ايوا زي ما العنوان مكتوب :first:
الحمد لله غيرت نور العداد للأبيض
وبأذن الله هغير اللمبات تاني بكره علشان يبقي بالصور الفك والتركيب كمان :hihihi:
عرض للطباعة
ايوا زي ما العنوان مكتوب :first:
الحمد لله غيرت نور العداد للأبيض
وبأذن الله هغير اللمبات تاني بكره علشان يبقي بالصور الفك والتركيب كمان :hihihi:
يا هيما يا جامد
انت لازم تفتح توكيل خاص بيك لوحدك لتعديل الاوبترا ويكون احمد معاك مساعد واستاذ ايمن ممول رئيسي وانا شريك في الارباح هههههههههههههههههههه
حيييييييييييييييييييييييي ييييييييييييييييييييييييي ييييبي يا هيمااااااااااااااااااا والنبي حط صور لاني هموت واغير اللمض
اخير نفذت وعدك :-)
سوال هو العداد عليه استيكرات خضراء ولا لا
وفكيته ازاي
هيما قلب الاسد
بجد بجد قلب الاسد
فى انتظار الصور و التفاصيل
و يجعلة عامر
شكله جامد جدا عييييييييييييييييييييييني حتطلع عليهههههههههههههههما شاء الله
انا هقولك تفاصيل الفك وبأذن الله انهارده هتكون بالصور
بس عموما انت هتنزل الدركسيون لتحت خالص
هتلاقي مسمارين في العداد من فوق هتفكهم
وبعدين هتشد الوش اللي راكب علي العداد
خلي بالك الوش كله كلبسات وبيتخلع لحد فتحته التكييف الشمال يعني بتطلع معاه
هتشد لبره بس سنه سنه
وهتسمع حاجات بترقع وبتشخلل عادي كل دي اصوات علشان التغييير :))))
المهم لما تفك الفبره دي
هتلاقي العداد فيه 3 مسامير
واحد فوق في النص
واتنين تحت
هتفكهم
وتحاول تخرج العداد سنه بره علشان من فوق فيه 3 فيش
فيشه فوق عداد البنزين وواحده فوق السرعه وواحده فوق ال rpm
هتفكهم سنه سنه
وهتلاقي العداد خرج معاك
هتلاقي في الضهر بقي مكان ل 4 لمض كبار هما دول بقي :))
هتفكهم وتغيرهم هي بقي المشكله عندي في لمبه العداد الديجيتال لأن حجمها صغير ومش لاقيها خااااااااالص
فا بأذن الله انهارده هدور عليها وكمان هجيب لمبات اقوي
بس استني متعملش حاجه علشان لازم افهمك شكل اللمبه اللي تجيبها
طيب وهو بالنسبه للتوكيل الخاص ده
انا ماليش في الأرباح ولا ايه :)))))))))
بس ياهيما طمني في استيكرات علي العداد ولا لا علشان شكلي هشتغل ومش قادر امسك نفسي
انا بقي ممكن افيدك في عداد الديجتال
ممكن عند بتوع الساعات بنسبه كبيرة لكن مش متاكد
ههههههههههههههههههههههههه هههه
انتا ابتديت يامعلمي
خلوا بالكو مرحله لم الفلوس دي سيبوها علي هيما متقلقوش
هيا بتبتدي كده
فك عدادات ويجر رجل الزبون
وبعدين تنتهي ان المعلومه ب50 جنيه
ياهيما مش كل عربيه ابوك يجيبها تقعد تفكك فيها لحد ما الراجل يتخنق منك ويبيعها
ارحم ياابني
مش كده
:)
اللمبات عليها غلاف ازرق
بس انت اصلا هتفكها
يعني اي لمبات الوان هتركبها هتعمل اللون اللي انت عايزه
بس يا باشا
ممكن صور وارقام أو أشكال اللمبات علشات أحاول أشتريها من هنا (الرياض)
لإن الحركة دي فعلاً زي العمده ما سماك (هيما قلب الأسد) محتاجه قلب أسد حقيقي
الف مبروك ياهيما
والله انا حاسس مرة هتيجى تقولنا انا غيرت الموتور بنفسي
هههههههههههههههههههه
هيما روحت فين كده وسايبنا علي اعصبنا
ايه حوار اللمض قلوز ولا مسمار :-)))))))))))))))
اشطه يا هيما يا جامد
عايز اشوف الصور عشان نفسي اعمل كده في العربية بس هي لسه في الضمان
شكلك كده قلبتها لانسر يا معلم
يا عمدة أنا عايز حصة في التوكيل ما ليش دعوة
اين الصووووووووووووووووور ياهيما شوقتنا ياهيييييييييييييييييييييي يييما
انا سبقتك يا معلم و عملت الكلام ده بنفسي بس في الفيرنا
في انتظار الصور يا معلم وانا سبقتك انت وفوزي وغيرتهم في البولونيز عند الكهربائي من سبع سنين كدا هههههههههههههههههه
بص ياباشا
دي اللمبات اللي موجوده في التابلوه اساسا
http://www.nileup.com//uploads/image...6bfe6ab5f2.jpg
ولما تشتتري اوعي تشتري لمبه من فوق مدوره كده
لازم تشتريها من فوق مسطحه زي دي
http://www.nileup.com//uploads/image...0979a2a91c.jpg
او ليدات زي دي
http://www.nileup.com//uploads/image...f3968d4b09.jpg
ودي بقي صور التابلوه بس طبعا الكواليتي وحش علشان الكاميرا سيئه
http://www.nileup.com//uploads/image...6177d0bce8.jpg
http://www.nileup.com//uploads/image...e74e2320a2.jpg
http://www.nileup.com//uploads/image...95dd65dd4e.jpg
باشا انا لسه امبارح كنت باحاول اعمل الموضوع ده و بعد مافكيت التابلوه و خرجت لمبه من القدام علشان اجيب نفس المقاس ليدات ملقتش غير نوع لمض بيضه مش ليدات فشلت الغطيان الزرقا من اللمض القديمه وركبت تاني
سؤالي هي المض اليدات اللي في الصوره سعرها كام
وكمان فيه لمض صغيره اصليه تانيه اصغر من اللي في الصوره الاولي دي بتتغير هي كمان ليدات وموجوده ولا لأ و اسعارها ايه
و شكرا
بص ياباشا اللمبات الليدات دي تقريبا الواحده بعشره جنيه
وانت هتحتاج 4 فقط (الخاصه بنور العدادات)
ولكن في بقي واحده صغيره ودي اللي بتنور العداد الديجيتال (بتاع الكيلو متر)
دي للأسف مش موجوده بس انا مره لقيتها في التوفيقيه يعني لو نزلت هدور عليها تاني
نصيحه يارجاله
استنضفوا اللمبات البيضاء دي
عشان فيه منها بيفصل بعد فتره
انا كنت عامل التابلوه عندي كله ابيض من اللمبات دي
وفصل في اسبوع كله
بس ياهيما مالتابلوه فيه اخضر بردو اهو
ده ايه ده
هوا لون الارقام كله كده ولا انتا مغيرتش كله ولا ايه مش فاهم
اللمبه اللي ورا عداد الكيلو الديجيتال مش المؤشر لسه خضرا بردو
انا والله جبت لمبات يادوب جربتها عند الراجل ولما جيت اركبها كانت باظط :_Alshmokh08[1]:
ولما اشتريت الليدات فيهم جزء من الليد فصل بس مش مقصر الحمد لله
المهم بقي
العداد فيه ميزه جامده
في اطار حوالين العداد ده باين انه لبني قوووووي والأرقام نفسها مديه علي اخضر سنه بس شكلها حلو قوي
وبالنسبه للعداد (الأرقام الديجيتال) ان اللمبه بتاعته صغيره ودي طبعا مافيش منها ابيض بس بأذن الله هدور عليها علشان شوفتها قبل كده
هو مش انت جبتها قبل كده ؟؟
ايوه ياعم اللمبات السفايا فيه منها ابيض
بس عاوز نصيحتي بجد ياهيما
عشان تريح نفسك لان المبات دي حتبوظ
هات اللمبات الصفرا العاديه الماني
ورشها بالاسبراي ازرق
حتليق مع اللبني اللي عندك
وحيبقي شكلها جامد
ومبتبوظش زي الابيض والليدات دي
انا غيرت تابلوه الكريستاله كله خليته احمر زي الابيزا والبي ام
شكله وهمي
تقولش كيا سيراتو
:)
اه رشيتها احمر
شكلها حلو اوي
بس تترش كذا مره
هوا فعلا لما جربت ارش ازرق اللون قفل خالص عشان الازرق غامق
ممكن تستخدم الوان الازاز بس حتكلفك وفي الاخر حتطلع بنفسجي عشان الاضاءه وراها اصفر
حتلاقي لون فحلقي كده طلعلك
:)
ما انا اصلا جربت الوان الزجاج
بس عموما لما تتحرق هجرب اعملها احمر واشوف
والله يا صبحي انا جبت اللمبات دي في الكريستاله كانت اول م اللمبات دي نزلت
وفضلت شغاله سنتين ونص ومافيش حاجه اتحرقت منهم
طيب صورلي العداد كده
funnymickey والأستاذ هيما قلب الأسد
بأمانة ربنا أساتذة ورؤساء أقسام
يا هيما يا جااااامد.. بس مش عارف حاسس إن توزيع النور على دايرة العدادات مش متوازن..يعني في نقط النور فيها اعلى من حتت تانية..وتقريبا دي النقط إللي وراها اليدات..ولا انا مش شايف صح؟؟؟؟
دكتور هشام
اخيرا ظهرت
الحمد لله على السلامة
واحشنا يا راجل
يجعلة عامر
عمدتنا الكبير..واحشني والله انت وكل الفرسان
بس اللون الاحمر مع مرور الوقت هيتعب اعصابك خليك فى الابيض احسن