عربيتى كانت هتولع

**zeze_noor** · 14-03-2011 04:00 PM

السلام عليكم
أنا لسه جديدة فى السواقة وأبيض فى الميكانيكا معرفش فيها حاجة وأنا رايحة الشغل النهارده العربية سخنت والموتور دخن خدت يمين ووقفت ومش عارفة المشكلة أيه أستنيت شوية لما بردت وقست الزيت لاقيته ناقص شويه زودته ووصلت الشغل وأنا راجعة عند نفس المكان لاقتها سخت ركنت وكشفت على مية الرداتير لاقيتها ناشفة زودت ميه لكن لاقيت الخرطوم اللى بين الرداتير والموتور مقطوع وبيطرطش ميه الخرطوم ده اسمه أيه علشان أغيره ويترى ده هيكون سبب مشكلة فى العربية ولا لأ وشكرا لكم
بليز الرد بسرعه

**Ahmed_Ramadan** · 14-03-2011 04:29 PM

المشاركة الأصلية كتبت بواسطة zeze_noor

السلام عليكم
أنا لسه جديدة فى السواقة وأبيض فى الميكانيكا معرفش فيها حاجة وأنا رايحة الشغل النهارده العربية سخنت والموتور دخن خدت يمين ووقفت ومش عارفة المشكلة أيه أستنيت شوية لما بردت وقست الزيت لاقيته ناقص شويه زودته ووصلت الشغل وأنا راجعة عند نفس المكان لاقتها سخت ركنت وكشفت على مية الرداتير لاقيتها ناشفة زودت ميه لكن لاقيت الخرطوم اللى بين الرداتير والموتور مقطوع وبيطرطش ميه الخرطوم ده اسمه أيه علشان أغيره ويترى ده هيكون سبب مشكلة فى العربية ولا لأ وشكرا لكم
بليز الرد بسرعه

بصى هو الموضوع بسيط ان شاء الله روحى لأى حد بتاع قطع غيار هيونداى و قوليله على الموديل و هيجبهوليك

أهم حاجة ان الموتور ميكونش حصله حاجة من السخونة ...بس كنت عاوز أسئلك لون المياه بعد أما خلصتى مشاويرك كان عادى و لا متغير ؟؟

**amrelsaqqa** · 14-03-2011 04:44 PM

لما قيستى الزيت لقيتي لونه عادى ولا عامل طحينة ؟
ان شاء الله بسيطة
والموضوع مش هيعدى صيانة دورة التبريد فقط
اهم حاجة الموتور ما يكونش مشى كتير على الوضع ده

ويا جماعة كله يخلى باله من مؤشر الحرارة

المفروض والله المؤشر ده ما يبقاش مؤشر بس يبقى معاه صوت انذار لما الحرارة توصل لدرجة معينة

**zeze_noor** · 14-03-2011 05:00 PM

المشاركة الأصلية كتبت بواسطة amrelsaqqa

لما قيستى الزيت لقيتي لونه عادى ولا عامل طحينة ؟
ان شاء الله بسيطة
والموضوع مش هيعدى صيانة دورة التبريد فقط
اهم حاجة الموتور ما يكونش مشى كتير على الوضع ده

ويا جماعة كله يخلى باله من مؤشر الحرارة

المفروض والله المؤشر ده ما يبقاش مؤشر بس يبقى معاه صوت انذار لما الحرارة توصل لدرجة معينة

لونه عادى أنا لما سخنت ركنت على طول

**mrghost** · 14-03-2011 06:48 PM

ده اسمه كوعه مياه بس روحى لاى بتاع ردياتير او ميكانيكى لانه بيبقى ليه شكل ومقاس معين وده مش مكلف (ب 20 جنيه) وادى اللى هيركبه 5 او 10 جنيه بالكتير وربنا يوفقك

**meda2711** · 14-03-2011 07:37 PM

حصلتلى يوم الجمعة اللى فات نفس المنظر مع العلم ان مؤشر الحرارة معليش معايا

طبعا طلع دخان كثيف جدا من الكبوت وده بخار الماية اللى بتطرطش على الماتور وهو سخن والخرطوم اللى اتقطع عندى اللى هو بين قربة الماية والريداتير وانا لحمته بشريط لحام لحد ما اوصل البيت وبعدين حطيت ماية وركنتها وغيرت بعدين الخرطوم ده وبس والعربية تمام مفهاش حاجة الحمد لله يعنى ان شاء بسيطة برضوا معاكى ان شاء الله

**zeze_noor** · 14-03-2011 07:49 PM

المشاركة الأصلية كتبت بواسطة mrghost

ده اسمه كوعه مياه بس روحى لاى بتاع ردياتير او ميكانيكى لانه بيبقى ليه شكل ومقاس معين وده مش مكلف (ب 20 جنيه) وادى اللى هيركبه 5 او 10 جنيه بالكتير وربنا يوفقك

أفتكر أنه مقاس ثابت حسب نوع العربية ولا ده مش مظبوط

**ابو حسين** · 14-03-2011 08:07 PM

المشاركة الأصلية كتبت بواسطة zeze_noor

أفتكر أنه مقاس ثابت حسب نوع العربية

**amrelsaqqa** · 14-03-2011 08:42 PM

المشاركة الأصلية كتبت بواسطة zeze_noor

لونه عادى أنا لما سخنت ركنت على طول

طيب تمام الحمد لله كدة الموتور ان شاء الله سليم ووش السلندر ما اتاثرش وده اهم حاجة في الموضوع
اي حاجة تانية امرها سهل ان شاء الله
وبالنسبة للخرطوم ده هتلاقيه عند بتوع محلات قطع الغيار عادى وخصوصا ان عربيتك هيونداى يعنى الموضوع سهل
ومش هيعدى 20 جنيه
وطبعا بعد كدة لازم تروحى لواحد بيفهم يشيك على دورة التبريد كلها من الاول للاخر
وبرضه لو مؤشر الحرارة عندك مش شغال لازم يتصلح لأنه لا غنى عنه في المواقف اللى زي دى
وربنا يكفينا جميعا شر الطريق