مقابله اعضار بروتون الجمعه القادم

**mememsaid** · 15-03-2011 04:57 PM

السلام عليكوم ورحمه الله وبركاته
اخواني الاعزاني.
عشان كل مره حد فينا يقترح مقابله وماتمش
ونظرا للمكالمه اللي حصلت بيني وبين زميلنا في المنتدي وفي الجروب علي الفيسبوك صلاح حكيم
فاقررنا ان ان شاء الله يوم الجمعه الجايه 18-3-2011 يكون يوم تجمع لجميع ملاك بروتون لمناقشه جميع مشاكلنا
وعشان كل مره المقابله مابتمش ومش عارفين نتقابل وبتقف امامنا عقبات كتيره منها المكان والمعاد وحاجات تانيه كتير بتفركش المقابله فاكنا حرصين ان المكان يكون قريب من الدائري عشان كل الناس تعرف تيجي بسهوله ويكون المعاد مناسب فاقلنا يكون بعد الصلاه مع اعطاء الوقت المناسب للوصول فاقلنا يكون الساعه 2 بعد الصلاه وبالنسبه للمكان كنا حرصين يكون مكان واسع عشان نعرف نقف فيه فاقلنا يكون في التجمع امام مستشفي القوات الجويه في شارع التسعين

اتمني منكم جميعا الحضور
وسواء جه 1000 او 100 او 10 او حتي ماجاش حد خالص ان شاء الله انا وصلاح حكيم هنكون موجودين في المكان
وده تليفوني لو في اي حاجه او محدش عارف يوصل
0105601050

اتمني اني اشوفكم كلكم علي خير ان شاء الله يوم الجمعه 18-3-2011 في التجمع الخامس شارع التسعين امام مستشفي القوات الجويه الساعه 2 بعد الصلاه

**eng_Amr** · 15-03-2011 05:33 PM

انت اخترت يوم !!! عربيتى عملت حادثة وبتتصلح فى التوكيل الايام دى انا كدة مش هقدر اجى لو تتاجل اسبوع هتبقى كويس اوى. انا نفسى احضر جدا.

**Raul_7** · 15-03-2011 05:40 PM

هو التجمع الخامس ده قريب!! ده بالنسبالي سفر.

عامة أنا عندي شغل للأسف يوم الجمعة فـمش هأقدر اجي.

تتعوض إن شاء الله.

**ahmed_h_g** · 15-03-2011 11:47 PM

متأجلها شويه

**eslam_wega** · 16-03-2011 01:17 AM

انا مع التاجيل

**sayed911** · 16-03-2011 01:55 AM

انا شايف انه فيه اقبال من الأعضاء يعني فيه فاعلية ولكن المكان والمعاد محتاجين اعادة نظر كما يبدو...

**mememsaid** · 16-03-2011 10:27 AM

معلش ياجماعه
احترامي لكم جميعا
بس احناا بناجل بقالنا كتير
الشرف كل الشرف للي هيقدر يجي واللي مش هيقدر بس المعاد والمكان زي ماهما
حتي لو روحت لوحدي اهو اروح اتشمس شويه واجي

**mememsaid** · 16-03-2011 10:29 AM

عشان مايتفهمش من كلامي تثبيت الراي
لو المكان مشكله ممكن نغيره
بس لو اختلفنا علي مكان هنرجع للمكان الاساسي واعتقد ان مافيش اهم من مصلحتنا نجري عليها
واللي عايز ياجل ده مش هيبقي اخر مقابله اكيد ان شاء الله هيبقي فيه مقابلت كتير تانيه

**dahy911** · 16-03-2011 10:52 AM

معاكم ان شاء الله على فكره التجمع اقرب مدينه جديده هتيجى من اى حته يوم الجمعه فى نص ساعه ان شاء الله
الهرم مصر الجديده مدينه نصر المعادى وسط البلد السلام
اى حته ان شاء الله متخدش وقت

-

الموضوع: مقابله اعضار بروتون الجمعه القادم

LinkBack

أدوات الموضوع

عرض

مقابله اعضار بروتون الجمعه القادم - انشر الموضوع فى :

-

-

-

-

-

المواضيع المتشابهه

تأكيد مقابله يوم الجمعه القادم 27/4/2012 شارع يوسف عباس ^_^

تأكيد حضور مقابله كيا الرابعه يوم الجمعه 6-8

رجاله الفولكس حد رايح مقابله أسكندريه يوم الجمعه

الكلمات الدلالية لهذا الموضوع

المفضلات

المفضلات

ضوابط المشاركة