الموضوع: موضوع لشكر العمالقة

السلام عليكم يا شباب طبعا الكل مستغرب من اسم الموضوع الموضوع كالتاتي
1-توجيه شكر للعمالقة
2-احترام الكبير(اكبر منك بيوم يعرف عنك بسنة )
3 المنتدي خلاص نام و مش بس نام دا مات

انا يا شباب كان كل اللي يهمني المنظرة الحق يقال الكلام دا اول ما عرفت يعني ايه بيك ولا اعرف عنه اي حاجة غير ازاي اسوقة حتي اسمة مكنتش اعرفة الحمدلله ربنا رزقني و اشتريت واحد بقيت بسوق تمام قوي قوي و قعد معاية فترة كبيرة كنت كل اللي بعملة امشي في الشارع افصل و غرز و الكلام دا واروح الكلية اعمل منظر علي الناس عارفين انتو الجو دا بقي :D من سنة او اكتر زهقت من الميكانيكي لانة بيلسوع صح قولت اعمل فتك و اشوف علي النت و اصلح انا بقي دخلت لقيت منتدي كدا هو اخو اللي احنا فيه اسف يا ادارة :D طبعا عرفت هشام باشا هناك واحدة واحدة ابتديت اعرف اكتر لحد ما لقيت نفسي في المنتدي دا طبعا عرفت دياب باشا و ناس كتيرة جامدة كدا طبعا انا كنت مقديها في الشارع بقي و الاسفلت بيشتكي مني اول بقي لما شفت اللي بيحصل من هشام و دياب باشا بقيت اكني عيل صغير بيتفرج علي tom & jerry مركز قوي و مسبهل و اكني ولا اعرف حاجة عن البيكس خالص و طبعا كل ما اعرف اكتر كل ما ابقي ولا حاجة طبعا عرفت كتير و اتعلمت كتير منهم دا انا حتي مكنتش اعرف ان في كروزات بتحصل هنا و المرة الوحيدة اللي حصلت و كنا 3 بيك ماشين مع بعض ان لقيت اتنين بيشدو شديت معاهم :D
وانا من هذا المزنق اوجه كامل الشكر و التقدير لهشام و دياب لانهم دول السبب في معرفتي بالبيكات انها مش مجرد اركب و اجري لا دي فن و مش اي فن و هما ناس فوق راسي من فوق و طبعا اي كلمه منهم علي راسي و اخواني الكبار
ثانيا طبعا في ناس كتير هيزعلو ان اسمهم مجاش في الموضوع دا بس مش عشان انا ناسي ولا حاجة لا طبعا مش بنسي الجميل لحد تامر باشا و خالد alfath8 كل اللي في المنتدي هنا ناس محترمين جدا والله ولهم كل الشكر و التقدير
ثالثا بقي المنتدي نام يا شباب عاوزين نصحية بقي
رابعا بلاش خناقات و الخروج عن الموضوع انا مرة لقيت واحد بيسال عن حاجة و اتنين عملين يسلمو علي بعض و يهزرو في الموضوع بتاعو طاب لية ندي الناس فكرة عننا وحشة
خامسا محدش بيحس بالتعب غير لما يتعب لو واحد عمل موضوع و محدش رد علية هيزعل قوي لانة تعب و في الاخر الناس تقراه و مفيش حتي كلمة شكر يعني اللي كاتب الموضوع دا غلطان انه بيفيدك ؟؟؟؟ احترمة عشان يحترمك و يفيدك اكتر سواء كان كبير او صغير يا ريت نغير من نفسنا مش عشان احنا وحشين لا عشان نبقي احسن و انا اسف للاطاله بس انا عاوز المنتدي دا يبقي حاجة كبيرة لان العمالقة اللي فيه حرام منستفدش منهم ونقدرهم
كامل تحياتي و احترامي لكل الاعضاء

انا لية نقد يمكن ميعجبش ناس كتير بس فعلا
ما يحدث فى المنتدى مزعل ناس كتير
يعنى خنقات وصراعات على وجهات نظر وللاسف انت بتحترم وجهات النظر بالكامل
وبنرد بحياد بس مع الاسف ردك مبيكونش حاسم
وللاسف الجدال ما بين اعمار سنية مختلفة سواء صغير او كبير
بتخلق نوع من الشدة فى الكلام والواحد علقتة بركوب الدرجات النارية علاقة متعة ورياضة لطيفة
بتفقد حس المتعة عندما تجد صراعات وكلام كتير يخرج عن سياق الموضوع
وطبعا الامثلة كتير ودة سبب رئيسى لابتعاد بعض الناس عن المشركة
وطبعا الشق التانى ما يحدث الان فى مصر طبعا فاق توقعات اكثر المتشائمين
تقبل فائق احترامى وتقدير