كل شئ عن 620

**AMRSPEED** · 29-11-2011 09:44 PM

والله شويه حراميه

**AMRSPEED** · 18-12-2011 01:08 PM

ضرورى لكل اللى معاه 620
عايزكو تتأكدو لما بتدوسو فرامل مفاجئه بتحسو ان فى هوا بيمنع الدوسه
ضرورى جدا ياجماعه نجربو وتقولولى او حتى والعربيه واقفه واكبس فرامل جامد
تحس باللى قولته وبتسمع كمان صوت هوا ياريت تقولولى ضرورى

**AMRSPEED** · 12-01-2012 06:40 PM

انتو فين ياجماعه

**mohahm1978** · 13-01-2012 12:25 AM

المشاركة الأصلية كتبت بواسطة amrspeed

انتو فين ياجماعه

بص القصة دي بتحصل معايا علي السرعات و بحس مشوار الفرامل بيستجيب بعيد

**AMRSPEED** · 13-01-2012 10:13 PM

تمام هو ده اللى بحسه برضه ورحت التوكيل قالولى كل ال 620 كده
مش عارف بقى ايه ده

**ALshahba** · 16-01-2012 06:42 PM

من حوالي 3 اسابيع تقريبا لقيت موضوع الحراره بيزيد فى العربية والحراره بترتفع مره وتنخفض تاني
وبعد ما فتحت الكابوت لقيت بعض اثار الميه تحت اربة الميه ..... قلت بس يبقي الحلوه عملتها
المهم فضلت ماشي بيها حوالي اسبوعين كده وعمال احطلها ميه من الفلتر علشان تقريبا كل مشوار بتفضي الميه اللي فى الاربة
وبعدين من اسبوع تقريبا رحت للتوكيل لانه جنب شغلي (وكنت ناسي :) ) رحتلهم وحكتلهم المشكله وقلتلهم "الحقوني العربيه حتولع مني اعمل ايه"
المهم دخلو العربية فحص وقالولي ان اربة الميه اتخرمت , وركبولي واحدة جديده علي الضمان وعبولي الاربه مياه خضراء كامله
التكلفه الاجمالية = صفر جنيه

والحمد لله ماشية زي الفل

**ALshahba** · 16-01-2012 06:47 PM

برضو من اسبوع لقيت البطاريه خسعت معايا وماباقتش بتقوم العربيه ... لكن بتقومها الصبح بس بالعافيه وبتفضل تعتل لحد ما تقوم والحمد لله بتقوم

(خاص لعمرو سبيد)
المهم رحت من يومين بالظبط اجيب بطاريه , وطبعا بعد لف ودوران علشان الاقي بطاريه نفس الحجم والسعه 75 امبير ..... مالقيتش , لقيت كله 62 او 65 او 70 امبير
ولكن الحمد لله ربنا هداني لواحد اسمه المتحده لقيت عنده بطاريه ACDeleco وكانت 74 امبير والعرض بتاعها اكبر سنتي واحد , المهم توكلت علي الله واشترتها وركبت وشغاله زي الفل

التكلفه: 530 جنيه + القديمة

ياريت يا جماعه تشاركونا لاني مش لاقي اي حد بيشارك خاااالص

**ALshahba** · 16-01-2012 06:49 PM

المشاركة الأصلية كتبت بواسطة amrspeed

ضرورى لكل اللى معاه 620
عايزكو تتأكدو لما بتدوسو فرامل مفاجئه بتحسو ان فى هوا بيمنع الدوسه
ضرورى جدا ياجماعه نجربو وتقولولى او حتى والعربيه واقفه واكبس فرامل جامد
تحس باللى قولته وبتسمع كمان صوت هوا ياريت تقولولى ضرورى

ايوه بحس بيها وبسمع صوت زي صوت الهوا كده ...... بس مافيهاش مشكلة خالص وبتمسك عادي جدا حتي ولو كنت سريع

**AMRSPEED** · 16-01-2012 09:05 PM

أ - احمد عامل ايه فينك واحشنى والله
بالنسبه للبطاريه انا كمان غيرتها من اسبوع وجبت نوع تركى بس بيقولو حلو اسمه - هوجال
وسعرها 525 من غير القديمه و 74 امبير
سؤالى بالنسبه للتوكيل اللى بتروحو
هو مكانه فين ولو فى حاجه عايزه تتغير بيغيرها فى وقتها ولا بيحددلك يوم
ولازم تحجز ولا ايه
عشان عندى فتحه السقف بتجيب هوا على سرعات والمساعدين الخلفى بعد التغيير مش حلويين

**ALshahba** · 19-01-2012 05:44 PM

المشاركة الأصلية كتبت بواسطة AMRSPEED

أ - احمد عامل ايه فينك واحشنى والله
بالنسبه للبطاريه انا كمان غيرتها من اسبوع وجبت نوع تركى بس بيقولو حلو اسمه - هوجال
وسعرها 525 من غير القديمه و 74 امبير
سؤالى بالنسبه للتوكيل اللى بتروحو
هو مكانه فين ولو فى حاجه عايزه تتغير بيغيرها فى وقتها ولا بيحددلك يوم
ولازم تحجز ولا ايه
عشان عندى فتحه السقف بتجيب هوا على سرعات والمساعدين الخلفى بعد التغيير مش حلويين

الحمد لله كله تمام .... معلش مش بخش كتير هنا لاني مش بلاقي اي مشاركات غير مني ومنك وبس يمكن الايام دي فى بعض الاخوع شاركو ولكن بالقليل

مبروك علي البطاريه .... انا كنت حشتريها برضه التركي قبل اللي معايا وكانت كويسه بس لقيتها 70 امبير بس .... ولكن لقيت بطاريه كوري كويسه جدا وبيشكروا فيها بس بصراحه انا كنت مجرب قبل كده ال ACDelco وكانت جميله جدا فقلت اجيبها تاني

التوكيل اللي بروحه هو ابورواش ومكانه فى قبل بوابات طريق اسكندريه (بعد الرمايه-هرم) يمين بعد القرية الذكية, وبيغير الحاجه فى وقتها بس تجيله بدري وبياخد فى التغيير حوالي مش اقل من 2-3 ساعات علبال مابتخش فى دورك ولازم تحجز قبلها ماعدا الاعطال المفاجئه تخش بدون حجز
بالنسبة للمساعدين لو ان كنت مغيرهم علي الضمان تروح لنفس المكان وتقدم شكوتك ليهم او تاخد الورق بتاع التغيير وتروح لابو رواش وتشرح المشكله ويبصو عليها ... محترمين جدا

ان شاء الله انا عايز اجيب مساعدين مونرو بس قدام شويه ... لان اللي فيها كويسين

الموضوع: كل شئ عن 620

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة