SPRANZA ABS

**Driver** · 01-06-2007 06:23 PM

المفروض انها كانت ABS بس واحد صاحبي معاه CIVIC كان ليه رأي تاني......
خدنا العربية و رحنا التجمع الخامس بيها...وهناك كانت التجربة.....(وكانت على اسفلت+تراب) و(اسفلت+مية ) والاتنين خفاف
المهم
اربط الحزام يا عم
حاضر
فرمل!!!!!!!!!!!!!!!
الاقيلك العربية عملت بلنص غريب و خمسة مش مفهومة خالص!!
دمنا هرب..و قلنا نجرب في المية هتكون ارحم شوية...
طبق الأصل العلقة الأولانية...لابلنص زاد ولابلنص نقص
ولمبة غريبة نورت في التابلوه...و فضلت كده على طول

ولا عزاء لأصحاب الاسبرانزا

http://www.nilemotors.net/Forum/view...er=asc&start=0

**هشام.النجار** · 01-06-2007 06:32 PM

كنت عايز أعرف من حضرتك هو إنت إفتكرت موضوع الفرامل ده مرة واحدة الآن ليه , مكتبتوش ليه في موضوعك الأول رغم إنه كان مفروض موضوع تجميعي لسابق خبرتك مع العربية , وليه لما إفتكرته مكتبتوش في نفس الموضوع , ليه تفتح موضوع تاني بعنوان جديد ؟

**Driver** · 01-06-2007 06:42 PM

حبيت انه يكون مستقل....علشان الناس تلتفت ليه و تجرب بنفسها و تقولي عن تجاربها...

و كل ما هفتكر حاجة من الكابوس ده...مش هبخل بيها على الناس الحلوة دي

**هشام.النجار** · 01-06-2007 06:57 PM

خير , فعلاً كويس إننا نحكي كلنا تجاربنا مع السيارة :
بصراحة مشفتش منها اللي إنت شوفته خالص ,
العربية دارت أول ما إستلمناها كويس قوي وصوت تدوير الموتور أقل بكتير من صوت النوبيرا اللي معانا موديل 2006
صوت الفرامل بالفعل رخم أوي لكن إن شاء الله نغير التيل في الصيانة اللي جاية
التقفيل عادي بالفعل إلا إنه ليس أقل من تقفيل غبور
الكاسسيت عشرة على عشرة بسم الله ماشاء الله
العدادات شكلها جميل ومش حاسس بفرق عن النوبيرا فيها
القعدة مريحة بفضل الله وأحسن من الشاهين بالفعل لكن أحسن من النوبيرا أيضاً في القعدة ولا أبالغ والله هي بالنسبة لي كده فعلاً
شكل العربية جميل بالنسبة لي
التكييف ممتاز وبقفله من البرد ( مش أول مرة يكون أقعد في التكييف أكيد )
ده حتى الآن
أرجو أن تذكر مواضيعك مع الإسبرانزا التي تتذكرها فجأة في موضوع واحد لإني الناس بتحب تقرأ عن نفس الشيء في نفس الموضوع

**خالدابوالنجا** · 01-06-2007 07:19 PM

استاذ / هشام النجار . تحياتى لحضرتك

فين تقييم حضرتك انته وليه مبتكتبوش فى موضوع مستقل . انا شفت لحضرتك ردود ومشاركات فى موضوعات متفرقه

فياريت تجمعهم فى مشاركه مستقله وتكون مجمعه لان انا شفت لحضرتك مشاركه على ما اظن وذكرت موضوع سنسور

الباركينج انه موجود مع ان محدش ذكره خالص قبل كده . شكرا لحضرتك .

السلطان ابو النجا الاول

01-06-2007 07:35 PM

همة المشرفين مش موجودين ولا اية--دكتور ايهاب واستاذ وائل

**هشام.النجار** · 01-06-2007 08:41 PM

المشاركة الأصلية كتبت بواسطة خالدابوالنجا

استاذ / هشام النجار . تحياتى لحضرتك

فين تقييم حضرتك انته وليه مبتكتبوش فى موضوع مستقل . انا شفت لحضرتك ردود ومشاركات فى موضوعات متفرقه

فياريت تجمعهم فى مشاركه مستقله وتكون مجمعه لان انا شفت لحضرتك مشاركه على ما اظن وذكرت موضوع سنسور

الباركينج انه موجود مع ان محدش ذكره خالص قبل كده . شكرا لحضرتك .

السلطان ابو النجا الاول

مرحباً أستاذ خالد
بالفعل كل الكلام اللي كتيته فوق موجود في موضوعات متفرقة كانت للإستفسار وإبداء الرأي وموضوعي عند إستلام العربية به تقييم أولي مني رغم إني أشعر بإنه لسه قدام التقييم المنطقي حوالي عشرة آلاف كيلو من الإستخدام بس بزداد إعجاب بها
سنسور الباركينج غير موجود وتأكدت من هذا بالفعل الآن , لما قرأت الكتالوج كنت أظن أنه موجود به ولما كنت بركن العربية كنت أظن إنه حرف ال p اللي بينور في التابلوه خاص به لكن كنت لا أسمعه

**Driver** · 01-06-2007 08:45 PM

ولا عمرها كان ليها....تقريبا كانوا هيدوني سايس هدية مع العربية....بس رجعوا في كلامهم :mrgreen:

**Driver** · 01-06-2007 08:54 PM

اللي فيها ده BBS

مش ABS

**Hosam** · 01-06-2007 11:30 PM

بصراحة مش عارف حظك كان عامل ليه كدا فى العربية دى ؟!! اكيد اكيد اتحسدت
أصل انا حبيت فى مرة اجرب الـ ABS بتاعها فاخدت اخويا معايا و رحنا فى مكان واسع الساعة 8 صباحاً هو فى الاصل باركينج كبير و متسفلت بنضافة و خليته هو يسوق و انا وقفت بعيد و اتفقنا انه يفرمل عند سرعة 80كم و بصراحة الاداء كان فظيع جداً و العربية كانت ثابتة تماماً و لا راحت يمين و لا شمال فى الاول و بعدين هو عمل مناورة و قالى انها استجابت لحركة الدريكسيون يعنى لو حب يفادى اى حد يقدر بسهولة و هو دا نظام ال ABS.
معلش الله يعوض عليك.