طيب انا هجيب عربيتي الفيرنا كمان اسبوعين ينفع ادخل معاكم ولا استني لما اجيبها
بس هي الفكره حلوه وكمان فكره الالف توقيع دي كويسه جدا
ربنا معانا
عرض للطباعة
طيب انا هجيب عربيتي الفيرنا كمان اسبوعين ينفع ادخل معاكم ولا استني لما اجيبها
بس هي الفكره حلوه وكمان فكره الالف توقيع دي كويسه جدا
ربنا معانا
هل تفتكروا هيونداي كوريا ممكن تزعل من غبور مصر ؟
طبعا لا
ازاي و هوا مخلي البلد كلها تركب هيونداي مفيش شارع في مصر الا و عندة هيونداي
الدليل علي كدا انهم قبلوا يخفضوا من امكانيات عربياتهم الي نازله مصر رغم ان دا لا يمكن يحصل في اي بلد تانية يعني الفيرنا المصري لو نزلت اي بلد تانية حتدمر سمعة هيونداي ككل طيب هما سمحوا بكدا و مرحبين لانهم مش هبل و طبعا عارفين الي بيحصل في مصر
دا غير ان هيونداي كوريا كل يوم بيوصلها شكاوي من مصريين و منهم انا و عمرها ما رديت عليا
اكيد هيونداي شركة هدفها الاول و الاخير الربح فقط و باي ثمن
و غبور حققلها الغرض دا هنا في مصر اذن مش مهم الثمن اية
اذا كان اهل البلد نفسهم مكبرين دماغهم و ساكتين
اذن انا اعتقد ان مسيو غبور بالرغم من كدا مشكور علي الاقل بيحاول من وقت للتاني يطور نفسة و لو قليل بالرغم من انة عارف ان مفيش اي ضغوط من اي نوع ممكن تمارس علية من الشركة الام في كوريا لانه ابن مدلل و بيحقق اهداف و نسبة توزيع عالمية دا غير ان مفيش طبعا اي نوع من انواع الرقابة علية في مصر المحروسة و لا حماية من اي نوع للمستهلك المصري الي بيبلع اي حاجة و بنفس
وجهة نظر برده ،،،
بس اللي عايز اقولك عليه ،،
انا كنت فاكر المنتديات دي مالهاش تأثير و يدوب خمستلاف واحد في اجعص منتدي
مع اعترافي بوجود مبالغات و ناس مش موضوعية
بس بعد حكاية اضراب 6 ابريل
اللي طلع من الفيس بووك
انا اتوقع جدا ان مبيعات هيواندي تقل بسبب المنتديات
دلوقتي اي حد عايز يشتري عربية بيعمل سيرش علي جوجل
تخيل بقه لما يطلعلوا كام موضوع اسود زي اللي عندنا
بس هوا عموما هيونداي كوريا بيردوا بس من غير فايدة
عشان بيخلوا غبور يكلمك مع شئ من الإهتمام
يبقي الموضوع ضغط من الناس يعني لو صحوا مره في الوكيل لقوا مفيش ضغط السيارات المعتاد عندهم و الحجوزات بتتلغي و مفيش حد معبرهم دا الحل الامثل علشان يتعدلوا و لا اية النظاظ ؟
المشكلة فينا احنا بنرضي باي حاجة و نقبل باي معاملة من اي حد و مش بنطالب بحقوقنا و مش بنعرف ناخد مواقف بنخاف اتربينا علي الخوف في بلدنا مصر الحبيبة و سلبية و عدي ايامك
و الاهم مش بنعرف نتفق علي موقف
و لو اتفقنا بيطلع ناس زي الضباع بيدوروا علي مصلحتهم الشخصية و بس مش مهم اي قضية
يعني لو اتفقنا يوم ما حدش يروح يعمل صيانة لعربيتة في غبور
اتعهد لك ان اليوم دا حيكون زحمة اكتر من اي يوم
كلة حيروح تحت مسمي الدنيا حتكون رايقة و حيعملولي الي انا عايزة هناك علي روقان
و شكرا
فعلا الحل الامثل مقاطعة سيارات هيونداى فى مصر
دا حيخلى غبور يحس إنه ممكن يخسر كل المبيعات إللى عملها فى السنين إللى فاتت و مايبقاش الإبن المدلل لهيونداى لو ماتعدلش و عدل سياسته فى خدمة ما بعد البيع
دا انا بقترح كمان يتعمل جروب فى الـfacebook لمقاطعة غبور علشان الموضوع يزيد و ناس كتير تعرفوه
على أمل إنه يتغير و خاصة إن توكيل كيا مشكلته إتحلت و حيكون منافس قوى جدا فى لهيونداى و غبور فى مصر و إن توكيل كيا فى مصر محمود نصير و إللى معروف إنه بيهتم جدا بخدمة ما بعد البيع زى ما هو عامل مع رينو
هوه ليه صحيح بيبقه فيه وكيل واحد للسيارات من فئة معينة ؟؟ يعني بيتهيئلي لو فيه منافسة بين الوكلاء ده حيعود بمكسب على المستهلك
ما تيجي ناخد توكيل لهوينداي من كوريا ويبقه باسم نايل موترز ;)
مكسب علي المستهلك ؟ دا فين الكلام دا حضرتك ؟
ايوا بلد اية يعني ؟ اديني اسم للبلد من فضلك الي بيحصل فيها الموضوع دا؟
احنا في مصر
بلد احمد عز الي طن الحديد وصل فيها ل7 الاف جنية و محدش سال فينا بينما في شركات اجنبية عارضة تصديره لمصر ب 3 الاف جنية للطن و طبعا مش حيحصل
بلد حزام الامان الي محدش افتكره في العربيات غير لما واحد مستورد كبير استورد كميات منة و حب يوزعها عملولة قانون
بلد انفونزا الطيور الي ما ظهرتش الا لما جا مستوردين كبار استوردوا كميات من اللحمة المستوردة
مستهلك مين بقي بعد كل دا ؟
انتا تكون ايجابي
و تروح تلغي الحجز
في السعودية عندهم تلات وكلاء لهيونداي ،،
و كل المناقشات هناك انه توكيل احسن
لأن كل وكيل بيختلف عن التاني في مواصفات عربيته و السعر و خدمة ما بعد البيع و الضمان و كده
طبعا ده بيعمل منافسة يعني مثلآ عايز تشتري نفس الموديل تشتريه من ده و لا ده
ده صعب في مصر ،، زي ما حضرتك بتقول و خاصة إن غبور من الواصلين اوي ،،
كفاية ان هيونداي الماركة الوحيدة اللي التجار مبيعرفوش يجيبوها خليجي إلا فيما ندر رغم الطلب عليها
ثانيا : ايه اللي هيجيب الخوف ؟؟؟
ده احنا العملاء اللي بندفعله فلوس ،،
و مبنتكلمش في السياسة يعني ،،
هوا احنا كمان هنخاف في العربيات ؟؟؟
بعدين احنا مش هنخسر حاجة ،،
لما احط اسمي و موديل عربيتي و رقم شاسيها في ميل أو فاكسات ،،
نبعتها لكذا جهة نقول إحنا متضررين من توكيل هيونداي ،، غبور ،، ايتامكو في مصر ،،
أنا زيك مش متوقع استجابة
لأني عندي خبرة في التوكلات القوية مثلآ توكيل زي عبد اللطيف الجميل في الخليج ،،
الخليجين معتبرينه الشيطان الأعظم و خد لفة في المنتديات الخليجية و انتا تشوف
و مع ذلك مبيتأثرش لأنه شريك في تويوتا نفسها
،، بس علي الأقل غبور أكيد مبيعاته هتقل ،،
يعني لما الناس تلاقي اصحاب هيونداي عاملين كده
اكيد هيفكروا قبل ما يجوا يشتروا مليون مرة زي مانتا شايف في المنتدي