السلام عليكم يا جماعة الخير
عاوز اعرف موعد تغيير تيل الفرامل كل كام كيلو؟ وبالوقت لو ضروري تغييره حسب الوقت. وايه علامات بداية استهلاكه؟
شكرا لكم :)
عرض للطباعة
السلام عليكم يا جماعة الخير
عاوز اعرف موعد تغيير تيل الفرامل كل كام كيلو؟ وبالوقت لو ضروري تغييره حسب الوقت. وايه علامات بداية استهلاكه؟
شكرا لكم :)
هو بيتغير حسب الاستهلاك بس تقريبا كل 20000
بتلاقي بدال الفرامل وطي قوي وممكن لو خلص تبتدي تسمع صوت صفاره
كل عشرين الف كيلو
التيل بيتغير لما يخلص... بالتالى مفيش عدد كيلومترات محدد للتغير لان استهلاك التيل مرتبط بتريقة سواقتك و ظروف القيادة... يعنى مثلا الزملاء اللى قالوا 20 الف كيلو ممكن دة طبيعى بالنسبة ليهم... بالنسبة ليا انا بكون مغير تيل 3 مرات خلال المسافة دى
الحل الامثل هو الكشف على التيل كل 5000 كيلو... و لو رجعت لكتالوج السيارة مش حتلاقى رقم محدد للكيلومترات فى جدول الصيانة لكن حتلاقى كل 5000 كيلو لازم تراجع على التيل
MMamdouh
كلام الأستذا ممدوح صح الصح و برضة عشان تعرف
لما التيل يخلص بيعمل صوت احتكاك معدني و بتحس بية واضح اوي لما تهدي عند مطب او تبدأ الحركة ساعتها لازم تغير التيل فورا علشان متبوظش الطنابير
مش شرط تسمع صوت تصفير مع الفرملة يبقي التيل بيخلص لأنة لو فية وساخة علي الطنبورة او فيها تصيير هتعمل صوت مشابهه لما تسخن
وبدال الفرامل يمكن يوطي بدون ان يخلص التيل ودة بيحصل لما بتكون محتاج تعمل رجلاش للفرامل الخلفية
احب اؤوكد ان رجلاش الفرامل الخلفية مهم جدا جدا و بيفرق في سرعة ايقاف العربية و بيفرق كتير في نسبة استهلاك التيل
شكرا للافادة استاذ ممدوح كل 5000 كيلو هكشف على التيل
شكرا جدا على الردود القيمة. :)
طيب يا محمد بيك
التيل الجولد حلو ولا وحش عشان عندى التيل بيصفر
سيارتى شيفروليه لانوس 2010 انا روحت اعمل صيانة ال 20 الف فى التوكيل
قالولى لازم تغير تيل الفرامل لان ده ميعاده بس انا لقيت ان التيل لسه فيه شوية (نظام توفير بقا هههه)
ايه الرأى الصح اغيره عندهم الصيانة اللى جاية اللى هى 25 الف كم واشتريه من التوكيل ؟
مع العلم تمنه هناك فى التوكيل 154 بالضريبة
ولا اشترى بالسعر ده حاجة ماركة احسن من بره واركبه بره او اجيبهولهم يركبوه
وشكرا لمن شارك فى الرأى
م/خالد