المشكله في بعض الناس بتحب تصطاد في الماء العكر او تلعب بأسلوب فرق تسد او اضرب ده في ده ترتاح من ده وده وطبعا واضح من المقال اي ان كان صاحبه يحاول اثاره حفيظه المسلمين بقوله المسيحين يريدون التصويت بلا علشان الغاء الماده الثانيه رغم تأكيد الكثير من المسيحيين بأن الماده الثانيه لم يتطرق اليها احد من المسيحيين وعلي رأسهم البابا وحتي الفيديو الموجود لم يذكرها بتاتا وحتي المنتديات المسيحيه كذلك ولكن صاحب المقال يريد فقط اثاره الحفيظه لدي المسلمين بهذا المقال لتشجيعهم علي التصويت بنعم عندا في المسيحيون الذين سيصوتون بلا علي اساس الغاء الماده الثانيه وهو في الاساس غير مهتم بالمسيحيين لان رأيهم لن يغير في الموضوع شيء باعتبارهم اقليه ولكن كما وضحت فقط لاثاره الحفيظه لدي المسلمين والعذف علي الوتر الحساس وهو الماده الثانيه
وده مقال منقول من احد المواقع وشوفو رأي الناس بيقولو ليه لا ولم اري رأي واحد ذكر الماده الثانيه
كلنا عرفنا ان الكنيسة القبطية رافضة تعديلات الدستور يعنى فى الاستفتاء نختار لا وده طبعا برضو عرفناه بعد ما ابونا عبد المسيح بسيط كاهن كنيسة السيدة العذراء بمسطرد طلب اننا نختار لا طيب ليه هنقول لا؟؟؟؟؟؟؟؟؟ انا فى الموضوع ده هجيب كل اللى قريته فى كذا مكان ليه نقول لا على التعديلات طبعا ده مش رأى شخصى ليا لكن اللى قريته فى اماكن كتييييييير
اول رأى
علشان ما نقعدش نعيد ونزيد في الكلام ... ده نص التعديلات الدستوريه
التعديل على 8 مواد إلغاء والمادة 179 اللي بتيح للحكومة انها تنتهك حريتك الشخصيه لو شكوا انك خطر على الامن العام
المواد المقترحه للتعديل
المادة 75: واللي بتقول ان الريس مصري وابوه مصري وامه مصريه ومتجوز مصريه والا يكون حصل هو او احد والديه على جنسيه اجنبيه
ايه الوحش في كدة؟
مصر كانت طاردة لكل المثقفين والمتعلمين والليبراليين من بدايه ثورة العسكر في 52 وطبعاً الـ 30 سنه اللي فاتوا كانوا اسود 30 سنه في تاريخ مصر
تخيلوا احمد زويل لو فضل في مصر كان زمانه دكتور في علوم اسكندريه بيخانق مع الطلبه علشان يشتروا الكتاب -الكتاب ده ياما يحتوي على نظريات قديمة لا تدرس او اخطاء علميه - اللي عمولته فيه 2 جنيه عالنسخه
لا والادهى انها بتسمح لعبود الزمر - قاتل السادات واحد رموز الجماعات الاسلاميه المسلحه - بالترشيح بينما دكتور فاروق الباز لا
76: ينتخب الرئيس عن طريق الاقتراع ويلزم ان يكون حاصلاً على تأييد ما لا يقل عن 30000 صوت موزعه على 15 محافظه إذا كان مستقلاً ويجب مراعاه عدم ازدواج الاصوات - يعني اللي يدله صوت مينفعش يغير رايه والا يعتبر الصوت لاغي
اما اذا كان ليه كرسي في مجلس الشعب او الشوري فيمكنه ترشيح نفسه
وغير كدة تكون قرارات اللجنه المنظمه للانتخابات نهائيه لا يجوز الطعن فيها - يعني لو شكينا في نتايج انتخابات الرئاسه مش من حقنا الاعتراض
ايه المشكله بقه؟
ان المادة ديه فيها عدم مساواه بين اعضاء المجالس والمستقلين
علاوة على ان اللي جاهزين لمجلس الشعب هما بقايا الحزب الوطني والاخوااااااااااان ودول حرفيه انتخابات
وده عنوان مقاله في المصري:
الإخوان»: سنبذل جهودنا لتكون نتيجة الاستفتاء على تعديل الدستور «نعم»
والسلفين قالوا انهم هيأيدوا الاخوان ودعوا هما كمان للموافقه على التعديلات في موقعهم المشهور انا السلفي
وطبعاً كدة بانت
المادة 139: يعين رئيس الجمهوريه خلال 60 يوم من توليته الحكم نائب الرئيس ويكون خاضع لنفس شروط ترشيح الرئيس
المشكله
انه ممكن يرشح اي حد ابنه ..اخوه .. جوز خالته ..
148: يعلن الرئيس حاله الطوارئ وتعرض على المجلس في خلال 7 ايام .... وفي كل الاحوال لا تزيد حالة الطوارئ عن 6 اشهر ولا يجوز مدها الا باستفتاء عام
المشكله
انه ممكن يحصل زي ما كان بيحصل في عهد الرئيس المخلوع حادثه طائفيه في اي حته يحطوا شويه تعديلات ومن ضمنهم تمديد حاله الطوارئ لغايه لما ربنا يحلها وساعتها نرجع تاني زي ما كنا قبل الثورة
وكأن اللي حصل كانت حادثه على كوبري 6 اكتوبر قفلت ميدان التحرير اسبوعين
المادة 189: فقرة مضافه
لكل من رئيس الجمهوريه بعد موافقه مجلس الوزراء ولنصف اعضاء مجلسي الشعب والشوري طلب اصدار دستور جديد
المشكله
لاحظ انه لا يلزم الرئيس او اعضاء المجلس بإصدار دستور جديد
ومن يضمن ان الرئيس سيرغب في تعديل دستور يجعله رئيس كل حاجة - جلال عامر بتاع تخاريف في المصري اليوم اقترح اننا نمضي رئيس الجمهوريه على شيكات بدون رئيس علشان يرضي يتنازل عن سلطاته
وتتولي جمعيه من 100 عضو ينتخبهم اغلبيه اعضاء مجلس الشعب من غير المعينين اعداد الدستور في مدة 6 اشهر ويعرض على رئيس الجمهوريه ثم الاستفتاء العام
المشكله هنا كبيررررررررررره
اولاً: قانوناً مجلس الشعب لازم يكون 50% من اعضاءه عمال وفلاحين - جهله او تعليم على قدهم مع كامل الاعتزاز والاحترام ليهم
ثانياً: زي ما اتفقنا ان معظم اعضاء مجلس الشعب اخوان (وكمان عددهم زاد بعد اعلان السلفيين تأيدهم للاخوان) وبقايا الحزب الوطني
يعني اللجنه اللي هتعدل الدستور هتكون منتخبه من 98 عضو من السلفين والاخوان والجهله وانصاف المتعلمين + 2 -باحسن تقدير - من الناس اللي بتفهم ودول هايمتوا من الغيظ بعد اول جلسه او جلستين ولكم ان تتخيلوا شكل الحياه في مصر بعد ذلك