الاخوان بيعملوا توجية معنوى للشارع ..

**max_ziro** · 17-03-2011 01:48 AM

هخش فى الموضوع علطول

انهاردة و انا واقف فى الشارع انا و الشباب زى كل يوم
دخل علينا 2 شباب لطاف الهيئة
السلام عليكم و عليكم السلام
طبعا عرفونا على نفسهم و قعدوا يتكلموا معانا عن رأينا فى الدستور و التعديلات و هنقول لا لية
و قعدوا يحاولوا يقنعونا اكثر من 30 دقيقة دة غير الى بياخد حد فينا على جمب و يقعد يقنعة لوحدة
و محاولين كل المحاولات انهم يقنعونا اننا نقول نعم للتعديلات ..
و استنتاجاتى عن الحوار الى دار
انهم بيحاولوا يقتعوا الاغلبية الى مش فاهمة اصلا ولا يفرق معاها انها تقول لا ( بيكسب اصوات يعنى )
لية بقى بيعملو كدة الله اعلم
يعنى هم بيعملوا توجيه معنوى بطريقة غير مباشرة للاغلبية الطيبة الى ممكن اى حد يأثر فى رأيها منغير ميفكروا ولا يعرفوا بيقولوا كدة لية او عشان اية
و الكلام دة انا قولتة للشاب الى وقفوا معانا
و قلتلهم بردوا اننا عايزين بيئة ديموقراطية و الى بيعملوة من حملة توجية معنوى دة قمة الديكتاتورية و يارب يقتنعوا
و يفهموا ان احنا عايزين بيئة ديموقراطية عشان نعرف نمارس الديموقراطية الصح مش عن طريق التوجية

و الحوار دة خلانى اعند اكثر النى اقول لا
اية الى مخوف الاخوان كدة و عايزين الناس تقول نعم لدرجة انهم يخلوا الشباب بتوعهم ينزلوا يمشوا فى الشوارع و يقنعوا الناس

و عرفت كمان انهم بيعملوا كدة فى المترو رجالة و ستات
و فى الجامعات نفس الموضوع
نفسى افهم لية التعبئة دى ؟؟؟؟؟؟؟؟

ملاحظة لحد قبل الحوار ما ينتهى الشباب مكانوش قايلين انهم من الاخوان
ولاكنى تعمدت الضغط عليهم و خصوصا فى الكلام عن الاخوان و لما لقيت واحد اتعصب و التانى بيهدية و بيقولة سيبنى انا اتكلم عرفت انهم اخوان
و ادونى ورقة مكتوب فيها نعم و النصوص الدستورية و شوية كلام تانى و مكتوب فيها من تحت جماعة الاخوان المسلمون ...
ياريت حد يفهمنى لية حالة التعبأة دى ؟؟
و اية الهدف منها ؟؟
و بعدين مش طلع من عندهم امبارح قيادى ف برنامج الاون تى فى و لما الضيف الاخر قالة انتوا بتاعملوا تعبئة فى الشوارع قالة لا
و ف اخر البرنامج يسرى خلاة يقول مرة تانية انهم مبيعملوش تعبئة و ان كل واحد حر فى رأية ؟؟؟؟ افهم بقى لية بيقول كدة و بيعمل عكس كدة ؟؟؟؟

**FunnyMickey** · 17-03-2011 01:57 AM

احساسي الداخلي بيقول انهم يتوجهون بقوه نحو كرسي الرئاسه

**max_ziro** · 17-03-2011 02:02 AM

طيب و لية نديهم الفرصة للى بيعملوة دة و تطلع النتيجة ب نعم و يبقى يا زيد ما غزيت

**Col. Eng. Khaled** · 17-03-2011 02:07 AM

كُتر الضغط بالتوجيه من الطرفين سواء "نعم / لا" ، بصراحة بقى شيء مزعج جدا بالنسبة لي

خايف أكبّر أنا و غيري و ما ننزلش فبالتالي ستُتاح الفرصة لمن له مصلحة شخصية من الطرفين إنه يستفحل .

**FunnyMickey** · 17-03-2011 02:08 AM

عشان انتا مش حتقدر تمسك الناس اللي في الشارع كلها تقولهم قولوا لا ليه وقولوا نعم ليه
كل اللي مقتنع بحاجه مبيحاولش يوضح وجهه النظر في نعم ليه ولا ليه
بيظهر المحاسن بس

انا زوجتي اخوان
لقيتها بتقولي انا حقول نعم
حاولت افهم ليه
مفهمتش

حسيت انها حافظه مش فاهمه
لو كانت بتقرا من الورقه اللي اتوزعت عليهم دي
كان يبقي ارحم
اهو علي الاقل مقتنعه
انما سياسه الراعي والقطيع دي
بكرهها

لما القاده يقولوا حاجه
اميييييييييييين
ولا اما يكون قرءان منزل

طب فكروا حتي
لا كله بيعمل حاجه واحده
حتي لو غلط

مبدأ يحترم بردو
وانا سبتها تعمل اللي هيا عاوزاه
وانا كمان حعمل اللي انا عاوزه

**FunnyMickey** · 17-03-2011 02:19 AM

ليه مش حلوه
تتحمل نتيجه قرارها واللي هيا مقتنعه بيه تنفذه
هيا بقي مش فاهمه حاجه وماشيه ورا القطيع
لا تلوم الا نفسها

ايام الانتخابات عندنا في مدينه نصر
وكان فيه اتنين اخوان مترشحين وواحد مستقل وسامح فهمي حزب وطني
وراحت انتخبت مرشحه الاخوان

ولا بصت علي برامج ولا نيله
انا مروحتش عشان عارف ان كده كده حتتزور

وعادي جدا
راحوا وبينتخبوا وخلاص
طالما خدت الختم انها اخوان
يبقي اي حد في الاخوان بيعمل حتي ساندوتش
كله يعمل سندوتشات

طب ياابني انتا بتحب الجبنه
لا
امال بتعمل زيه ليه
اصله اخوان

:)