عايز اقلب العربيه دفع خلفي

**sho_sho** · 15-03-2011 08:39 PM

لوسمحتم عايز حد يعرف فين في alex اقلب العربيه دفع خلفي في خطر علي العربية ولا لأ

**ahmedsrs** · 15-03-2011 08:44 PM

مينفعش الموتور عندك بالعرض هيركب بالطول اذاى دى شغلانة معقدة جدا ومكلفة جدا

**Maged_Samy** · 15-03-2011 08:50 PM

مينفعش طبعاً . وايه مشكلتك مع الجر الامامى ده احسن من الخلفى بكتير ولو كانت مشكلتك الكبالن ممكن تعملها صيانه بأستمرار وتخلى بالك ان الكاوتش اللى فيه الشحم سليم و متتطلعش امريكانى و بلاش تقرص فى الملفات وانت بتلف وترجع .

**mrghost** · 15-03-2011 09:13 PM

مينفعش ياباشا

**m_elkhishin** · 15-03-2011 09:58 PM

أعتقد ان ممكن تقلب عربية دفع خلفي الى سحب امامي، ولكن أعتقد ان مستحيل تقلب سحب أمامي الى دفع خلفي لأسباب كتير جدا بس أهمها ان مفيش مكان في صدر العربية عشان الفتيس اللي راكب بالطول وكمان مفيش مكان أسفل العربية يمشي فيه عامود الكردان.

المشاركة الأصلية كتبت بواسطة maged_samy

و متتطلعش امريكانى و بلاش تقرص فى الملفات وانت بتلف وترجع .

هههههههههههههه
اذا كان هو حتلاقيه عاوز خلفي عشان التخميس

**smsm_nabawy** · 16-03-2011 12:17 AM

سبب رئيسي في أن معظم شركات السيارات تعمل عربيات جر أمامي هو ... ان تكلفة التصنيع أقل بكتييييييير من الدفع الخلفي .. و لكن أجابةً على سؤال حضرتك

ينفع .. و لكن

1-العربية حتدفع عليها تمن عربية كمان "على الأقل" علشان تعمل كده

2-متنتظرش أداء من العربية أصلاً...

3-حتطر تغير ماتور و جير بوكس

4- حتدوووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووخ لحد متلاقي ميكانيكي يعملط الشغل

5-أنصحك .. متتعبش نفسك بمجرد التفكير في كده .. مش عاجباك عربية حضرتك .. بيعها و أشتريلك بي أم ..

او شاهين "دفع خلفي" و فلوس تعديل العربية لدفع خلفي
أدفعها في الشاهين و عدل فيها أيييي حاجة

هي اصلاً حمارة تعديل مبتقولش لا

لا بتقول لا لشغل .. ولا بتقول لا لتعديل

بس كل واحد و جيبه

آسف للأطالة