شكر خاص للاخ الزميل: aboomar22

**MEDO84EG** · 14-03-2011 10:08 AM

السلام عليكم و رحمه الله و بركاته
بصراحه انا حابب اقدم الشكر الواجب عليا للاخ العضو
aboomar22
لانه ما شاء الله انسان متعاون جدا
من ساعه ما اشتريت عربيتي و هو بيساعدني بكل شيء و مش بيبخل عيلا بمعلومه
و بيعاملني كأني اخ بجد
و خايف علي مصلحتي و علي عربيتي كأنها بتاعته
بجد عجز الكلام عن شكره و ادبه و اخلاقه و تواضعه
فحبيت اشكره هنا
لاني كان ليا شرف التعرف بيه هنا
الف شكر ليك استاذ ابو عمر
و مش هقولك غير شيء واحد
ان سيدنا محمد قال
كان الله في عون العبد ما دام العبد في عون اخيه

**MEDO84EG** · 15-03-2011 10:47 AM

و يستمر العطاء
و هذا الرجل اللي هو رجل بمعني الكلمه يجي معايا لليوم التاني علي التوالي عند الميكانيكي
و ما شاء الله
و الله بيشد علي الميكانيكي و بيحرص معاه اكتر من حرصي نفسي علي عربيتي
صحيح باين ان العربيه متبهدله و فيها شغل بالهبل
لكن معرفتي بانسان زي ابو عمر مكسب كبير جدا اكبر بكتير من الجهد اللي بيبذل في اصلاح هذه السياره
ربنا يبارك فيك يا ابو عمر و يحفظك من كل سوء

**aboomar22** · 16-03-2011 01:53 PM

يا اخى اخجلتنى انا معملتش حاجة والله انت اللى انسان محترم جدا وياريت فعلا اقدر اعمل حاجة وبعدين الشكر لمنتدى نايل موتورز اللى عرف الناس ببعضها

**MEDO84EG** · 16-03-2011 04:26 PM

لا و الله يا ابو عمر
دا حضرتك و الله اللي فرحتني جدا
و الله انا فرحت جدا بمعرفه حضرتك و الله العظيم
و ان شاء الله معرفه لا تنقطع
العربيات بتروح و تيجي لكن معرفه الناس كنوز
و بجد يا ابو عمر بارك الله فيك

**mbx4e** · 18-03-2011 03:13 AM

كاربراتير ويبر 34 تي ال سي اللي محتاجه والسعر حسب التفاق مش هانختلف وعلى التجربة ودي نمرتي
0145749045 بالمناسبه فيه شفاط اتوماتيك فاكيوم بوابته اللي فوق الكبيره مش الصغيره زي السولكس

**mbx4e** · 18-03-2011 03:16 AM

ساعدني في بيعه يا ابو عمر هو ينفع ل 305 ؟؟؟؟؟؟؟؟؟؟
بالمناسبه قطره حوالي 12 او 10 سم من فوق هو 305 ليها عمة قي المقاس دا ؟؟؟؟؟؟؟؟

**MEDO84EG** · 20-03-2011 09:55 AM

و يستمر العطاء الي شيء يفوق الوصف
تخيلوا يا جماعه امبارح الميكانيكي بيخلص في العمره و بيكرب الموتور علشان يدور
بصراحه انا فضلت مستني لاني نفسي اشوفها بتدور بعد اسبوع كامل من الاصلاحات
المهم فضلت مع الميكانيكي و العجيب اني اول ما جيت سألت علي ابو عمر قالولي انه جه قبلي مرتين في نفس اليوم!!!
و صعب عليا تعبه
قلت اكلمه اشكره
فخفت و انا بكلمه يعرف اني في الورشه لحسن يجي تاني و اتعبه معايا اكتر
المهم بعد العشاء كده لقيته جه من نفسه
و فضل يوجه الميكانيكي و يعلق علي دي و يقوله عدل دي و اعمل دي
اكتر من تعليقاتي انا نفسي

ما شاء الله
و الاغرب انه فضل معايا مسابنيش الا لما دارت
و فضل معايا لحد الساعه 11:30 مساءا
بجد اخجلني جدا
انسان ما شاء الله عليه
شيء فوق الوصف

**aboomar22** · 20-03-2011 05:00 PM

وبعدين بقى ياراجل الناس لبعضيها

**MEDO84EG** · 21-03-2011 11:55 AM

و الله يا استاذ ابو عمر حضرتك بجد متتصورش انا سعيد بمعرفه حضرتك قد ايه
و كمان و الله انا فرحت جدا ان العربيه كانت سبب لتعرفي بحضرتك
و علي الرغم من اني سعيد ان العربيه قربت تخلص لكن بجد حزين
لاني كنت بشوف حضرتك يوميا
و بجد و الله انا سعيد بمعرفه حضرتك لاشياء كتير
1- الجدعنه الزايده و الملفته للنظر
2-حرص حضرتك علي مصلحتي و من غير حضرتك حتي متعرفني
3-التفاني الشديد و ان حضرتك دايما توجه الميكانيكي و بتطلب منه انه يهتم جدا حتي اكتر من تشديدي عليه
4-المعامله الاخويه و اللي تماما لوجه الله
و الله مش عارف اقول ايه
يا جماعه الاستاذ ابو عمر ده كنز بجد
الله يبارك في حضرتك و في اولاد حضرتك يا رب العالمين