:S_thum1[1]:
وده كان سبب اني قللت قوي من الكتابة في المنتدي
مش مستاهلة وجع دماغ و تتكلم مع ناس ماتعرفش أعمارهم ايه و مستويات تعليمهم ايه (مع احترامي للجميع بس كلنا عارفين ان ممكن اي طفل عنده 10 سنين يبقي عضو في المنتدي او علي الفيسبوك)
الواحد يتكلم في الشغل يتكلم مع الاصدقاء او مع العيلة...يعني تبقي عارف انت بتكلم مين
لكن علي الفيسبوك و الانترنت...ممكن استاذ جامعة يقول رأيه و يرد عليه طفل في 3 اعدادي يقوله انت "أذناب نظام" او " لجنة الكترونية" و طبعا ممكن يكون قليل الادب و يشتم...طب ليه قلة القيمة دي؟
بالاضافة اني ملاحظ ان الانترنت بقي ليه دور سلبي في نشر الشائعات و الاخبار الكاذبة...بعكس الفترة الأولي من الثورة كان له دور ايجابي
:S_thum1[1]:
و يا سلام لما تقول رأي ما يعجبش حد و علي طول يتهمك انك من انصار الحزب الوطني و لجنة الكترونية و تلاقي كمية استظراف و خفة دم ماحصلتش...علي ايه كل ده...كل واحد حر في رأيه.
:S_thum1[1]:
--------------------------------------------
بالنسبة لصاحب الموضوع م حاتم
أنا موافق علي كلامك و انا مع الاستقرار في أقرب فرصة و مع التعديلات الدستورية
و انا ضد ان يتم فرض املاءات من فئة ما علي المجلس العسكري و علي باقي الشعبة بحجة (دي ثورة. انت ماتعرفش يعني ايه ثورة)
و في عضو كتب في مشاركته ان الشعب ضد التعديلات...يبقي حاجة من اتنين اما ان انا مش من الشعب او العضو ده بيكذب او فاهم غلط (مع احترامي له)
بس يا ريت ماحدش يتكلم بالنيابة عني من غير ما ياخد اذني
انا قلت رايي و رأي غالبية من أعرفهم من زملائي و عائلتي و أصدقائي
د وائل أحمد
32 سنة متزوج و أعول طفلين
طبيب و مدرس مساعد جامعة القاهرة