-
عجبانى اوى الـ m11
ياجماعة بالله عليكو حد يجاوبنى بمنتهى الصراحة والموضوعية انا عجبانى اوى ال m11 وروحت شفتها فى معرض ابوالفتوح اللى فى المعادى وعجبتنى اكتر لما شوفتها بصراحة شيك اوى من برة ومن جوة بس خايف من تضارب اراء الناس فيها وانتو عارفين الواحد مش بيلاقى الفلوس احنا تعبانين فيها اوى بس مهم جداً بنسبالى رأيكو وشكراً.
-
انت قلتها --- الواحد ما بيلقيش الفلوس
ابعد عن الاسبرانزا و مجايب ابو الفتوح وهتلك عربية تانية بسعرها هى مش رخيصة ده ب 70 الف تقريبا
-
خليك فى المضمون وهات اللوجان مع احترامى انها عربيه شيك فعلا لكن مش عارف ليه الصينى حاسس انه مش مضمون وعموما اصحابه اكيد يعرفوا اكتر منى ويفيدوك احسن
-
بص يا سيدي بالنسبة للعربية دي
فعلا اختيار موفق وسحبها كويس جدا وشكلها الخارجي جديد وعصري وايضا امكانياتها الداخليه جميله وجذابه
ومعدل سحب البنزين بتاعها كما قال مجربوها قليل جدا ..... ا لتر = 10كيلو او 7.5لتر = 100كيلو علي السريع
وكمان كمالياتها زاد عليها النور الاوتوماتيكي + حساس المطر
وبالنسبة لعيوبها من وجهة نظري:
1-ضيقه نسبيا من الداخل
2-العفشه ناشفه اكتر من 516
لكن تفييمي ليها بشكل عام = جيد جدا
-
مع احترامي للوجان ...... لايوجد بها كماليات تساوي اي اسبيرانزات وكمان مش بالقوه اللي الناس قكراها يعني بتمنها تجيب اسبيرانزا 516 احسنلك وانت مطمن ....كفايه انها انتشرت وقطع غيارها رخيصه وكتييير من الميكانيكيه والكهربائيه يفهمو فيها
وسعر m11 الايام دي = 72الف جنيه
ولكن لو انت شايف ان المبلغ ده كتير علي اسم صيني...... فلا تفكر فيها واشتر مايحلو لك من اي ماركه اخري يستريح لها قلبك
(انا مجرب4اسبيرانزا)
-
ALshahba باشا انا مش مستكتر سعرها ولاحاجة بالعكس بالنسبة لأمكانيتها سعرها كويس جداً وزى ما انتا بتقول دية بقى سعرها 72000 جنيه يعنى اكتر من اللوجان وهما الأثنين فى نفس الفئه ودة على ماأعتقد دليل على أن الناس حباها ولا أيه وأسف على التأخير
-
اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا
بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخصروح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما
-
اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا
بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخص روح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما
-
اللوجان الكاملة 71000 والنص كاملة 68000 والفاضية مبقتش تنزل
مع احترامى للوجان بس هى مش نازلالى من زور بصراحة وفعلا فقيرة الكماليات
-
Content Relevant URLs by
vBSEO 3.6.0 PL2