كل شئ عن 620

**AMRSPEED** · 28-02-2012 04:35 PM

ياريت تفيدنا بتفاصيل اكتر عن المساعدين

**ALshahba** · 04-03-2012 01:26 AM

السلام عليكم ورحمة الله وبركاته

رحت عملت صيانة 35000 الاعتيادية وماكنش عندي مشاكل غير فى ضبط مستوي النور الامامي وتم ضبطه
المهم ان وانا فى التوكيل قاليلي ان قطمة الدركسيون وصلت النهارده بس للاسف الوقت اتأخر علشات يركبوهالي وححدو معايا يوم تاني كان بعدها باسبوع ..... انا ما سدأتش لاني منتظرها من زياده عن 5 شهور ... الحمد لله انها جت اصلا
المهم رحت بعدها باسبوع وغيرت قطمة الدركسيون بسلام ولقيت الوضع اصبح افضل فى العفشه الاماميه مع المطبات ولكن بعد الصيانه لقيت ان حركه الدركسيون وفتح الكونتاكت تعتبر تقيله نسبيا .... فرجعتلهم تاني وقالولي ايوه دي خطأ من الفني انه ربط زياده وقالولي تعالي فى اي وقت نعملهالك ... ومهندس الاستقبال مضالي عليها

المهم كنت عايز اقولكو ان بعد صيانة ال 35 قالولي انك عايز تغير المساعد الخلفي شمال ..... قلتلهم تاني!!!! انا لسه مغيره من كام شهر .... قالولي ضرب زيت ومحتاج يتغير علي حساب التوكيل ... بس لما يجي حنتصل ونحدد معاك معاد

**AMRSPEED** · 06-03-2012 12:26 AM

والله شكلهم كويسين عايز اجربهم
كنت عايز اسألك بالنسبه للصيانات بتعملها كل 3 شهور بالظبط ولا ماشى ازاى فى الصيانات

**AMRSPEED** · 12-03-2012 05:44 PM

اخيرا الحمدلله ركبت وحده رفع
وحلوه اوى الوحده اللى جبتها
نظامها حلو اوى
لما بترفع الزجاج
مش بترفعه كله مره واحده بترفع واحد واحد بالترتيب اللى انا عايزه
بس انا عملت الترتيب
اول باب باب السواق وتانى باب اللى جنبى والتالت اللى ورا اللى جنبى والأخير اللى ورا كرسى السائق
وطبعا ميزه النظام ده ان اللى بترفع الأربعه مع بعض بيبقى حمل كبير على الجهاز وتلاقى الأزاز بيترفع بطىء لكن دى ما شاء الله حلوه اوى

**ALshahba** · 13-03-2012 01:59 PM

المشاركة الأصلية كتبت بواسطة amrspeed

والله شكلهم كويسين عايز اجربهم
كنت عايز اسألك بالنسبه للصيانات بتعملها كل 3 شهور بالظبط ولا ماشى ازاى فى الصيانات

- قصدك مين اللي كويسين ؟؟
- بالنسبة للصيانة بعملها كل 5000كم , مش بتابع اوي موضوع الوقت , المهم انه يكون ورقك معاك او كتيب الضمان معاك
انا مستني اطلع من الضمان بعد الوقت المسموح واغير المساعدين لنوع "مونرو "

**ALshahba** · 13-03-2012 02:02 PM

المشاركة الأصلية كتبت بواسطة amrspeed

اخيرا الحمدلله ركبت وحده رفع
وحلوه اوى الوحده اللى جبتها
نظامها حلو اوى
لما بترفع الزجاج
مش بترفعه كله مره واحده بترفع واحد واحد بالترتيب اللى انا عايزه
بس انا عملت الترتيب
اول باب باب السواق وتانى باب اللى جنبى والتالت اللى ورا اللى جنبى والأخير اللى ورا كرسى السائق
وطبعا ميزه النظام ده ان اللى بترفع الأربعه مع بعض بيبقى حمل كبير على الجهاز وتلاقى الأزاز بيترفع بطىء لكن دى ما شاء الله حلوه اوى

الف مبروك علي وحدات الرفع

**AMRSPEED** · 13-03-2012 05:35 PM

الله يبارك فيك عقبالك بجد لازم تركبها حلوه جدا
بالنسبه للتوكيل انا كنت عايز ارحلهم عشان اعمل صيانه عندهم قبل ما الضمان يخلص عشان عندنا فى المنصوره مش زيهم برضه وكمان عندى القطمه والمساعدين عايزين يتغيرو وفتحه السقف بيتجيب وكرسى السواق بينهز فعايز اروحلهم يظبتولى الحجات دى ياريت تجبلى رقمهم وتقولى عنوانهم فين بالظبط ولو انا قاعد فى مدينه نصر هيبقى بعيد عنى ولا ايه

**ALshahba** · 16-03-2012 06:30 AM

01228834255 دي نمرة الصيانته علشان تعمل حجز قبل ماتروح
وعنوانهم : طريق ابو رواش عند دخلة القرية الذكيه طريق اسكندرية الصحراوي قبل البوابات الاولي (ناحية الهرم) عند داندي مول
ومن مدينة نصر الطريق طبعا بعيد .... لكن عن طريق الدائري كله سهل

بالتوفيق