شراء عربية 128

**aboomar2010** · 09-04-2008 10:46 AM

السلام عليكم ارجو منكم افادتى فى هذا الموضوع
امامى عربية 128 موديل 73 وصاحبها بيقول انها معدلة 90 وطالب فيها 16000 جنية
الحقيقة انا مبعرفش فى الربيات بس العاربية حالتها الخارجيه كويسة قوى
ارجو منكم سرعة الرد وهل السعر كويس ولا لا وجزاكم الله كل خير

**aboomar2010** · 09-04-2008 12:47 PM

ياريت حد يرد عليه من فضلكم عشان انا محتار وكمان ياريت حد يعرفنى يعنى ايه عربية متعدلة وايه نوع التعديل الى بيحصل
من فضلكم ردوا عليه

**sab3aawy** · 09-04-2008 12:57 PM

متعدلة 90 يعنى مغيرلها سدر امامى وفوانيس امامى وخلفى وشبكة وكبوت واكصدامين وتابلوه وزجاج البابين الأمامين لكى تشبه موديل 90

وده طبعا معناه بالضرورة انها راششة دواخل

اكشف عليها كويس وشوف حوضها وشنطتها فيهم لحامات وللا لأ ونمرة الشاسيه موجودة بوضوح على الكاريترة اليمين وللا لأ ، لو على قد التعديل مش قضية بس المهم ميكونش التعديل ده عبارة عن احياء سيارة من مقبرة السياراة عبارة عن حتت صاج متلزقة فى بعض

خلى سمكرى خبير يشوفهالك

**aboomar2010** · 09-04-2008 02:06 PM

متشكر جدا يا استاذ سبعاوى وجزاك الله كل خير
بس كنت عايز اسالك السعر ده كويس فى حالة انها سليمة ولا كتير عليها والسعر المنسب ليها كام والموديل ده كويس ولا لا
وهل راشة دواخل دى حاجة خطيرة ولا لآ هو قالى انها راشه فى الشنطة
ياريت ترد عليه واكون شاكر ليك جدا

**aboomar2010** · 09-04-2008 02:53 PM

ياريت من فضلكم حد يرد عليه فى موضوع السعر ده

**SEATLOVER** · 09-04-2008 03:40 PM

السعر عالى ..مفروض سعرها لا يتجاوز 13 حتى لو متعدلة 2008
وبلاش اى عربيات 128 متعدلة لو ملاكش فى العربيات ..لآن زى ما قال سبعاوى باشا العربية بتبقى غالباً عاملة حوادث ورا و قدام و بيلاقى الحل فى البيع اللى يجذب زبون هو التعديل ل ال 90 لآنة بيتغير فية (ضهر الشنطة - و سدر العربية الامامى )
ومهما حاولت تظبط فى العربية ..بتفضل متربنة .

**aboomar2010** · 10-04-2008 09:18 AM

الف شكر ياجماعةعلى روح التعاون دى بارك الله فيكم
يعنى من رايكم ابعد عن العربية دى احسن طيب معلش سؤال اخير فى عربيه تانية 128 موديل 77 على 16000 جنية برضه صاحبها جبها جابها من 6 شهور وعاوز يبيع ويشترى جديد هى حالتها الخارجيه تعبانة شوية
من فضلكم ايه رايكم فى الموديل ده وفى السعر وايه هى اهم حاجة اكشف عليها عند شراء عربية مستعملة
والف شكر

**SEATLOVER** · 10-04-2008 11:23 AM

موديل 77 حلو فى ال128 و السعر مناسب ..بس لو الحالة كويسة (على الاقل الميكانيكا) و ما تصدقش ان صاحبها عايز يغير عشان يجيب جديد ..دى مقولة دايماً بتتقال و عفى عليها الزمن ... ممكن يكون طهقان منها و عايز يخلص منها

اكشف عليها كويس ولو عرفت تاخد ميكانيكى ثقة معاك خدة ..
وانا كنت كاتب موضوع فى ازاى تفحص العربية المستعملة ..ممكن يفيدك إن شاء الله
اللينك بتاعة اهو
http://www.nilemotors.net/Nile/showthread.php?t=20244

ربنا يوفقك