صباح الفل عليكم يا ملاك 620
عاملين ايه في البرد ده :)
ربنا يديم المحبة والخير والمعروف
عرض للطباعة
صباح الفل عليكم يا ملاك 620
عاملين ايه في البرد ده :)
ربنا يديم المحبة والخير والمعروف
والله يا فندم العربيات ديه قرف
ربنا يرزقك بعربية بنت حلال ومش تكون متهانه ومش ملعوب فيها كتير يارب
المهم
الفتيس زي ما قولت حضرتك هو ياباني زي الماتور تكنولوجيا يابانيه
وعاوز المحافظة والاهتمام بيه
والالتزام بالصيانة الدورية يا فندم
علشان السيارة تبقي معاك زي الفل وناعمه وكويسة
انا الي اعرفه قولته وانصحك بقراءه الموضوع ده
هتجد ان كل المشاكل تتلخص في حاجات بسيطة
زي العفشه مثلا ناس تقولك ناشفه
ما هي ناشفه علشان رياضية
علشان الجري علي الطرق
والعربية ثباتها فوق الممتاز
بسم الله ما ماشاء الله
شكرا يا باشا ومتابع الموضوع باهتمام
انا تحت امرك وربنا يكرمك
وممكن تتصفح المواقع الالكترونية الخاصة
وتدور علي عربية في سعر مناسب لحضرتك
السلام عليكم ورحمة الله وبركاته
انا ان شاء الله هاشتري عدد 2 فردة كاوتش للعربية ان شاء الله
محتار اجيب نوع ايه
انا نفسي اجيب برديج ستون
سالت عن الفرده لاقيتها ب 850 الفرده
في فرع بريدج ستون محي الدين ابو العز
وكمان انا هاضبط بقه حاجات في العشفه ان شاء الله
هاشتري عدد مقص امامي
لاقيت الواحد بمبلغ 275 جنيه
وهاشتري عدد 2 تيش علبة ديركسيون
مش عارف لسه بكام
وهاركب عند الاتحادية
وبكده يبقي اعتقد ان العربية خلصت كل حاجة محتاجاها
والف شكر ليكم
محتاج النصحية في سعر الكاوتش ولو فيه نوع تاني كويس
وكمان محتاج النصيحة في مشتريات العربية والاسعار
وياريت سعر طقم تيش علبة الدريكسيون ده
وهل موجود لوحده
ولا لازم اغير علبة الديركسيون كاملة واتمني مش تكون كده لعده اسباب
اولا سعرها الغالي
700 جنيه
وثانيا انتم عارفين المتحدة
في الدائري وحته صعبة يعني هاضطر امشي من غير ضبط الزوايا
وهتكون مشكلة
انا جيبت نمرة واحد ببيع قطع الغيار بتاعت الاسبرنزا
620
ولسه مكلمه حالا
السعر للمقص الأمامي بيعمل
300 المقص الواحد
بالجلب وكل حاجته
سعر تيش علبة الدريكسيون
حوالي
130 للاتنين
طقم يمين وشمال
التركيب عند المتحده مش عارف لسه هيكون كام بس اعتقد مش هيعدي 150 جنيه
انا هاجيب الحاجات ديه علي يوم الاحد او الاثنين بالكتير
وربنا يكرم الجميع
السلام عليكم انا كلمت بريدج ستون
وغطاطي
لاقيت عند برديج ستون الفرده ب 850 يعني فردتين ب 1700
اكتر من ثمن 4 فرد في الفيرنا :)
هههههههههه
والبريلي روماني ب890
ولاقيت كمان هانوك كوري ب 618.
اعتقد ان الهانكوك كويسين
ومش عارف اجيب كومو تاني ولا ايه
منتظر حد يقولي اعمل ايه
بارك الله فيكم
شكل يا جدعان الفيز ديه هتخرب بيتي
انا مش عارف اجيب ايه
برديح ستون ديه غاليه اوى
1700 فردتين
الهانكوك يعني معقولين
هانكوك ......... ممتازه عن تجربه فى عربيتي القديمه
بيريلي.......... قويه جدا ومعمره عن تجربه
اهم حاجه تجيبها تكون علي سرعه عاليه يعني مثلا w91 او y91 لان كل ماتزيد درجة السرعه حتزيد متانة الفرده وتعيش فتره طويله ..... مش لازم تكون بتجري يعني
فى امان الله
لو حد عايز كاوتش بريلى اجبله
بالنسبه لزيت الماتور بيكون ليه رقم الموبيل 1 ليه رقم والxhp ليه رقم تانى المفروض نمشى على اى حاجه فيهم
بالنسبة للزيت
الرقم اللي بتلاقيه علي الزيوت ده ....... درجة اللزوجه .... وفيه كمان حروف بتتكتب من ورا ودي بتدل علي مستوي الخدمه , ودي اللي بترفع سعر الزيت
ودرجة اللزوجه دي هام جدااااااااا علشان تحطه للعربيه او تبعد عنه
بالنسبة لمواتيرنا .......... ماينفعلهاش موبيل1
دمت فى امن الله
صديقي المواطن
كلمتين أحب أسجلهم في الموضوع ده
أسجل أسفي وتقصيري وشديد إعتذاري إني مقصر في هذا الموضوع دون مواضيع المنتدى ﻷني أعتبر عمدة الصيني في مصر ومن ملاك الصيني والمشجعين عليه قبل حتى دخول الصيني مصر من أيام الشيري قبل إسبرانزا حتى وال 620 قولا واحدا أشرف ما أنتجت إسبرانزا وأنا ثالث عربية من مجموعة عربياتي المتواضعة هي إسبرانزا 620 من أصل 11 عربية ونص في مجموعتي وبشهادة مدير الجناح الصيني في أوتوماك اﻷهرام قبل سنتين أو ثلاثة قال لي بالحرف إنت أكتر واحد بره الصين وجوه الصين بيحب العربية دي ومعدل فيها تعديلات عظيمة وهو فعلا يمكن كانت تاني عربية من عربياتي إبتديت أعدل فيها في مصر وفضلت أعدل فيها بتاع سنة وقبل متخلص خلصت مرحلتين وكانت حتعوز مرحلة تالتة رحت رافع العربية وشايل الكاوتش والجنوط وغطيتها بغطا جلد تفصيل ضد الماء والنار ومربطها بحبال وبأمانة هي الكراسي لسه النايلون عليهم وإن شاء الله قريبا أطلعها وأجيبلها طقم جنوط ضخم وأخلصها ونعمل مقابلة لقسم إسبرانزا ونوري باقي اﻷقسام ونتحداهم لو حد في اﻷقسام كلها قولا واحدا يعرف يجيبلي عربية أحلى منها
ونسأل الله الثبات
ومرة أخرى أسجل أسفي وتقصيري وقلة مشاركاتي في هذا الموضوع اللي المفروض يعتبر بيت وأنا بابه شفت الغرور يا جدع متكبر من يومي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صباح الفل يا شباب
عاملين ايه يارب تكونوا بخير
تعرفت بميكانيكي روعه ممتاز
اقل مايقال عنه انه فاهم بجد كل شي
كنت بعمل صيانة عربية مراتي
وهي معاها اكسبلوجن زوتي
1300
كانت محتاجة صيانة
40.000
كاتنية وسيور وطقم سرفيس كامل
لاقيت حاجتها عند قاصد كريم
واتعرفت بيهم هناك وناس محترمة اوى اوى اوى
اصحاب محل قطع الغيار
يعني انا لاقيت كل شي عندهم
برينليس - اسبرانزا بانواعها- اى عربيه صينيه عندهم حاجتها
واسعارهم ممتازه بجد
والمكيانيكي الصراحة ممتاز وفاهم
انا غيرت عنده كاتنية وسيور وتيل فرامي امامي وبوجيهات وفلاتر هواء وبنزين وبطاحتنين مساعدين اماميين وغسلي الماكينة ( عربية المدام علشان ابقي واضح) اخد 300 جنيه
وشغل فاهم ومحترم
ممكن يكون غالي شوية بس محترم
المهم
انا هاعمل خريطة لمكانه
وابقي اقولكم عليه
المتحدة لا غبار عليه الصراحة
وناس محترمين اوى
انا نازل
النهارده اغير اخر حاجتين عاوز اعملهم
المقصات الامامية
سعر المقصين 550
سعر جلب المقصات ( تسمي جلب فراشة) ب 160
سعر بارات علبة الدريكسيون 140
اجمالي الحاجات هتكون ب 850
وربنا هيكرم
قاصد كريم عنده فرعين
شارع فيصل اول وانت جاي من الجيزة او الجامعة
هتلاقيه علي اليمين وانت نازل بعد الكوبري بحوالي 200 متر
وناس محترمة الصراحة
وعندهم السداد كاش او بالفيزا
معلش سؤال فني عاوز افهمه
عمال اسمع كلام عن مسطرة يتم استخدامها لتركيب سير الكاتنية وان بدونها يصبح الشغل غير صحيح وممكن يعمل مشاكل
طيب
انا قرات الكلام ده عن الاسبرانزا 516
تمام
ياتري ايه صحة الكلام ده
اتمني الرد العاجل
يااااااااه ............ اخيرا تنازلت وشرفتنا فى موضوعنا المتواضع
اهلا بيك
بس ياريت تقولنا ايه التعديلات المفيده اللي عملتها فى ال620 ......يعني ممكن نجربها احنا كمان
بس ليه رفعتها ووقفت عملها ...... فيه مشكله ؟
ياريت نرتب موعد نتقابل كلنا اعضاء اسبيرانزا وبالاخص 620
بس ياريت ترد علينا وبلاش تقل :7_6_5v[1]:
فى امان الله
صديقي المواطن
قولا واحدا صدام المواطن بوابة للتواضع وكلكم أعلى مني وتاج رأسي وأنا خادم لكم وأنا أكاد أجزم أن لي مشاركات في هذا الموضوع في أوائله والعلم عند الله
تم رفع العربية وقتها وإلى يومنا هذا لإنتهاء الرخصة وسحبت مني في مطار القاهرة وكنت يومها أمتلك 4 عربيات فقط وكنت بعد الثورة قد أقفلت شركتي وجمدت النشاط وسرحت كل عمالي وموظفيني وصرت بطولي والسيارة زيرو سوداء وعندي عربية أخرى زيرو أفخم منها سوداء أيضا وكانت الظروف ليست على ما يرام ماديا وكانت البلد بتضيع ففكرت مع نفسي أنا لو العربية إتخبطت مش حعرف أصلحها ماديا وكمان قلت ما دمت عامل ليها غطا جلد أمريكي ضد الماء والحريق رحت مغطيها بمكان أمين وعليه حراسة 24 ساعة وربطتها بحبال ورفعتها مع عربيتين تانيين جنب بعض وبعدها الدنيا شغلتني وخدتني وفضلت أشتري ليها وﻹخواتها كماليات وقطع غيار وإفتكاسات ورسومات وأفكار ثورية وأشتري شنط وأرص الحاجة فيها وبعديها فضلت أشتري عربيات لغاية ما قبل أسبوع قمت بشراء سيارتي رقم 11 ودلوأتي في مجموعتي الشخصية بقه معايه 11 عربية ونص عربية وجاري إن أحيانا الله إكمال النصف عربية دي وشراء عربية أخرى خلال ال 40 يوم القادمة إن أذن الله طبعا ومابين غرقي في اﻷقساط واﻷفكار والتصاميم الجديدة وكثرة سياراتي خصوصا أن 8 منهم موزعة في ورش الجمهورية ليتم تجديدها وتعديلها وتمييزها لتصبح لا مثيل لها فصار لا وقت عندي لها ولا ﻹختيها المرفوعتين ولكن مش ناسيهم وبكدس كمالياتهم وهي مرفوعة ولا زال النايلون عالكراسي وطبعا بما إن عندي عربيتين سوداء وأنا قولا واحدا لا أطيق ولا أستحمل يصبح عندي عربيتين من نفس اللون فتم إختراع خلطة سحرية لوضع ذرات من الذهب داخل اﻷسود لتطعيمه والعربية السوداء اﻷخرى سيتم تحويلها إلى خلطة سحرية خاصة لتكون قطعة من الذهب وطبعا أنا مغير لون جنوطها ﻷسود ولكن لحبي لهذه السيارة تم رفع جنوطها ال 16 ليتم تركيبها في عربيتي رقم 4 وهي أصلها مقاس 13 واﻹسبرانزا حجيبلها جنط نيكل كروم 18 وفلنشات عريضة ﻷن جنطها شيك ووقور بس صغير عليها
وأنا مش فاكر كل التعديلات
ولكن حكتب اللي فاكره
عزل الصوت والحرارة
باركنج سنسور
تعديل فوانيس
شبكة أمامية مضيئة بإسمي باﻹنجليزي
طقمين باكيتات نيكل
قطرة خلفبة جيب نيكل
راكات كبوت
راكات سقف
شنطة سقف علوية ضخمة وعليها راكات
عدد 2 أرايل خلفية كهربائبة
جي بي إس تراكر
جي بي إس خريطة
عتبتين نواكل جيب
تعلية السيارة بالكامل
6 طقم كلكسات معدل مربوطة مع العالي
فيشة شواحن مشترك مزروعة فبريكة بعيدا عن الولاعة
طقم زراير مخفي ﻹيقاف وتشغيل الكناليات
بدالات بتنور ليزر
ديسكو لايت أسفل العربية بديع
حليات نواكل مساحات مزدوجة
حلية بوابة تنك فخمة
تعديل إشارات مرايات
إضافة مسندين ظهر كراسي أمامية مرسبدس
سبويلر ضخم جدا مصنع ومنحوت خصيصا لي يجعل شكل السيارة كجرندايزر وبه إنارة وأشعة ليزر وهو.مصدر فخري وبصراحة مدوخة الناس
جهاز إنذار بيدور عن بعد
حلية لمياه المساحات
كاميرا خلفية.ليلية
شاشة سوني طبلوه
جهاز قياس إتزان
وضع خلطة الزيوت الخاصة بالمكنة
وفيه حاجات كتير مش فاكرها
ودي مرحلة أولى وجاري اﻹعداد للمرحلة القادمة من التعديلات أخلص بس عربيتين تلاته وأخش عليها بس هي الناس لما بتشوفها بيفكروها طيارة حتحلق أو دبابة صغيرة
دعواتكم ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
مع الشكر للاستاذ صدام للرد ... ولكن العتب النيكل منيين وايه اللى ينفع لها وكيفيه عزل الحراره ... ده ان امكن ... ومره اخرى شكرا لاهتمامك بالرد .
انا لدى سيارة a620 موديل 2010 احطلها زيت شيل الترا 4لتر ولا 4 ونص وكمان سؤال زيت الفتيس بيصفا من طبة وبتاخد كام لتر زيت فتيس وشكرا
متشكرجدا يا استاذ akmn بس لو سمخت بيتغير ازاى لة طبة وبينزل منها زيت الفتيس ولا بيتشفط من فوق وايهما افضل واحط خمسة لتر ولا 4 وتمانية من عشرة بالضبط وهوة لة مكان ينزل الفايظ لان مشكلتى هى اما اجيب دراع الاوتوماتك على ال p يقراها على الشاشة r والعربية ما درش الا لما اجيبة على n وشكرا
بالنسبه لزيت الفتيس من التوكيل غياره على 30000 كم وبالفعل غيروه في التوكيل وحاليا كنت غيرت كوبلن خارجى وبالطبع نزل كميه من زيت الفتيس حوالى 1 لتر وكملته من الفتحه العلويه بنفس المقدار بزيت جديد زى ماوضحت سابقا مواصفاته واللى هى ايضا من التوكيل .... بالنسبه له طبه من اسفل بس معرفش فين بالضبط وهو ممكن يتغير بالشفط من اعلى لو فيه المعده لذلك وان كنت دايما افضل التغيير للزيت سواء الموتور او الفتيس من الطبه علشان كل الشوائب تنزل بالمره ... المقدار اللى بقول لحضرتك عليه هو كامل الزيت في الفتيس والكارتيره بتاعته وهو 4,8 لتر ولكن لو تم انزال فقط 4 لتر فيتم التزويد بقدر اللى نزل ... وعموما قريبا هغير زيت الفتيس وهحاول انقل كيفيه الغيار والكميه والنوعيه من الزيت .... تحياتى .
عندى مشكلتين
اول مشكله ان فى زيت كده عند الفتيس من فوق جنب الطبه بتاعه الفتيس مش عارف ده ايه سببه
تانى مشكله ان بسمع صوت طقه وانا بلف الطاره والعربيه واقفه وسعات مع الفرامل وسعات وانا ماشى
صباح الفل عليكم
يوم الخميس
والاسبوع ده كان صعب اوي فوق ما تتخيلوا
سافرت الي العين السخنه لتغييير الجو
وقبلها زي ما كنت قايل قبل كده
غيرت شوية حاجات
المقصات الأمامية ب 275 الواحد وفيه الجلب بتاعته
تمام
وغيرت عدد 2 كاوتش امامي
ولاني فيزا البنك الأهلي
عملوا ليا خصم 10 %
وضبطت الزوايا ورصصت وعملت الكاوتش كله نتيروجين
والحمد لله توكلت علي الله
وفولت العربية قول ما اسافر
53 لتر
ب 98 جنيه
وتوكلت علي الله
واكيد انتم عارفين طريق السخنة مغري للجري
وكنت عاوز اكتشف العربية واشوفها عاملة ازاى في الثبات والسفر
حضراتكم
انا رايح
بدات ب 140 ثم 180 ثم 200
الثبات زي الفل بس الله ما شاء الله
حاجة محترمة
غير الفيرنا تمام في الثبات
وكنت ماشي ستيب ترونيك الصراحة
ومشغل التكيييف
لكن 200 جيبتها لما طفيت المكيف
وانا راجع حماتي كانت معايا :)
كان اخري 140 الصراحه 150 مش بعرف اجري وغير ان الطريق كان فيه شبه عاصفه والهواء المضاد رهيييييييييييب
ولكن الحمد لله
العربية ثباتها كويس
عملت في المشوار ده من البيت للبيت
360 كيلو متر
رايح جاي
مؤشر البنزين حاليا نص التنك
الكاوتش البريديج ستون خلي العربية انعم واحسن بكتير
الحمد لله
كفانا الله شر العين والحسد
عاوز بقه اغير زيت الفتيس
بس ادام شوية
لاني اتكلفت كتير في العربية
1500 كاوتش
140 خدمات وترصيص وضبط زوايا
700 مصقصات امامية وتركيبها
الحمد لله
ربنا يبارك لك فيها .................... زيت الفتيس 4,8 لتر موبيل 320 atf اللتر بمبلغ 55 جنيه ......
يعني تقريبا 275 قريب اوي من زيت الماتور
وزيت ماتور
خرابي
600
جنيه
ههههههههههههه
ههههههههههههه
مش المقصات ب 270 جنيه حضرتك دفعت 700 ليه اكيد مش كل ده مصنعيه
علشان غيرت مقص يمين وشمال وبالاضافة للمصعنية
انا كنت ممكن اروح مركز المتحده والتركيب كان هيكون ب 80 جنيه فقط
ولكن حضرتك انا فضلت اروح لمكيانكي اعرفه علشان المتحده علي الدائري وانا عارف ان فك المقص هيعمل البارات وهيخليكي تحتاج ضبط زوايا وخفت امشي علي الدائري كده
الحمد لله
الدنيا بقيت تمام دلوقتي
ورحت انا مركز ضبط الزوايا برديج ستون في شارع مراد
شغل عالي اوى اوى اوى وفاهمين
والعربية موجوده علي الجهاز هناكم باسمها
akmm
انا بشكر بحضرتك علي تعاونك معانا ربنا يكرمك وانا بهزر والله يا باشا
انا هاغيره لما اجي اغير الزيت ان شاء الله
وانا لسه كنت كاشف عليه الحمد لله زي الفل
بالنسبة لغيار الزيت حضرتك
انا بقه عاوز اسال سؤال
فيه فلتر زيت للفتيس
زي فلتر الماتور ولا الطبه تنفك بمن تحت او بالشفط من فوق
وما هي الطريقة المثلي علشان اقيس زيت الفتيس
بص يا باشا
مركز بريدج ستون فيه كذا فرع
الاول فرع شارع مراد
فيه كنيسه هناك مشهورة هتلاقي عندها امن وكلام من ده بعدها ب 50 متر المركز
والكلام ده وانت جاي من كوبري الجيزة ( سواء جاي من فيصل او شارع الهرم)
المركز التاني تعاملت معه كذا مره
فرع شارع محي الدين ابو العز
وانت جاي من شارع التحرير هتلاقيه علي يمينك
قبل شارع نادي الصيد
والصراحه المركز ده اكبر واحسن بكتير
وفيه خدمات غسيل للعربيه وتلميع ب 100 جنيه فقط
بس غسيل علي ابوه يعني
وانا تحت امرك
هية a620 بيتحطلها زيت فتيس ليكومولى ATF 1100 ولا ATF 1200
صباح الفل والجمال
انا موجود هنا للساعة 4 عصرا للرد علي استفسارات سيادتكم
ولكم جزيل الشكر والتقدير ،،،،،،
حضرتك انا والله بفضل زيت موبيل للفتيس لانه معتمد من التوكيل ويفضل عدم تغييير نوعية الزيت لان التوكيل بيحط افضل نوع متوافق مع الفتيس نفسه
atf 320
اعتقد انه ده افضل زيت للفتيس
لوكي مولي ده
فيه ناس كتيره اشتكت من زيت الماتور نفسه
واعتقد انك لو عملت سيرش هتتاكد من عيوب الزيت
والكلام ده
طيب ليه نخاطر بالزيت وكده
ربنا معانا
تحت امرك وشرف ليا ارد علي سيادتكم في اى وقت
زيت الفتيس هو زيت لزج يقوم بمهمة تزيت الأجزاء الداخلية المتحركة للفتيس. يؤدى زيت الفتيس وظيفة أخرى غير التزيت وهى التبريد حيث يشكل الزيت وسط ناقل للحرارة الناتجة عن الأحتكاك.
وتستخدم أنواع مختلفة من الزيوت فى تغير زيت الفتيس. الفتيس الأتوماتك يستخدم زيت مخصوص للأوتوماتك بينما الفتيس المانيول فيستخدم عددة أنواع من الزيوت مثل زيت المحرك العادى. دليل المستخدم يحدد لك الزيت المناسب للفتيس
متى يجب تغير زيت الفتيس؟
الفتيس المانيول : ينصح معظم المصنعون للسيارات بتغير زيت الفتيس كل 30 الف إلى 60 الف كيلوا. وتحت ظروف التشغيل القاسية يتم تغير الزيت كل 15 الف كيلوا.
الفتيس الأتوماتيك: تغير الزيت يتم فى بعض السيارات كل 30 الف كيلوا والبعض الأخر لا يغيره نهائيا ولكن معظم الأوتوماتك يتم تغير الزيت له كل 60 الف كيلوا أو 100 الف كيلوا. تغير الزيت كل فترة أقل من هذا لا يضر الفتيس فى شئ.
لماذا يجب تغير زيت الفتيس؟
الفتيس المانيول: نغير زيت الفتيس ليس لان الزيت يتحلل ويفقد خواصة ولكن بسبب الرواسب التى تتكون فى الزيت نتيجة الأحتكاك الداخلى لاجزاء الفتيس والذى ينتج عنه زرات من الحديد التى تطفوا فى الزيت اثناء التزيت. كثرة زرات الحديد والرواسب تعوق الزيت عن القيام بعمليه التزيت المطلوبة. لهذا إذا لم يتم تصفيه هذه الرواسب المعدنية فإن هذا سوف يقصر عمر الفتيس المانيول.
الفتيس الأوتوماتك: نغير زيت الفتيس فى الفتيس الأتوماتك لان الحرارة الشديدة والتى تفوق الحرارة فى الفتيس المانيول تؤدى إلى تحلل الزيت وتكسره ويفقده خواص اللزوجة اللازمة لعملية التزيت. درجة الحرارة العادية فى الفتيس أثناء القيادة العادية تصل إلى 77 درجة. زيت الفتيس الأتوماتك يتحمل درجة الحرارة حتى 77 درجة وقد لا تحتاج إلى تغيره نهائيا طالما بقى درجة الحاراة فى نفس هذا المعدل، ولكن أرتفاع درجة الحرارة يؤدى إلى أحتراق الزيت وتأكسدة. وكقاعدة عامة أرتفاع الحرارة 10 درجات فقط كفيل بأن بقصر عمر الفتيس إلى النصف. كذلك يتم التغير لانه الزيت يتكون فيه رواسب معدنية مثل الفتيس المانيول وهذه الرواسب تعوق الزيت عن عملية التزيت الفعالة. وبالتالى هذا يؤدى لتأكل الأجزاء الداخلية للفتيس حتى يقف عن العمل.
ماذا سوف يحدث لو أهملت تغير زيت الفتيس؟
لو لم يتم تغير زيت الفتيس فى موعده كما يوصى مصنع السيارة فإن عمر الفتيس يقصر وتجد نفسك تدفع الألف لتغير الفتيس فى سيارتك لان الإصلاح غالبا لا يؤدى نتائج جيدة فى كل الأحوال وخاصة لو كان الضرر كبير للاجزاء الداخلية للفتيس. إذا تغير الزيت فى موعدة هو أستثمار جيد.
كيف أعتنى بالفتيس بين فترات تغير الزيت ؟
يجب أن تفحص منسوب الزيت فى الفتيس كل فترة لانه من الخطأ ان تسير بسيارتك ومستوى الزيت فى الفتيس أقل من المطلوب. عندما يكون مستوى الزيت منخفض قد تجد صعوبة فى تحريك الفتيس أو حتى لا تستطيع النقل بالتفتيس نهائيا. كذلك يؤدى أنخفاض منسوب الزيت داخل الفتيس إلى التأكل السريع للاجزاء الداخلية للفتيس. للأسف قد لا تسمع صوت يدل على أنخفاض منسوب الزيت. ولهذا إذا حدثت مشكلة فى الفتيس فأعرف أن هذه المشكلة لم تحدث فجأه ولكنها نتيجة شهور من منسوب منخفض من زيت الفتيس وتأكل للاجزاء الداخلية وأرتفاع درجات الحرارة بداخل الفتيس...
ملحوظات هامة:
1-لاحظ أن زيت الفتيس لا يتبخر مثل زيت المحرك. لهذا إذا وجدت أن منسوب زيت الفتيس أقل من المطلوب فأعرف ان لديك تسرب ويجب أن تعرف سبب هذا التسرب وتعالجة. زيت الفتيس لا يتم تزويدة ولكن يتم تغيره.
2- عندما تغير الزيت فى الحقيقة أنت لا تغير زيت الفتيس كاملا لان ثلث الزيت يبقى عالقا على أجزاء الفتيس الداخلية من الخطأ أستخدام زيت غير النوع المستخدم فى الفتيس. فأختلاف نوع الزيت لا يؤدى للتجانس بين بواقى الزيت القديم والزيت الجديد فيحدث أنفصال بينهم ولا يقوم الزيت الجديد بالتزيت الكامل للتروس الفتيس. وقد يكون هذا سبب خوف الكثير عند تغير الزيت فأستخدام الزيت الخاطئ يؤدى أن أن يتحطم الفتيس بعد تغير الزيت بعدد من الأمتار. لهذا كن حريصا فى معرفة النوع الموصى به من قبل المصنع. وإذا كنت لا تعرف فتصفيه الزيت من الرواسب وإعادته من جديد إلى الفتيس يكون أفضل حل.
3- لا تزيد نسبة الزيت عن الحد المسموح به لان زيادة الزيت فى الفتيس يؤدى إلى حدوث رغاوى فى الفتيس وبالتالى تجد أن عملية النقل أصبحت صعبة وعلى المدى البعيد يحدث ضرر لاجزاء الداخلية.
4- يتم قياس مستوى الزيت بعد أن يسخن الزيت قليلا لهذا يتم قياس الزيت بعد تدور الحرك لفترة والسير بالسيارة وتحريك الفتيس فى عدده أوضاع. ولكن أثناء القياس يكون المحرك فى وضع الإيقاف.
5- عادة ما يتم تغير فلتر زيت الفتيس عند تغير زيت الفتيس..
هذا المقال قد قمت بترجمته بنفسى من عددة مصادر حصريا لمصر موتورز ( إذا كان مفيدأ اضغط على كلمة شكرا فى الأسفل)
الموضوع منقول من منتدي اخر للافادة والاهمية ولم اقم بعمل سوي كوبي وبست للتعريف باهمية تغيير زيت الفتيس