باختصار -لقلة المشاركه- يوجد قاعدتين علويتين وقاعدتين سفليتان , القواعد السفليه مربوطه في شاسيه التصفيح الامامي , فيجب فك هذا العمود لفك القاواعد السفليه
عرض للطباعة
تغيير زيت الفتيس
يفضل اذا كنت انتظرت فتره طويله لم تغير زيت الفتيس (اكثر من 40,000 كم) او عدا عليك كيلو متر كتير فوق ال 100,000كم
الطريقه :
1- وضع "فلش" لتنضيف الزيت القديم ويوضع علي الزيت القديم قبل تنزيله ثم تدر المحدرك حوالى 15دقيقه ثم تحرك الفتيس الى d بعدها الى r ,والتحرك (او رفع المقدمه لحركة الفتيس)
2- بعد الانتظار وقت كافي لتبريد الفتيس , يتم تنزيل زيت الفتيس القديم
3- يوضع زيت الفتيس الجديد ويتم التحرك بالسياره علي جميع الغيارات وايضا علي وضع r (او يتم رفع مقدمة السياره وتتم الحركه وهي واقفه)
4- يتم تنزيل الزيت الجديد كله
5- بعد الانتظار لتبريد الفتيس , يتم وضع زيت جديد للمره الثانيه وتكون هي المره الاخيره
بالنسبه لفك كارتيرة الزيت :-
انا فكتها للنظافه الكامله للزيت فوجئت بالاتي:
كارتيرة ال 620 موضوعه فى مقدمة الفتيس بشكل مستقيم (شكل غريب) ولذلك لا يتعلق اي زيوت بها , لذلك فكها غير ملزم الا اذا كان هناك عطل ما
معلش انا عارف ان الموضوع مكلف انك تجيب زيت جديد وتنزله كأنه محروق وترميه وهو ماعملش حتي 1 كم .... بس نضافة الفتيس من جوه اهم واكثر كلفه , علشان يعدي في جميع الاجزاء ويخش جوه البطيخه ويختلط بالشوائب وينزلها
تحياتي
تم تغيير حساس الحراره للمراوح , لانه يوجد يوجد حساس اخر للحراره خاص بمؤشر الحراره فقط
انا غيرت حساس المراوح فقط لان المرارح كانت بتتأخر في فتح المراوح
ومكانه يوجد فى الجزء الايمن الاوسط للموتور :tumb:
السلام عليكم ورحمة الله
تم بحمد الله تغيير 2 كاوتش امامي من نوع "فولدا" نفس المقاس 205/55 r16 وكانت التكلفه بالترصيص وتغيير البلف هى 800ج للفرده الواحده
جدير بالذكر ان الكاوتشات انتاج الاسبوع 16 من عام 2016
الحمد لله الفرق واضح في نعومة العفشه الاماميه وايضا في مسك الفرامل
حبيت اشارك معاكم تجربتي
فى امان الله
خالص التحيه لرجاله المنتدى ................ سبق وقلت انى هعرض بعض قطع الغيار اللى كنت مشتريها ومخزنها للعربيه بتاعتى اسبيرانزا 620 وهى كلها جديده بالكراتين بتاعتها واغلبها كان من التوكيل بطريق 32 مصر اسكندريه والحقيقه انا بعت العربيه والقطع دى موجوده عندى وجديده زى فلاتر هواء وزيت وبنزين وتيل فرامل امامى وخلفى وقربه مياه وبوجيهات ngk وكوبلن خارجى وداخلى وكاوتشات كوبلن داخلى وخارجى وطقمين كاوتش صباب اللى بيمنع الزيت مت الوصول الى البوجيهات وعند اغلبنا بينشف الكاوتش ومش بيلاقى الاصلى منه لمبات شبوره ولمبات اماميه ودى الاصلى بتاع العربيه لانى شلتهم وكنت مركب زينون وعدد اربعه كاوتش داير حلق أبواب العربيه الاصلى بيج في اسود وفيوزات خاصه بعلبه الفيوز الاساسيه اللى في الكبوت وعدد 2 كاوتشه خرطوم رادياتير علوى وعدد 1 كاوتشه خرطوم رادياتير سفليه وعلامه شعار اسبيرانزا الخلفيه للشنطه وعدد 2 غطاء قربه مياه وفانوس خلفى كامل به بعض الشروخ وعلبه بيئه مستعمله ومافيهاش الفحم الداخلى وليس بها اى ثقوب وعدد 4 طاسه جديده الخاصه بعجل الاسبيرانزا 620 ............. ده اللى انا فاكره حاليا والبيع بأسعار اقل من الشراء قبل ارتفاع الأسعار أساسا ... اللى حابب يشترى شيء ممكن يطلب او برساله خاصه او على رقم 01270001562 ............ تحياتى للجميع .
للرفع والتذكره ........... وعيد سعيد عليكم جميعا .
اسمحولى انقلكم تجربتي مع اسبيرانزا a620
الحمد لله تم تجربة السيارة في السفر الى "مرسي علم" والعوده بكل سلام والحمد لله
معدل السرعه في الذهاب ..... ١٢٠-١٤٠كم بالتكيف
معدل السرعه في العودة ...... ١٤٠-١٦٠كم بدون تكيف
في العوده كنت بشد مع عربيات تانيه والحمد لله كنت سابقهم كلهم ماعدا bmw و مرسيدس وفولفو
وفي بعض الاحيان كنت بحرق شويه وبوصل الى ١٨٠-٢٠٠كم
في طريق الذهاب عملت ٦٧٣كم الى الفندق و كنت مفول حوالى ٦٠ او ٦٢لتر وبعد الوصول لقيت لسه فاضل في التانك الربع لان المؤشر كان عند الشرطه البيضه الاخيره
اما في العوده ففولت ٥٢ لتر والطريق عمل ٦٥٢ كم الى المنزل وكان المؤشر عند الشرطه الحمرا التانيه فطبعا كان الاستهلاك اعلى لاني كنت بحرق كتير كما ذكرت
وطبعا قبل السفر كان فيه عمل صيانه مسبقه
اتمني اكون افدتكم ببعض تجاربي
اسمحولى انقلكم تجربتي مع اسبيرانزا a620
الحمد لله تم تجربة السيارة في السفر الى "مرسي علم" والعوده بكل سلام والحمد لله
معدل السرعه في الذهاب ..... ١٢٠-١٤٠كم بالتكيف
معدل السرعه في العودة ...... ١٤٠-١٦٠كم بدون تكيف
في العوده كنت بشد مع عربيات تانيه والحمد لله كنت سابقهم كلهم ماعدا bmw و مرسيدس وفولفو
وفي بعض الاحيان كنت بحرق شويه وبوصل الى ١٨٠-٢٠٠كم
في طريق الذهاب عملت ٦٧٣كم الى الفندق و كنت مفول حوالى ٦٠ او ٦٢لتر وبعد الوصول لقيت لسه فاضل في التانك الربع لان المؤشر كان عند الشرطه البيضه الاخيره
اما في العوده ففولت ٥٢ لتر والطريق عمل ٦٥٢ كم الى المنزل وكان المؤشر عند الشرطه الحمرا التانيه فطبعا كان الاستهلاك اعلى لاني كنت بحرق كتير كما ذكرت
وطبعا قبل السفر كان فيه عمل صيانه مسبقه
اتمني اكون افدتكم ببعض تجاربي
مشكور على نقل التجربة
و ياريت حضرتك توضح حالة العربية ... يعنى اوتوماتيك و لا مانيوال ... عاملة كام كم و هكذا
معايا عربيه اسبرانزا a620 ٢٠٠٧ وشاريها مستعمله بقالي فتره في الاول كان فيها لمبه الزيت بتنور وتطفي حجات بسيطه وعادي جيت روحت لميكانيكي يشوفها غير سيور العربيه كلها بما فيهم الكتينه والبوجيهات وقالي في عمودين تحت مبوشين وعاوزين يتعملوا في مخرطه المهم قولتلوا طيب هي كدا تمام يعني قالي عادي تقدر تمشي بيها عادي فمشيت من عندوا المشكله زادت واللمبه بدات تنور وتطفي بغباء والعربيه تبطل مني ساعات
فقولت لا مش هسيبها كدا ودتها لواحد وقولتلوا يعملي ليها عمره كامله ماهو عشان اريح دماغي عملي العامره وغيرلي قلب طرمبه الزيت وقلي ضغطها ضعيف وخرط الجلبتين الي مبوشين تحت تمام طلعت بالعربيه وجربها معايا العربيه تمام اخدت العربيه ومشيت قعدت في حدود ٣ساعات بتمشي عشان الينها ونورت اللمبه تاني وتنور وتطفي تنور وتطفي انا زهقت مش عارف السبب من اي ساعدوني الي عندو حل
ممكن المشكله في ساعه الزيت نفسها عاوزه تتغير
تحياتى للجميع ................ قطع الغيار الجديده اللى سبق وعرضتها مازالت موجوده للى يحب يستفاد من سعرها اللى كنت شاريها به قبل ارتفاع الأسعار ...........تليفون رقم 01270001562 خالص التحيه
سلام عليكم اصدقائى في المنتدي
احب ابلغكم اني بعت العربيه علي خير والحمد لله
ليس لاي عيب فيها .... ابدا , كانت تمام وعفشتها كويسه جدا واقل استهلاك للبنزين
البيع بسبب احتياج فلوسها لامور اخري
في امان الله