الفديو رد على من يكذب بأن هناك دعوة من الكنيسة القبطية للأقباط بالتصويت بلا
ومش أنا اللي فتحت الموضوع لكن برد فيه فقط
برضو انا مش فاهم
لو قلنا لا
و ده رأيي
ازاي بقى الاقباط هيفرضو رايهم على الاغلبية لو ان المسالة اقباط و مسلمين و ده غلط جدا
ارى ان التخويف بموضوع الاقباط في غير محله
الموضوع فيه شقين شق دعوة كنسية للتصويت بلا وفيه فيديو بيؤكد عليها وبدون توضيح للأسباب الداعية لذلك بل في صورة أمر مباشر حتى للحوامل........يبقى جزئية فصل الدين عن السياسة حضرتك توجهها لأخونا المسيحيين
والشق التاني رأي محترم للعوا عن أسباب قناعته بالتصويت بنعم..........مسببة وليست كأمر رجل دين.
وعن رأي الشخصي أرى أستحالة تكوين رأي شعبي على أرض الواقع دون تدخل الثقافة الشخصية( العقيدة والتدين جزء جوهري في تشكيلها) في الأتجاه الفكري للبشر
دي حقيقة دامغة
ألي وصلي وكثيرين أن الهدف من الموضوع نشر التوعية السياسية وليس التقليل من شأن أي كان ولا المساس بعقيدة ما
بالنسبة لجزئية 10% مسيحين أعتقد أن النسبة أقل منكده وفي حدود 7%
النقطة أن الشعب منقسم برأيه مابين لا ونعم فا نسبة 7% من الممكن أن تكو ن في غاية الأهمية في حال كانت نسبة الرفض والأيجاب من باقي فئات الشعب تقترب من 50% فهي أكيد مؤثرة في هذه الحالة ولو فرضنا مجرد فرض لا دليل عليه
شراء مزيد من الأصوات!!!
تقبل تحياتي
اوك
عند النقطة دي انا ملياش الحق اني اوجه اي اتهام مبني على الشك
وطبعا معنديش القدرة على التأكد من صحة الااحتمالات عشان كده كان طبيعي أسألك مباشرة
العضو Ramremo
لسه واخد ايقاف
العضو roe3ey
لسه مسجل النهارده
3 مشاركات
ظهر مباشرة بعد ايقاف العضو السابق عشان يدخل يشارك على وجه السرعة في نفس الموضوع
طبعا الموضوع يدعوا للشك
اذا كانت شكوكي غلط فانا اعتذر مقدما (رغم اني لم اوجه اتهام صريح)
اما اذا كان ظني في مكانه فالادارة ممكن تتأكد وتتخذ اللازم
والعضو يفضل يواجه الامور بدك التحايل عليها
شكراا
ممكن حد يفهمنا بصراحه
ايه مصلحه الاخوه الاقباط في انهم كلهم يقولوا لا
كل ده عشان الماده التانيه يعني ؟؟
يعني يقولوا لا فالدستور يتلغي فيعملوا دستور جديد ملغي فيه الماده التانيه ؟؟؟
طب لامؤاخذه يعني
مالناس بلسانهم قالوا ان الموضوع بالتصويت
ولو فرضنا قلنتا لا والدستور اتعمل من اول وجديد واتحطت فيه ماده تخالف رأي الاغلبيه اللي هما المسلمين
ماهي حتتشال اوتوماتيك
يبقي ايه المشكله بقي
مش فاهم
اخاف واترعب وهما يقولوا لا واحنا نقول اه
وكلام فيه تفرقه وشحذ همم ضد بعضنا الاخر بدون اي مبرر
طب واخرتها يعني
وحاجه تانيه عاوز افهمها من الناس اللي بتقول التعديلات الدستوريه متفصله عالاخوان
يعني ايه متفصله عالاخوان ؟؟
ايه اللي فيها ليه علاقه بالاخوان من اصله
انا حاسس اننا كنا في ازازه فضلنا نثور عشان نفتح الغطا
ولما الغطا اتفتح مش نخرج بالراحه عشان ننزل كلنا في مكان واحد
لا
خرجنا باندفاع وطرطشنا في كل حته
:(
أ.صبحي مش الفكرة المادة الثانية الفكرة في كسب مزيد من الوقت لمكاسب سياسية وتكتلات ما كلما طالت المدة كلما تغيرت التكتلات
وظهرت وجوه جديدة ومصالح جديدة الله أعلم في الصالح لمصرنا أم العكس.........بالطبع أنا لا أوجه كلامي لعقيدة ما بل لتوجه سياسي في العموم.........ولمصلحة مصر والمصريين
http://www.nilemotors.net/Nile/207309-a.html
ببساطة أي تيار هايقول لأ هيبقى عشان الأخوان هيقولوا نعم
موضوع المادة التانية دي حاجة مرحلية
لكن الهدف الاول الان هم الاخوان
و الاعضاء سواء مسلمين أو مسيحيين -في وجهة نظري- حاصرين المسألة فقط في المادة التانية...وهي كما قلت هدف ثانوي في هذه المرحلة (اذا سلمنا بنية التغيير من الاصل)
بس انا حاسس اني لو قلت نعم حبقي بضحك علي نفسي
انا مش عاوز الدستور ده خالص بكل اللي فيه
عاوز دستور جديد
يكون بعقليه ناس 2011
دستور ايه اللي من سنه 50 وعاوزني امشي بيه ده
الدنيا اتغيرت ولازم قوانين تمشي عالكل الكل يلتزم بيها
انا معنديش استعداد اني اقول نعم لمجرد اني عاوز انجز في الوقت عشان اللي مش عارف مين لو قلت لا حيلحق يلم اوراقه ويجهز نفسه ويستعد
ميستعد ويجهز
ماهو مبارك كان مستعد
واحمد عز كان مستعد
وجرانه كان مستعد
وحبيب كان مستعد
راحوا فين
مرميين زي الكلاب بره
احنا علي حق
واللي قال نعم علي حق
واللي قال لا علي حق
طالما عنده مبدأ مقتنع بيه
انما اللي يضايقني اني اقول نعم عشان الوقت وضيق الوقت
اللي حيدفع رشوه مش الغلط عليه
الغلط عاللي خدها في جيبه وباع صوته
هوا هوا نفس الشخص اللي خد فلوس عشان يركب حصان يضرب بيه الناس
وهوا هوا الشخص اللي بيقتل الناس ويعتدي عليهم في الشوارع
اللي زي ده ولا يوم حيعدله ولا 1000 سنه تحوق فيه
مبيفهمش غير المال وبس