اسعار واماكن بيع قطع غيار بويك سكاى لارك_ضرورى جدا؟

**elpasha1** · 13-05-2011 03:07 AM

المشاركة الأصلية كتبت بواسطة misoalex

شكرا جدا ليك الف شكر

العفو يا باشا على اية

**i_Am_Legend** · 13-05-2011 03:47 AM

انا متشكر قوى يا باشا.....ان لغيت الفكرة لان كدة قطع غيارها غالية جدااااا

**malibu** · 23-05-2011 05:14 AM

المشاركة الأصلية كتبت بواسطة yousef1978

حد يا جماعة ينده على بتوع الأمريكي لحسن ما حدش فيهم معبرنا مش عارف ليه

حد بينادى

ضريبه اى عربيه من دول 1147 جنيه فى السنه
قطع الغيار موجوده جديد و استيراد و خلع

==الجديد==
- اميريكان ستارز ..ش شمبليون
- حسين شيفروليه .. ش شمبليون
- احمد حموده .. امام دار القضاء العالى (اسعاره كويسه )

==استيراد ==
- فوزى الخواجه . فيصل (بلاش منه )
- جمال ابو حجازى.. اخر خاتم المرسلين امام رسلان الهرم
وليه مخزن فى ظهر فندق سياج ,, لو عايز حاجه روح على المخزن على طول
- ابو حجازى(عائله واحده ) .. طنطا طريق اسكندريه زراعى امام شركه البترول

==خلع==
- الصعيدى ... فى الوكاله (خلع واستيراد )
- محسب ... فى الوكاله (خلع فقط )

==الميكانيكيه ==
- اشرف عبد النبى .. ش خيرت السيده زينب
- الهوارى .. ش المدبح امام مسجد على زين العابدين
- سيد عبد العزيز .. ش ارض يعقوب . المدبح
- ابراهيم عبد الفتاح .. دار السلام .. بعد كوبرى الملئ رابع حاره على اليمين (على ناصيتها جامع )

لو لسه هتشترى خليك فى سكاى لارك 80 وانت طالع (امامى على كبالن )
او لو عايز حاجه اكبر و تكييف بمعنى التجميد هات كابرس كلاسيك من 84 ل 89 (خلفى و هتدعيلى )
و لو عايز تسمع الصرخه بجد .. غيير الفتيس و هات مانيوال 3 غيار(المانيوال و الاوتو 3 غيار ..فيه اوتو 4 غيار بس قليل )
انا قلت الموديلين دول بس علشان دول قطع غيارهم الخارجيه موجوده بكثره
(الموتور والفتيس و العفشه ..كله بيركب على كله ) زى الفيرنا و الالنترا 2005 كده نفس الموتور

حد عايز حاجه تانى قبل ما امشى

**Amrrr** · 23-05-2011 11:55 AM

المشاركة الأصلية كتبت بواسطة i_am_legend

انا متشكر قوى يا باشا.....ان لغيت الفكرة لان كدة قطع غيارها غالية جدااااا

صح الصح
انا لسة شايف موضوعك النهاردة وباقرأ التعليقات قبل ماأقول لك اي حاجة وانا بادعي ربنا تكون لسة ماشترتشي :)))
بص ياباشا العربية دي انا كنت راكبها من 10 سنين تقريبا
مميزاتها : زي ما في زملاء قالولك هي تتقارن بالمرسيدس والفولفو من ناحية الثبات والأداء على الطريق وموتورها جبار طبعا - كانت اوتو 3 نقلات

بس هتتعبك اوي في اعطالها
قطع غيارها غالية جدا ونادرة جدا زي الميكانيكي اللي بيفهم فيها - وبالتالي هتلاقي الكلام دا غالي حتى المصنعية
لان الحوض بتاعها كمان زحمة اوي وعشان الميكانيكي يفك جزء بيفك معاه اجزاء كتير تانية مالهاش لزمة تتفك
وطبعا لما ييجي يركب لازم يطلع فيه تقفيل مش مظبوط

السخونية مالهاش حل تماما - انا جربت معاها كل حاجة : رادياتير اوسع وعيون اكتر ومروحتين بدل مروحتها ( ملقيتشي بتاعتها ) وشغالين عالترموستات وليهم مفتاح عشان لو الجو حر اتعامل انا وبعد دا كله برضة كانت بتسخن :((

ومش بينفع معاها توفيق قطع غيار مش بتاعتها - مثلا ملي الكبالن ماكانشي بيقعد شهر

الخلاصة قرارك