الف مبروك ليييك وربنا يباركلك فيها وعلى فكرة انا برضو لسه جايب قبليك باسبوع
بس انت جبت بييييها 160 كتيييييييير اوى عليها وهى المفروض بتلين وانا سافرت بيها الاسبوع ده مرتين ومكنتش بزود عن 90 بالكتير
صحيح حافظو علي العربيه في التليين كلها 0100 كيلو و اجرو براحتكم
و بعدين خلو بالكو من المرور
و ربنا يسترها علينا جمبعا
انت كلامك صح بخصوص المرور الي مش بيرحم حد
بس المشكلة العربية بتغريني ان انا اجري بيها
وعلي فكرة انا لسه متعلم السواقة جديد
ودي اول مرة اركب عربية وبدئتها بالفيرنا والحمدلله بداية موفقة
استفسار بقي محدش يعرف حد في مرور عبود علشان اطلع رخصة علشان ان لو روحت اختبر هيسقطوني وانا عاوز اطلع رخصة علشان امشي مطمن بيها
السلام عليكم اصدقائي الاعزاء
عندي تلات اسئلة يا رجالة
1- هو مؤشر الحرارة لما يبقى عند النقطة التانية مش الاولى على طول كده يبقى العربية بتسخن ولا عادي علما بأني لمل احط ايدي على الكابوت بتلسع بعد فترة زمنية صغيرة
2- هل السخونة دي ماتخليش العربية تدور (لازم العربية تهدى شوية عشان تدور )
3- هل جوان زيت متركب غلط مثلا يعمل القلق ده ( سخونة و عدم دوران ) لان انا غيرت كاتينة و بوجيهات و جوان وكل الناس اجمعوا ان البوجيهات و الكاتينة سليمة فالحاجة الو حيدة اللي مارجعتش عليها هو جوان الزيت .متهيألي ما يعملش القلق ده كله
انا قربت اتجنن خلاص و مش عارف العيب ده حله ايه ( عدم الدوارة وهي سخنة )
السلام عليكم هذه اول مشاركه ليه فى المنتدى اشكرككم جميعا فقد ساعدتنى ارائكم واشتريت فيرنا 1600 زيرو 2008 المشكله انها طلعت بكاوتش نسر و ما ادراك ما النسر انا بقول استنى لما يهلك ثم اغيره بس 13 برده اصدقائى بيقولو لأ لازم اغيره فورا ومعه جنوط كمان 14 بصراحه انا حطيت كل فلوسى فى السياره الهف اوبشن+انذار فهل هذا ضرورى جدااااا حتى اضحى ولا ايه وشكرا
بالنسبه للاخ ايهاب رضوان مؤشر الحراره ده بيكون عادى انه يكون على النقطه الثانيه او قبليها بحاجه بسيطه اوى تكاد تكون غير مرئيه
بالنسبه ان العربيه مش بتدور وهيه سخنه انا عندى لو واخد مشوار كبير و العربيه سخنه ممكن تعتل بس لكن انها ماتدورش خالص دى صعبه (راجع المارش)
بالنسبه للاخ هشام صالح
احب اقولك الف مبروك على العربيه الجديده و احسنت اختيار بالرغم من غبور ابن الذينه ده
الكاوتش يفضل انك تغير و تحط جنط 14 بس لو مزنوق شويه مافيش مشكله عادى بس تشيل من دماغك حكايه انها بتصفر فى الملفات و عدم الثبات انا عن نفسى لسه ماغيرتش الكاوتش
الف شكر يابو حميد بس عادي ان انا اتلسع من الكابوت وهو مقفول!!
وبعدين رأيك ايه في الموضوع الجوان ده ممكن يركب غلط ويسخن العربية كده ؟
عادى انك تتلسع من العربيه ياباشا تعالى عندى ممكن نعمل شاى على الكبوت بتاع عربيتى
بالنسبه للجوان استحاله انه يسخن العربيه غير فى حاله لقدر الله ان الزيت بيسرب بالتالى المتور هايسخن لان الماده اللزجه الخاصه بالتزيت و هيه الزيت مش موجوده بالتالى الموتور بيحك فى بعضه و يسخن
انت عربيتك فيرنا يا احمد و لو فيرنا موديل كام