سبحان الله عليك يا اخى
انت ليه بتحور الكلام
اعتقد لو تعبت نفسك شويه وكملت القرائه هتلاقى ايه السبب فى معرفه السن
وبلاش سوء الظن ده
عرض للطباعة
و الله انا كمان مندهش انك اتفقت معايا بصراحة
بس اتمنى ان دي تكون بداية اتفاق متكرر او اختلاف يسوده الاحترام المتبادل , بعكس اللي حصل قبل كده
عموما , مسألة السن المفروض انها ما تفرقش حاجة خالص لأن المفروض ان الكل بيكلم بعضه باحترام بغض النظر عن السن , لكن عموما انا هاوافقك لأن ده مش الواقع للأسف....
المهم , مفترض ان نقطة السن للعلم فقط و عشان كل واحد يحدد اسلوب كلامه شكله ايه لأن اسلوب كلامي مع اللي اصغر مني ب10 سنين اكيد يختلف عنه مع اللي اكبر مني ب10 سنين
تحياتي
اهو الراجل وضح و يا رب دي تبقى بداية الاحترام المتبادل بدل وجع القلب اللي حاصل ده
انا ملاحظ ان نسبة المهندسين هنا زادت ما شاء الله
--------------------
بس أنا ملاحظ حاجة عامةً ياريت ماحدش ياخدها عليَّ إني بتهم حد بالإنتماء بكذا
نفس الناس تقريبا اللي كانوا معارضين على طول الخط ل استمرار المظاهرات وتنحي الرئيس دلوقتي وو دلوقي الإستفتاء
دايما اجاباتهم في نفس الجانب..سواء آه أو لأ
فـهل ده عشان مثلا كلهم في عمر واحد ولا تفكيرهم واحد ولا يعرفوا بعض بره المنتدى؟
وحاشا لله اكون بتهمهم بحاجة..بس عشان أفهم...
تحياتى للجميع
وللمهندس حاتم صاحب الموضوع ... واضح جدا نسبة المهندسين ما شاء الله
احنا نفتح فرع للنقابة فى نايل موتورز ... (-:
و واضح ميل فئة عمرية معينة للاتفاق على شىء معين
وانا عن اقتناع تام سوف "أصوت" "بنعم" فى اول انتخابات احضرها فى حياتى ان شاء الله
بس واضح جدا اننا عجزنا ... كان فيه مقولة لانيس منصور
"اذا كانت الاغانى اللى بتعجبك مابتعجبش ابنك اعرف انك عجزت" ههههههه
مع الفارق بكل تأكيد ....
وبالنسبة للسن لا اعتقد انها وسيلة للتصنيف بل للعلم لا اكثر ولا اقل
كما يحدث فى كل استطلاعات الرئ المحترمة
م/أحمد إسماعيل (مهندس برضه ههههههه )
استشارى نظم معلومات 41 سنة
متزوج واعول بنت ولد
الاخوة الافاضل
لقد تصفحت مواضيع قديمة هنا في المنتدي لبعض من الاخوة الرافضين للموضوع و كم اندهشت حينما و جدت للكثير منهم مداخلات في مواضيع كتبت هنا في المنتدي (( بتتريق علي الناس اللي ليها رأي مخالف مثلا في موضوع استمرار مبارك في الحكم حتي نهاية و لايته او من استمرار شفيق و استمرارة في الوزارة و ممن طالبو شفيق بأن يترشح للرئاسة ))
فأرجو من الاخوة الافاضل الا يطلبو المثالية طالما هي ليست منهج لهم و بالنسبة ايضا للاعضاء اللي استغربو ليه طلبت الافصاح عن السن و المهنة
و سأحكي لكم قصة لا اخجل منها
حينما كنت في سن ال 17 كنت مهووس بلعب كرة القدم و كنت العب في نادي الترسانة مع جيل شهير و اتذكر ان والدي رحمة الله عليه
خيرني ما بين استمراري في ممارسة كرة القدم و ما بين الطرد من البيت اه و الله قال لي كده و قال لي بأنه لن يقاطعني و لكن هيجي هوه و اخوتي يشجعوني و لكن طالما انا عاوز املي ارادتي عليهم فيجب ان اتحمل نتيجة اختياري
و لكم عانيت و كنت و قتها حاسس بأنه يمنعني من حقي و من حريتي و خاصمته داخليا فترة و كنت حزين جدا بعد تركي للفريق و عدت للمذاكرة و الثانوية العامة و الحمد لله دخلت الكلية التي كنت احلم بها بالمذاكرة طبعا و تخرجت و اثناء ممارستي لعملي بعد التخرج عملت حادث بالسيارة و تم تركيب مسمار نخاعي في رجلي و تذكرت و الدي رحمة الله عليه اثناء مناقشاته معي بأن لعبة الكرة او اي رياضة الهدف منها هو انها رياضة و ليس علم و ليست مهنة لكسب الرزق و علمت ان قضاء الله و قدرة محتم و للانسان ان يختار
و طبعا في سن ال 19 كانت الافكار و المدخلات و المخرجات ايضا متغيرة و حتي ال 22 سنة و بعدها التخرج ثم مرحلة دخول الجيش
و كم كانت هذه المرحلة ايضا مهمة جدا في حياتي و تم معها تغيير كبير جدا في اسلوب تفكيري و اختلاف في ادارتي للازمات التي تقابلني و طبعا لا نغفل ابدا مرحلة الارتباط و الزواج و تحمل مسئولية اسرة و كم كانت هذه المراحل المتعاقبة مع تقدم العمر كفيلة بأن تجعل اي انسان ( تختلف رؤيته و توجهاته و مستوي اهتماماته ) و كذلك حكمة علي الاحداث
و هذا ما اردت ان افهمة من مشاركتي بأن نفصح عن السن و المهنة
ليس لا سمح الله كما قال بعض الرافضين بأن احدنا بيتعالي او ان السن و المهنة هو المحدد لصحة و صواب التفكير فهذا لم يخطر علي بالي ابدا و انما اردت ان اعرف هل من يتحدثون معنا قد مرت عليهم ظروف من تحمل مسئولية و من هموم للحياة و صعاب كما مررنا بها و كم مرة اتخذ فيها القرار منفردا و تحمل مسؤلية قراره
من كل ما سبق طرحت فكرة ان ينوه كل عضو بعد مشاركتة بذكر السن و المهنة و الله علي ما اقول شهيد
و للجميع خالص التقدير
م.حاتم السباعي
بلاش السن
معلش بقى
بالمشاركات
كل واحد يشوف مشاركاته واكتر واحد يبقى ليه السمع والطاعة والاتاوة 5 لتر بنزين 92
اخوتى الاعزاء
طول عمرنا فى المنتدى بنحترم بعض
بنختلف اه
بنتجادل اه
بنتوقف ماشى
لكن لازم نحترم بعض
ما ينفعش نسأل انت سنك ايه وانت شغال ايه
اول مرة اشوف الموضوع ده فى المنتدى
انا بقول كدة
على الرغم من ان متوسط سنة كبير
والحمد لله شغال فى مكان كويس بوظيفة مرموقة
لكن زعلت جداً اما شوفت الحوار ده