الموضوع: الحقونى يا أخونا مشكلة لا على البال ولا على خاطر فى الكاوتش

المشاركة الأصلية كتبت بواسطة kemo_nagy

انا معايا لانسر 99 و كنت رايح مشوار المهم ركنت العربية شوية و لما رجعت لقيت الفردة اليمين ورا مريحة قوى مشيت بيها لآقرب بنزينة كانت اول عباس العقاد امام توم اند بصل كانت كالتكس او موبيل مش فاكر المهم قابلت الفنى وقلتلو شوفلى العجلة دى مالها فك العجلة و عمل اختبار المياة بالصابون السايل ولقى مسمار كدة قالى فى عندك لحام امريكى و لحام تيوانى الأولانى ب10 والتانى ب7 قلتلوا الفرق اية قالى الفرق كبييييييييييير فى درجة التحمل و الأداء قلت مش هاتفرق من 3 جنية وقلتلو خلينى فى الأداء الممتاز و قلتلو بالمرة شوفلى باقى العجل المعاملة هناك بصراحة فوق فوق الممتازة و قمة فى الأحترام المهم جبلى كرسى وقالى اتفضل حضرتك استريح بس و 10 دقائق و فك التانية و 10 كمان و فك التالتة قلت اشوف بقى فاضلة اد اية المهم كان بيعمل التشيك على العجلية التالتة و لقيت فقاقيع هوا طالعة كدة من الواضح ان فى خرم المهم راح حاطط لحام بقولة فين المسمار قالى مافيش انت ممكن تكون مشيت على زجاج و العجلة مريحة وهو دة اللى عمل كدة فى باقى العجل و بعدين قالى البلف كمان منفس عايز يتغير قلتلو غير قاللى امريكانى قلتلوا امريكانى....خلاص ياباشا تمام كدة ....قلتلو تسلم ايدك يا ريس....كلفوا كام بقى....خلى عنك والله.....ياعم الف شكر ربنا يخليك كام والله.....والمفاجئة قاللى 360 جنية.......قلتلو ليييية ياعم انت غيرتهم و جبتلى كاوتش جديد قالى حضرتك العاجلة الأولى خدت 16 لحام والعجلة التانية خدت 18 و التالتة بلف و كام لحام كدة مش فاكر المهم حسابهم 360 و خلى عنك خالص....ياعم انت مش قايلى فيها مسمار ماقلتليش فيها كل الأخرام دى كنت تقلى كنت ركبتلها جوان و كان ارخصلى قالى حرام عليييك دة الكاوتشات جديدة قلتلو ماهو كدة مابقوش جديدة كدة باظوا قالى دة شغلى و ماتقلقشى منهم خالص رجعوا زى الأول و احسن.......المهم دفعتلو 320 مش فصال والله بس اللى كانوا معايا وأسف على الأطالة بس اعمل اية من خنقتى....ياريت لو حد عندو اى تفسير للى حصل يقولى؟وبالنسة للكاوتش عايز اعرف امشى عليها واجرى و انا مطمن ولا أغيروا:(؟شكرا وربنا يكفيكو شر المفاجئات اللى من النوع دة

بص يا سدي الموضوع دا حصلي قبل كدا بس في اسكندرية
الحكاية ان اي عجلة حتعمل اختبار المية و الصابون دا لازم حتطلع هوا حتي لو لسة لانج هوا بيعملة بطريقة معينة يوريلك ان فية تنفيس و خلاص علشان يفضل يحطلك في خوابيرو انت تدفع
و في الاخر العيب بيطلع ممكن في البلف و خلاص و دا بيتغير ب 5 جنية و ممكن يكون فية خرم واحد بالكتير و خلاص دا لو موجود
النتيجة لما حضرتك تحب عمل اي حاجة في العجل اوعي اوعي اوعي اوعي تروح محطات بنزين لان كلهم نصابييييييييييييييييييييي ييين
روح محل متخصص كاوتش و كون سمعتة كويسة و انت عارفة
البنزينة مجرد زود منها هوا لحد ما توصل المحل مش اكتر
لانهم بيكونوا ماجرين المكان غالي و عايزين يجيبوا تمنة و خلاص و الكلام دا ثابت في كل البنزينات
و الخوابير الكتير دية تبوظ العجلة
و فية موضوع كامل ع7ن الخوابير و العجل حاحاول اجيبهولك الناس اتكلموا فية عن النصبة دية
معلش استحمل و حصل خير