اعتقد ان دا مكمل للموضوع الي احنا فية دلوقتي
للي يحب يدخل يبص علي قطع الغيار او يضيف اي اسعار هوا عارفها و متاكد منها علشان تعم الفايدة علي الفيرناوية او الي ناويين ياخدوا الجنسية قريب
http://nilemotors.net/Nile/showthread.php?t=14916
وده تقييم الاستاذ سبعاوي عن الفيرنا مقتبس من احدي مشاركاته بالمنتدي
الفيرنا مبنية على محرك وشاسية وتعليق والات جر اللانسر كريستالة، حيث ان هيونداى تعتمد على تكنولوجيا مشتراه من ميتسوبيشى
بالنسبة للفيرنا 1500نجدها تحمل محرك سلفتها الأكسنت 1998، والذى هو بشكل ما نفس محرك اللانسر البطة او الكريستالة مع تعديلات تكنولوجية طفيفة جدا، مبنى ايضا بنظام الكامة الواحدة العلوية و 12 صباب ولكن بتصميم فريد جدا يجعل الإتصال بين الكامة العلوية والصبابات عن طريق منظومة من الروافع(التاكيهات) والميزة التى اراها واضحة فى هذا التصميم هى سهولة ضيط خلوصات الصبابات (ضبط التاكيهات) عند اى ميكانيكى بدون الحاجة للذهاب لمختص الصبابات، فينما لا يستطيع الميكانكى العادى ضبط تاكيهات اللانوس او الشاهين او حتى ال128 لان ضبطها يتم عن طريق تغيير اطباق الكامة وهو امر يحتاج مختص، فإن تاكيهات اللانسر والأكسنت والفيرنا يستطيع الميكانيكى الجيد ضيطها، ولكن يعيب هذا التصميم كثر الاجزاء المتحركة فى الموتور وهو امر غير مطلوب، الصراحة حاولت البحث عن القدرة الحصانية لهذا المحرك فى حدود 92 حصان
بالنسبه للفيرنا 1600 فهو محرك الالنترا القديم و الماتركس
الفيرنا سيارة ترغب فى القفز من على الأرض بمجرد رفع القدم اليسرى من على دواسة الدبرياج، فتشعر وكأن السيارة سوف ترفع عجلاتها الأمامية عن الارض كما يفعل الحصان ثم تطير من على الأرض، ولكن الملاجظ ان هذة الثورة فى الإنطلاق تفقد حماستها الى حد ما مع السرعات العالية فلو
فرامل الفيرنا افضل كثيرا من اللانوس وقدرتها على المناورة جيده
محرك الفيرنا خشن و صوته مرتفع وغير مريح وهو احد النقاط التى اعتبرها سلبية للفيرنا، لكن نلاحظ بالمقابل ان الفيرنا صوت آلات الجر بها غير مسموع ايضا نلاحظ ان عزل صوت الطريق فى الفيرنا
الباور ستيرنج والتكييف ممتاز، الفيرنا افضل فى التعامل مع دواسات البنزين والفرامل لان مشاويرها اقصر، الرؤية الخلفية والمرايات معقوله فى الفيرنا
شنطة الفيرنا جيده جدا
بالنسبة للفيرنا جاء صاجها الخارجى نقلة تاريخية فى تاريخ هيونداى التى عودتنا فى السابق انها تصنع سياراتها من ورق الكلينكس المعاد تدويره، ولكن مع الفيرنا هيونداى قدمت لنا صاج خارجى رائع ، فبينما ان سيارة مثل الإكسيل تحصل على 3 من عشرة للصاج الخارجى ، اجرؤ على ان اقيم صاج الفيرنا ب 8 من 10
الأنافة: هذة بالطبع مسالة اذواق ، ولكنى بشكل شخصى ارتاح للمنظر الخارجى للفيرنا وشكل صالونها، لا لشئ سوى ان عينى ترتاح للخطوط الحادة اكثر من الأسطح المنحنية(الكيرفات)
موضوع ضبط التاكيهات دا مش مذكور في الفيرنا خالصصصصصصصصصص
الي سمعتة في التوكيل و الي الناس اكدتة انة مش بيضبطلها تاكيهات و خصوصا ال 1600
دى أول مشاركة لى فى هذا المنتدى الرائع ،و بجد جهود رائعة ربنا يبارك فيها على كشف المساوئ
الفيرنا 1500 فول أوبشن جبتها من سنة و نصف ( موديل 2007 ) ، و كانت أكبر مشكلة عندى هى صوت عالى فى الموتور عند سرعة 80 تقريبا لما أكون على الرابع يختفى عند النقل للخامس فهل هو المقصود ؟
علما إن إستخدامى لها مش كثيف و هى عاملة حاليا 10000 و شوية و لسه راجع من صيانة العشر آلاف أول إمبارح ( البهوات فى هيونداى قالوا ساعة صيانة ال5000 إن الصوت ده من تربيط التابلوه ، و لما إشتكيت تانى مع صيانة ال10000 ضبطوه المرة دى و مش عارف عملوا إيه بالضبط )
بس المرة دى طلعوا روحى 3 ساعات زيادة قال إيه علشان ضبط الكلاكس و قعدت من 10 الصبح لسبعة بالليل رغم إنى كنت حاجز الساعة 11 صباحا .
اول مشاركة وجاي تخالف القواعد
ممنوع الكتابة باللون الاحمر الا لادارة المنتدي
ويرجى قراءة قواعد المنتدي جيدا
الادارة 1
الحمد لله انها ظبطوهالك
الصوت العالي ده كان زي زنه ؟
لو كده تبقي زنه التابلوه اللي قال عليها ميدو
و مادام المشكله اتحلت يبقي لحمد لله
و اهلا بيك معانا و ان شاء الله تستفيد و تفيد معانا
طيب سؤال
هيا عفشة الفيرنا و الميكانيكا بتاعتها ممكن اي صنايعي يشتغل فيها و ا هيا مش معقدة و سهلة زي الدايو مثلا ؟
و لا معقدة و صعبة و لازم توكيل و خلافة ؟
يا ريت حد يقول لنا علشان التوكيل الي قارفنا في حياتنا دا بس يكون عندة خبرة بالعربيات عموما و جرب صنايعية بره و سمع ارائهم فيها
لان للاسف كل الفيرناوية تقريبا عندهم نزاهه جامدة و مش بيطلعوا بره التوكيل
و لا احنا اخدنا علي التوكيل و ايدة التقيلة و لا القط بيحب خناقة زي ما بيقولوا
و شكرا
مبدئيا ،، متطلعش بره التوكيل و انتا في الضمان ،،،
و يستحسن كل ما تلاقي نفسك فاضي تروح تقرفهم شوية ،،
اهو كله مصلحة ،،،
هههههههه
بخصوص حد بيشتغل فيها بره ده أكيد ،،
علي الأقل الصنايعة اللي شغالين في غبور
انا عارف انك من اسكندرية ،،
بس في واحد كويس اوي عرفني عليه م / كريم منير في الحرفيين
اسمه وجدي ،، شغال في غبور و امين و محترم جدا ،،
بس المشكلة انه مبيشتغلش غير في الأجازات ،،
ده بقه حافظ الفيرنا ،، يبص عليها بصة كده يقولك فيها ايه و حافظ ايه الحاجات اللي ساعات بيركبوها
مصري ، الحمد لله ماكنش عندي حاجة منها
عموما المرة اللي روحتله فيها معمليش حاجة قاللي بس فيه كذا و روح اعمله في الضمان
لأنه شخصيا رأيه كده ،، بس يتبقي الدنيا سهلة بتروح المشكلة متوصفه ،،
عموما انا شايف عندك ميول استقلالية ،،
و انا ضد هذا المبدأ ،،
خليك في عبهم افضل ،،
عشان تستفيد من الضمان لآخر يوم ،،
علي فكرة واحد صاحبي كان عنده النترا القديمة ،، قبل ما تخرج من الضمان
راح غير العفشة بالكامل بلطجة كده ،، استنطاع
دا فين في اسكندرية ؟
بس فية حاجة لما تلاقي سعر التيل الامامي 330 غير الاستكراد و النصب و الفهلوه
و تلاقي انك ممكن تغيره بره هوا نفسة ب120 جنية بالمصنعية اعتقد الواحد لازم يفكر و لا اية رأي حضرتك؟
و بعدين هوا ينفع لو المساعدين باظو مثلا اروح اغيرهم في الضمان من غير ما ادفع ؟
و بعدين فين صاحبك دا يا ريت جيبهولنا علشان يدينا محضرات في التعامل مع البشر دية احسن انا حبيتة من قبل ما اشوفة مش عارف لية يا استاذ ولاهي لله في لله :d
مش أحسن متغير الطنابير بمبلغ و قدره ؟؟
و لا تلاقي التيل بيصفر ؟؟؟ هتعمل ايه بقه هتروح تتخانق مع تاجر قطع الغيار
بعدين الصراحة التوكيل مبيتأخرش ،،
هما بس بيبقوا اغبياء في اكتشاف العيب ،،
لكن لو اكتشفوه ،، بيصلحوه من غير مماطلة