الموضوع: مشاكل الصني

اوتوماتيك ولا مانيوال
هل الار بي ام بعلى ولا صوت الماتور بس هوا الي بيعلى
و انت عملت صيانه ال 5000 ولا لأ
على العموم ماتقلقش انت لسه في الضمان
بسيطه يعني

المشاركة الأصلية كتبت بواسطة ashraf a.kader

مش مشكلة ولا حاجة يا جميل
كان عندي نفس الاحساس في عربيتي السابقة وكانت صني 2007 اتوماتيك وكان الرد من حبيبنا البشمهندس سبعاوي ربنا يديه الصحة ويكون بخير
الرد هو ان العربية بها 16 صباب فالعربية حتي حوالي 100 كم/س بتكون ماشية علي نص الصبابات وبعد هذه السرعة بتقوم باقي الصبابات بالعمل وهذا مايعطي الاحساس بان الصوت بيعلي وفيه رجة بسيطة ولكن كل ده بينتهي بعد ال120 تقريبا علشان كل الصبابات بتكون اخدت وضعها الطبيعي

بالنسبة للاستاذ محمد فوزي الافضل تغيير الزيت عند ال5000 لان زيت العربية الاصلي بيكون فيه بعض الشوائب الموجودة من الصناعة وبرضع ده كان كلام الاعضاء مش كلامي

انا طلع منى الكلام دة؟
حكاية الصبابات دى اكيد مش من عندى ، ممكن يكون حد تانى قالها واختلط الأمر، لأن نظرية الصبابات دى مش بتاعتى اطلاقا
نظريتى البسيطة بتتلخص فيما يسمر نقطة الرنين وهى ان كل آلة بتدور بيكون لها سرعة معينة بيتواقف عندها التردد الطبيعى لاجزاء الماكينة(خاصية فيزيائية لأى مادة صلبة) مع سرعة دوران الماكينة مما يسبب الذبذبة والصوت العالى، عادة يحرص المصممون ان اجزاء الماكينة تغطى مدى واسع من الترددات الطبيعية علشان متكونش فيه سرعة معينة يمكن عندها ان يحدث انهيار للماكينة، لكن طبيعى بسبب التصميمات القتصادية ان تتوفاق سرعة بعينها مع التردد الطبيعى لجزء كبير من الماكينة(الكرنك او الكامة او الصبابات مثلا) مما يحدث هذا الصوت وهى مسألة لا تمثل اى مشكلة من اى نوع وهى جزء من تصميم الماكينة ومكررة فى كل الماكينات من نفس الموديل

اما بالنسبة للفتيس فبرضه هزته لا تعنى مشكلة، لأنه مربوط بمحرك بيتهز، بعض التصميمات فى بعض السيارات بتضيف روادع ارتجاج لوصلات العصاية علشان متحصلش الهزة دى ، لكن مع اقبال الناس بشكل اكثر علىالعربيات الأوتوماتيكة (اللى العصاية فيها مش مرتبطة بوصلات بالفتيس)اصبح الاهتماما اقل بمثل هذه الاضافت المكلفة للعصا اليدوية، لكن عدم وجودها لا يعنى اى مشكلة من اى نوع سوى ان منظر العصاية وهى بتتهز ممكن يضايقك ، لكنها لا تعنى ودجود ادنى مشكلة

ما فيش كلام يتقال بعد كلام مهندسنا الكبير سبعاوي
اظن كده الامرو وضحت بالنسبه لك