الموضوع: فلتر هواء رياضى وبوجيهات ايريديوم

المشاركة الأصلية كتبت بواسطة meshmesh_egypt

السلام عليكم
انا معايا نيو اكسنت 2010 الشكل العادى مانيوال
سمعت عن موضوع تركيب فلتر هواء رياضى للعربيه بيخلى صوت الموتور رياضى كده وحلو
فحد يعرف الفلتر ده الواحد يجيبه منين وينفع للنيو اكسنت ولا لأ وسعره كام
وبرده سمعت عن البوجيهات البلاتينيوم والايريديوم وسمعت عن أدائهم الكويس جدا للعربيه عن البوجيهات الاصليه للعربيه والى اغلب الناس لما ركبوا البوجيهات للعربيه لاحظوا ان العربيه مبقتش بتسحب زى الاول
برده لو حد عارف ايهما افضل البلاتينيوم ولا الايريديوم والرقم الى يمشى مع بوجيهات النيو اكسنت ومكان بيعهم وسعرهم فى حدود كام

شوف يا سيدي انا كان معايا اكسنت 2009 مانيوال وجرب كل الفلاتر الرياضيه الكيه ان والسيموتا + البوجيهات الايريديوم

وعايز اقولك اني لم اجد اي تغيير في اداء العربيه نهائي ما عدا الصوت الرياضي للفلتر وكمان الصوت ده ماكانش بيطلع قوي من كل الفلاتر

روحت شايل البوجيهات وركبت الاصليه بتاعتها تاني

اكتر فلتر كان عاجبني صوته هو السيموتا الكاربون وده سعرة تقريبا حوال 200 او 250 جنيه

وعلى فكرة مش ها تسمع صوته الا في حاله الحرق فقط ولو مالاكش في الصوت العالي قوي ها تزهق منه وها تشيله لان هو ده اللي انا عملته لما لقيت العمليع صوت بس من غير بيفورمانس زهقت من الصوت وشيلته وخصوصا اني كنت لازم احرق عشان اسمع الصوت

ارجو اكون افدتك

المشاركة الأصلية كتبت بواسطة meshmesh_egypt

متشكر جدا جدا كده هسيب الدنيا زى ماهى
بالمناسبه مفيش حل لموضوع تنطيط العربيه من ورا ده وانت على السرعات العاليه ومطبات الهوا وغيره
انا نافخ نيتروجين وظابط الكواتش على 30 صيف شتا

للاسف لا

الا اذا غيرت عفشه بقى وركبت حاجه رياضيه مثلا