الموضوع: الفميه

المشاركة الأصلية كتبت بواسطة power

انا بس عايز اوضح نقطه حجب الرؤيه دي بعض الاعضاء بيقول انا مش مفيم الزجاج الامامي
الفكره من حجب الرؤيه مش رؤيتك . انت المفروض ان اللي ماشي في العربيه اللي وراك يقدر يشوف من خلال الزجاج الخلفي لعربيه حضرتك علشا لو مثلا شاف ان حد بيعدي من قدامك بسرعه يتوقع انك حتدوس فرامل جامد فيخلي باله بدل ما يلبس فيك وهكذا ....
هذا والله اعلم:-)

ياراااااااااااااااااااااا ااااجل. يعني خلااااااااااااااااااااااا اص اللي ماشي وراك الطريق قفل خااااااااااااااالص وماشي وراك علي خط مستقيم ومش عارف يبص لقدام غير من خلال زجاجك الخلفي. معلش تفسير مستبعد شوية.

ببساطة كدة بديهي انه بيحجب الرؤية من خلال حاجتين:

1- المرايات الجانبية : الرؤية فيهم مبتبقاش واضحة . بدليل ناس بتفيم الزجاج فالابواب الامامية وتسيب مثلث او دايرة علشان يعرف يبص فالمراية.

2-المراية اللي في نص: الرؤية فيها مبتبقاش واضحة بسبب فميه الزجاج الخلفي. والشباب الله ينور يعني ممكن يعمل الجنب light بس الدهر بالذاااااااااااات لازم يبقي سوبر دارك. متفهمش ايه الحكمة بس هو كدة وخلاص.

-وطبعا بالليل الرؤية تكااااااااااااد تكون منعدمة ويادووووووووووبك تقدر تميز ان في حاجة وراك بالعافية.

-واكيد طبعا فميه الزجاج الامامي ده مفيش فيه نقاش حتي لو light ده بيبقي عالزجاج حاجة بسيطة بتركن وتمسح وتلمع وتنشف بورق جرايد. تقوم عامل فميه وكمان دارك.

بصراحة احلي زجاج شوفته في حياتي بتاع العربيات البيجو القديمة 505 او 504 كان بيبقي درجة بنية كدة او عسلي منها يشتت ضوء الشمس ومنها شيك اوي.

موقف كدة يعرفك ان بتوع المرور دول حافظين مش فاهمين:

--في عربيت والدي كنت عامله شمسية كدة فميه عالازاز القدماني فوق عشان الشمس بس.

--يقوم الباشا يقول لاء ده ممنوع بيحجب رؤية. ياعم ازاي يعني هو الواحد بيسيب الازاز كله وبيبص من فوق ده بس عشان الشمس.

--لا برده القانون بيقول كدة.

--ماهو نفس عرض الشماسة اللي جوا او نفس عرض اللي بينزل فالازاز.

--لا برده
--شكلك كدة حافظ وهتتعبنا معاك. خلاص شيل يابابا وهفيفهالك بكرة كلها هههههههههههههههه

--بسبب الحوار ده بابا اعد قافش ومش راضي يعملها تاني عشان محدش يوقفه تاني مع ان الشمس بتدايقه.

بس ركبتها من وراه و فاجئته بيها هههههههههههههه