الفتيس المانيوال مافيهوش المغناطيس ده و افضل زيت هو شل انا بغيره كل 30 الف فى المحطه بياخد حوالى 2 كيلو و نص
السينسور تجيبه من شارع دمشق و تركبه هناك
الفتيس المانيوال مافيهوش المغناطيس ده و افضل زيت هو شل انا بغيره كل 30 الف فى المحطه بياخد حوالى 2 كيلو و نص
السينسور تجيبه من شارع دمشق و تركبه هناك
تمام يا احمد بك......ربنا يخليك لينا......هو تغييره سهل ممكن اي حد يغيره زي زيت الموتور ولا عاوز صنايعي دماغه متصنفره.......بالنسبه لنوع الزيت شل ياريت لو تأكدلي علي باقي الاسم.....الكميه حتي الآن سمعت 2 لتر و 2 و ربع و اتنين و نص......... ياتري مين ادق و اخيرا الزيت بكام؟ ألف شكر يا رجاله و آسف ع الأسئله الكتير بس للأسف الصنايعيه الموهوبين همه السبب
بعد ما كرهت خلاص غبور ربنا ما يحوجني ليهم - مش عايز أعمل الصيانات عنده خلاص - تعبت وزهقت
كنت عايز الاخوة يساعدوني بموعد تغيير كل حاجة علشان العربية ما يحصلهاش حاجة - فهاكتب الي أعرفه وأرجو ان حد يكمل أو يعدل
10: الزيت وفلتر الزيت وتربيط العفشة
20: تغيير فلتر الهواء والبنزين والبوجيهات
40: تيل الفرامل وماء الريداتير ((وزيت الفتيس..؟؟))
60: (( السيور وسير الكاتينة وزيت الكورونة ..؟؟؟))
يا جماعة عايز اعرف بطارية الفيرنا كام امبير واتاكد منين لما اشترى انها فعلا الامبير الانا عايزو عشان بس محدش يضحك عليا ويارت لو حد يعرف واحد بتاع بطاريات كويس فى الهرم يقولى
طب يا جماعه لفيت البلد كلها ملقتش غير شل من ده S2 a 80w-90 و الباقي موبيل......اعمل ايه؟
الصنايعيه و البياعين اشتغلوني اشتغاله السنين ......حسبي الله و نعم الوكيل ف اي نصاب او بياع كذاب.......رحت اغير ميه الرادياتير و الصنايعي عنده محل قولتله وريني الميه ال عندك.......وراني جركنين واحد اصفر لبناني تقريبا و واحد شفاف سعودي و يتشال و يتحط دول انضف حاجه.......عنده كانز ابرو و يقولي لأ الأنواع اللقيطه دي انضف!!!!!!!!!!!المهم العلبه مكتوب عليها بالبنط العريض don't dilute و يقولي الا بالدين نزود عليها ميه..اقوله يابني آدم مكتوب عليها متتخففش يقول تقيله ع العربيه ونا مش مسىئول عن اي حاجه تحصل...........قولتله غور ف داهيه و بلاش أبرو و هجلك جركن موبيل علي بعضه طالما هنحتاج كميه كبيره.......رحت لمحل اعتقد ان البياع بتاعه امين و نضيف قالي خد ميه حمرا و بما اني بحب الافتكاسات قولتله هات ياعم ميه حمرا.......جركن أبرو 4 لتر تقريبا ب 50 جنيه و اخدت عليها علبه لتر نوع اسباني اسمه كوول ماكس تقريبا ب 25 جنيه و رحت للباشا بتاع الرادياتير و كأني قتلت ابوه ازاي و ازاي تجيب ميه حمرا دي بتبوظ الرادياتير و حطيتها ف عربيه تاني يوم الرادياتير باظ!!!!!!!!!!!!!!!!! ياعم معقول جركن امريكي ماركه محترمه مش مكتوب عليها اي تحذير هتبوظ عربيات الناس!!!!!!!!قولتله حط الميه الحمرا و ربنا يستر..............ياتري ف القصه دي مين الصح؟
بطاريه الفيرنا 55 امبير بس انا عن نفسي جايبلها بطاريه 70......سمعت عن عربيه ياريس صاحبها جاب امبير اعلي ف الضفيره اتحرقت!!!!!!!!!!انا عندي الحمد لله ال 70 امبير شغاله ليها اكتر من سنه و نص.........بالنسبه لزيت الفتيس لو مانيوال يتغير كل 40 ألف بس كل مستخدم بيحافظ علي عربيته بطريقته و ممكن يغير الزيت قبل معاده حفاظا عليها.......الفتيس الأوتوماتيك بيتغير تقريبا كل 80 او 60 ألف مش فاكر بصراحه
شكرا على اهتمامك انا انشاء الله حروح اجبلها بطارية 55 امبير acdelco واخلينى فى المضمون احسن
العفو يا باشا و بالتوفيق......النوع ده ما شاء الله ممتاز بس خلي بالك عشان بطاريه الفيرنا معكوسه
الاسطوانة بكام؟؟؟؟؟؟؟؟؟؟؟؟؟؟؟؟؟؟؟؟؟ ؟
[QUOTE=shalaby2001;3874088784]الاسطوانة بكام؟؟؟؟؟؟؟؟؟؟؟؟؟؟؟؟؟؟؟؟؟ ؟[/QUOTE
الاسطوانة الاصلي ب200 جنية والكوري 125 بس نصيحة غير الطقم كلو الاصلي 500
السلام عليكم ارجو الافادة لسه جايب فيرنا 2012 عملة 1000 كيلو لسه عامل الصيانة حاسس ان سحب العربية مش قوى مع ان البنزين 92 ده طبيعى ولا لسه الماتور بيلين ولا اية
الحقيقة انا معنديش فيرا لكن انا اول مره اسوقها من واحد صاحبي كان من يومين كنت جوه المدينة وسقت لغايه 90 كم انا شايف انها عربية جيده بردجه كبيره ومعرفش الناس ليه بتشكك فيها يمكن عشان خفيفة شوية او حسب التعود بس بسبب اراء الناس مفكترش لما اجدد اشتريها ابدا وخلاص انا جددت بس بعد لما جربتها عموما مبروك علي كل من معاه فيرنا بس ياريت المصنع ينزل شكل جديد منها بقي
السلام عليكم ارجو الافادة لسه جايب فيرنا 2012 عملة 1000 كيلو لسه عامل الصيانة حاسس ان سحب العربية مش قوى مع ان البنزين 92 ده طبيعى ولا لسه الماتور بيلين ولا اية
اهلا وسهلا بيك
مبروك العربية ومبروك الصيانة
انتظر لما العربية تعدي 2000 كم واعمل تفتحي للموتور
بمعنى انك تشبع الغيار وتحرق عليه وتنقل لما توصل لآخر الغيار
يعني االول متطولش عليه انقل على 30 والتاني انقل على 60 والتالت اطلع ل 100 والرابع انقل على 150 وكدة وصلت للخامس
ابقا قلي السحب بعدها اخباره ايه؟! :guitarplay1:
على فكرة دا مش اخر الحرق الغيارات دي يتحرق عليها اكتر من كدة بس انا بتكلم في اقصى درجات وحدود الامان للعربية
العربية جيدة جدا
انا مسافر بيها النهردة لوحدي ماشي 120/130 وكويسة جدا بدون اي مشاكل -عربيتي عاملة 40600 كم-
هعمل تقرير عنها ان شاء الله بس لما اعملها الصيانة الاول عشان اظبطلكم موضوع كويس :D
أشررررررررررررررررررررررر رررررررررررررررررررف قولي هتعمل ايه ف زيت الفتيس لو سمحت..........
متشكر على الرد يا باشا وانشا الله ها جرب واتابع معاك
برجاء من الفرناوية الرد عليه بسرعه والموضوع باختصار انى روحت اشترى عربيه فيرنا 1500 سى سى اتوماتيك موديل 2006 لون سلفر ورحت رفعتها فى بنزينه وصحاب العربيه بيقول انها كلها فبريكا معظمها ولما اترفعت العربيه بصينا عليها من تحت من عند القطمه او السدر بس من تحت العربيه لونها سلفر والحته اللى تحت خالص لونها مختلف برتقالى فاتح واللى كانوا فى البنزيمه كل واحد قال راى وصاحب العربيه قالى انها معاه من الزيرو ومغيرش القطمه ولا لعب فى العربيه والسؤال هل حد رفع عربيته من تحت ولقى ان فى لون مختلف فى القطمه اللى شايله صدر العربيه ولو امكن تجوبينى بسرعه قبل ما ادفع الفلوس
اول مره اسمع عن حاجه كده الصراحه بس اكيد صاحب العربيه كان ممكن يرش الجزء ده و من غير معجون و مكانش حد هيعرف انه مرشوش و متوقع اصلا انك هترفع العربيه ف البنزينه و كان هيعمل كده يعني لو العربيه معيوبه و لكن كده يوضح سلامه النيه.........بعد ده كله انا لو منك ابعد عن الشر و اغنيله
المفروض ان الفيرنا يتحطلها زيت فتيس بلزوجة 75/80 او 75/90
اعتقد حسب ما بحثت ان الوحيد اللي فيه درجة اللزوجة 75/80 هي توتال
انا لسة مغيرتش الزيت بس هعدي على توتال أسأل -لأني دورت على النت- وهسأل برده في شيل واشوف درجة اللوجة دي موجودة عند مين وهبلغ حضرتك لا تقلق
كل اللي لقيته 80/90 وفي الحقيقة دا بيخلي الفتيس تقيل شوية الصبح وانا مش عاوز كدة انا عاوز زي ما المانيوال بيقول
هبلغك باللي هوصل ليه ان شاء الله يا عزيزي لا تقلق
في الانتظار يا صديقي
انا وقفت تحت عربيتي الحقيقة بس مش متذكر القصة دي !
هل اللون برتقالي فعلا واللا دا نتيجة صدأ؟!
متشكر يا باشا بس في مصيبه غير اللزوجه و هي قصه gl-4 و gl-5.........الكتالوج بيقول 4 اما 5 علي حسب ما لقيت ع النت انه بيسبب تآكل المعادن الصفراء زي النحاس و البرونز يعني ببساطه لو فتيس الفيرنا فيه اجزاء نحاس يبقي عوضك علي الله ف الفتيس!!!!!!!!!!!!شكلها هترسي معايا علي فالفولين اللتر ب 75 جنيه لأني صعب استرخص و اجيب تام اويل ابو 16 جنيه.........
بالفعل توتال ال 75/80 دا GL-4
لا تقلق انا اكيد برده مش هسترخص يعني مهي عربية وقاعدة معايا ومعنديش استعداد اجري كل شوية على الميكانيكي
لو التامويل دا Gl-4 ولزوجته مناسبه ايه المانع انك تحطه؟!
حطه وبدل ما تغيره على 40000 كم غيره على 30000 كم
على فكرة مش رخيص ولا حاجة
زيت الفتيس بتاع التعاون ب 15 جنيه اللتر وزيت الفتيس بتاع موبيل ب 20 جنيه اللتر
زيوت فالفولين هي اللي غالية شوية فمخليه الباقي يعتبر انه استرخاص !
ألف شكر ع المتابعه يا باشا........ف الأول هحاول اشوف حد يبعتلي الشل من القاهره و لو منفعش هحط التامويل و ربنا يسترها
بعد البحث فيما يخص زيت الفتيس المانيوال
الفتيس بياخد كمية تعادل 2.25 ليتر يعني هتشتري 3 عبوات لكل منها ليتر
اللزوجة اللي اجمع عليها الصانع في توتال وليكوي موالي وفالفولين وشيل هي 75/90 او 80/90
الزيت يكون gl-4
اعتقد ان توتال او شيل هيكونوا كويسين جدا وسعرهم كويس برده
ولو قدرت تحصل على اللزوجة 75/90 هيكون شيء رائع جداااااا
البريمر احمر مش برتقالي
لا مش المفروض يكون فيه لون مخالف للون العربية مطلقا الا لو مكان اللون اتشال فيه نتيجة اي عامل زي مثلا عندي مكان البطارية الطلاء اتشال وظهر المعدن بلون برتقالي -نتيجة تأثير مية البطارية-
غير كدة مينفعش يبقا لون تاني مخالف للون العربية
طيب التقرير من الوكيل لما كشفت على العربية ايه؟!
تقرير البنزيمه جاب حوالى 4 منهم المهندس وكام واحد يجى يقول بريمر واحد تانى قالى متغير وتالت قال دى رشه واللهى وانا شاكك اساسا انهم بيفهموا ومش عارف واللهى يا استاذ اشؤف وانا لما شفت العربيه ورفعها قدامى بصراحه العربيه نضيفه جدا ومش باين اى اثر للحام ولما قولتلو فين اللحام مردش عليه ومخدتش اجابه مفيده
طب انا دلوقتي قدامي تامويل لزوجه 75-90 و gl-4 بس حاسس انه رخيص كده و مش عاطفي و بصراحه خايف منه و بفكر اشوف حد يبعتلي شل 80 90
الكلام دا كان في التوكيل ؟!
بص انا عندي سمكري لو تحب اخليه يبصلك عليها بس الكلام دا في شبرا
انا رأيي تجيبه الحقيقة هو مش رخيص ولا حاجة
انت عارف ان الشيل ب 20 جنيه والتعاون ب 15 جنيه
بص حطه ولو لقيت مشاكل منه كتقل الفتيس او حاجة غيره لكن ما دام الحل متفور قدامك وهو الافضل من ال 80/90 يبقا حطه يا عزيزي دا مش بعيد اخليك تبعتهولي :p
ده كمان في عضو فاضل قال انه جاب الشل ب 18........بس بردو قلقان منه......لو عاوز ابعتهولك انا عنيا ليك.....شاور انت بس و تلاقيه عندك تاني يوم بإذن الله
هو اسمه Tamil ?!
عشان بس عاوز أسأل عليه واطمنك !
ياريت و الله يبقي كتر خيرك فعلا.......هو اسمه tamoil
بقولك ايه.......مش عارف ليه مرتاح للفالفولين!!!! !!!!!!! !! قالولي ممكن نبعتلك علي اسيوط......هكلمهم النهارده ان شاء الله و اشوف تكلفه الشحن كام و لو لقيتها معقوله هتكل علي الله و اجيبه و علي فكره كاتبين ع موقعهم انه بيتغير كل 120 ألف كيلو يعني ألسطا.........!!
تامويل دا مش لاقيله حاجة على النت !
فالفولين هو الأفضل طبعا بس السعر بصراحة عالي جدا وانا عن نفسي مش هحطه
ميبقاش قدامي شيل ب 20 جنيه واحط فالفولين الليتر ب 75 جنيه وخلي بالك هتجيب 3 ليتر يعني 225 جنيه !
دا تكلفة عالية جدا انا عن نفسي مش هعملها انا هشوف توتال ال 75/90 دا لو لقيته هجيبه ملقتهوش هجيب شيل 80/90
لما اجيب عبوة ب 20 جنيه يبقا التكلفة ب 60 جنيه دا كويس اوي يعني بصراحة !
فالفولين افضل بس اسأل فالفولين هيتغير بعد كام كم ؟!
زي الفتيس المفروض يتغير كل 40000 كم لو فالفولين هيتغير بعد 150000 كم يبقا هنا المعادلة كويسة :d
هو فعلا غالي بس كاتبين ع موقعهم انه بيتغير كل 120 ألف كيلو و بصراحه انا بحب اكرم الموتور و الفتيس و ادلعهم لأن اهم حاجه عندي السحححححححب........المشكله اني لسه عاوز اغير فلتر هوا و بنزين و بوجيهات و كنت ناوي ع الايريديوم !!!!!!!!!!!!كده غالبا هصرف نظر عن الفالفولين
يا عزيزي هو شيل 80/90 يبقا انت بتهي الفتيس؟!
انت كدة بتكرمه برده والله
ولو حطتله تعاون 80/90 دا برده بتكرمه ما دام ان المواصفات المطلوبة هي اللي انت بتحطها
بتهينه لما تسيب زيت الفتيس تغيره على 60000 زي ما عمل واحد صاحبي لما الفتيس كان بيتعذب منه
دي كدة اهانه اه
انما دا اسمه اكرام انك تعمل الصيانات في مواعيدها وتغير الحاجة وهي شغالة
لأ اطلاقا بس المشكله اني مش لاقيه ف اسيوط و هضطر اشوف حد يبعتهولي من القاهره......حوار يعني
ازاي مش لاقيه في اسيوط
طب بلاش شيل التعاون وموبيل اخبارهم ايه؟!
وطنية مثلا ؟! واللا مفيش هناك ؟! او هاته من المنيا مثلا قريبة منكم واعتقد فيها برده بس اتأكد الاول