قطع غيار مستعمل

**hishammb** · 15-03-2011 03:24 PM

لو سامحتوا يا شباب كنت عاوز اعرف ميين بيبع قطع غيار مستعمل
في الاسكندريه ل كورسا 2004
انا كنت عاوز اجيب السلك بتاع الهاند بريك
اللي هوا من الهاند لغايه العجل

**tananybasha** · 15-03-2011 03:41 PM

اعتقد عندكم حتة فى اسكندرية زى الحرفيين عندنا

**mera11** · 15-03-2011 09:33 PM

بص يانجم أنت هتروح عند باب عشرة شارع البحرية اللى فيه قسم الجمرك وأنت رايح على القسم من عند باب عشرة أول شارع يمين فيه واحد بتاع أوبل وأسعاره حلوه وكمان فيه فى الفراهده وفى الشوارع الجانبية من صلاح الدين أو تنزل صلاح الدين وأسأل على بتوع الأوبل الأستيراد

**hishammb** · 16-03-2011 12:10 PM

اللي عند باب عشره ده اسمه رضا تقريبا
عنده عربيات اوبل بالعبيط انا كل يوم اروحلوا و كل يوم يقولي بكره جالي 6 عربيات زي بتاعتك و كل يوم علي كده من قبل الثوره

مفيش غير اني انزل صلاح الدين
الف شكر علي الرد يا باشا

**احمد فهمى** · 22-03-2011 09:17 PM

المشاركة الأصلية كتبت بواسطة hishammb

لو سامحتوا يا شباب كنت عاوز اعرف ميين بيبع قطع غيار مستعمل
في الاسكندريه ل كورسا 2004
انا كنت عاوز اجيب السلك بتاع الهاند بريك
اللي هوا من الهاند لغايه العجل

شارع صلاح الدين اول ما تدخل على اليمين بعد اول ناصيه هتلاقى محل كبير عندو استيراد كتير متقطع اسال على الأستاذ خالد ده صاحب المحل محترم جدا وقوله انك من طرف احمد فهمى وان شاء الله خير

**shehabsemary** · 24-03-2011 12:07 AM

أنا شفت واحد في فكتوريا عند شارع جمال عبد الناصر عنده قطع غيار

**hanykd** · 24-03-2011 11:09 AM

السلام عليكم ورحمة الله

هو فى ناس كتير فى صلاح الدين

وفى منهم واحد اسمه يسرى الباشا انا بتعامل معاه
دة فى أول صلاح الدين من عند شركة الكهرباء حاتمشى لغاية ماتلاقى مطعم الجمهورية على يمينك هو الشارع اللى فى وشه على الشمال مباشرة ودة رقمه لو حبيت تكلمه قبل ماتروح 0124515061
ولما تروح هناك وبعد مايقولك على سعره قوله انك من طرف هانى بتاع العجمى
وإن شاء الله بعمل معاك الواجب ودة رقمى لوحبيت تكلمنى وانت هناك 0175717229

وفى رضا اللى عند قسم الجمرك

وفى واحد فى شارع شامبليون وانت نازل على البحر بعد كلية الطب

وبعدين لو حبيت تجيبه جديد فى خميس رويدا ودة محترم جداً فى أخر شارع صلاح الدين من على الترام قصاد أطلس بتاع الكورى وتليفونه 0125391687

أخوك فى الله هانى

**mera11** · 24-03-2011 06:42 PM

أسكندرانى صح يا هانى

الموضوع: قطع غيار مستعمل

LinkBack

أدوات الموضوع

عرض

-

-

-

-

-

المواضيع المتشابهه

حد يعرف نمرة واحد اسمه ايمن الديب بتاع قطع غيار سكودا مستعمل فى أبو الدردار اسكندريه

يا جماعة انا عايز اجيب ريس مستعمل حد يعرف مكان معارض بتبيع مستعمل

الكلمات الدلالية لهذا الموضوع

المفضلات

المفضلات

ضوابط المشاركة