الموضوع: اخيرا اتخذت قراري الذي يعبر عني سوف اصوت ب........

المشاركة الأصلية كتبت بواسطة fepsceasar

رصد | اللواء ممدوح شاهين يؤكد أن الإستفتاء على الدستور سيكون إعلان دستوري على هذه المواد أما دستور71 فمعطل
يا ريت الناس اللى بتقول اعادة الحياة والترقيع واى كلام يريحونا،
نعم للتعديلات الدستورية

بالعكس حضرتك الكلام اللي أتقال ده أثبت لي ان الناس دي بتعاني من التخبط و ان مناقشات الناس اللي ضد التعديلات و تفنيدهم لنقاط كتير خلاهم يحاولوا يشوفوا أي مخرج حتى لو مش منطقي.

أولا احنا بقالنا اسبوعين بنتكلم على استفتاء على تعديل دستوري, الكلام واضح تعديل مش أعلان دستوري. مفيش أعلان دستوري بيتعمل عليه استفتاء و لا فيه أعلان دستوري فيه مادة 75 و 76 و 189...الخ. الاعلان الدستوري بيبقى 1, 2, 3..... هو فيه حد بيبتدي يعد من 75؟؟؟؟؟؟؟ و بعدين اللي أعرفه ان الأعلان الدستوري زي ما أسمه بيقول اعلان, مش بيستفتى عليه.

ثانيا الكلام اللي هو بيقوله ده معناه ان الاستفتاء ده صوري و النتيجة واحدة سواء قولنا أه او لأ في الحالتين حنعمل أعلان دستوري!!!!!!!!!!!!!!!!!!!!!!!!!!!!!!!! طبعا المواد المعدلة مبتغطيش نقاط كتير زي انتخابات البرلمان مثلا و بالتالي حتفعل مواد من الدستور أو تضيف مواد جديدة غير الي تم الاستفتاء عليها, أمال بتعمل استفتاء ليه لما كدة كدة فيه حاجات حتعملها من دماغك سواء قلنا أه او لأ؟؟؟؟؟؟؟؟؟؟؟؟؟؟؟

ثالثا سمعت بعض القانونيين بيقولوا ان مينفعش تتعمل انتخابات في ظل أعلان دستوري لازم دستور مفعل, بس النقطة دي أنا مش متأكدة منها.

رابعا بقى السيد اللواء بيقول الأعلان الدستوري حيبقى علشان المجلس العسكري بس انما بعد الانتخابات الرئيس الجديد حيحكم بالدستور القائم اللي هو الدستور المعدل!!!! طيب ما ده من أهم اعتراضات الناس أصلا و سبب من أسباب أصرار الناس على أسقاط الدستور. و لا هو عشان اكتشفوا ان لو الناس وافقت على التعديلات دي و الدستور رجع حيبقى وجود المجلس العسكري نفسه و التعديلات اللي اتعملت غير دستورية؟؟؟؟؟؟؟؟؟؟؟

بصراحة الكلام بتاعه امبارح خلاني شايفة ان الناس دي يا أما مش فاهمين حاجة يا أما بيحاولوا يستهبلونا و في الحالتين المفروض نقول لأ و نصر على اننا نمشي في طريق مستقيم و واضح بدل العك ده.

القوات المسلحة : في حالة الموافقة علي التعديلات سيكون هناك اعلان دستوري وليس رجوع لدستور قديم
القوات المسلحة : في حالة رفض التعديلات لن يكون هناك مجلس رئاسي ولا غيرة وسيكون هناك لجنة بلتعين وليس الانتخاب وعدم توضيح اي وقت او اي الية لأي شئ



والأمر ليس لة علاقة بتخبط او تفنيد الأمر هو انتشار الشائعات والبعض استخدم الخداع والاغراق الاعلامي

مثل اشاعة العمل بدستور قديم
واشاعة ان الموافق مش هيكون في دستور جديد
واشعة ان الي هيوافق هيجيب الحزب الوطني والاخوان
و و و فا الجيش كان كل يوم بيحاول يقف ويوضح الاشاعات دية

لأ و مليون لأ و معاى أصحابى و أهلى كلهم

ليه (لأ ) للتعديلات الدستوريه

متاخدش قرارك عشان زهقت، او نفسك تخلص ... الدستور بيتغير مره في العمر و لازم يتغير صح

مينفعش تخليني اوافق علي كل التعديلات علي بعضها، مع إن فيه منها اللي عاجبني وفي منها اللي رافضه

ازاي اوافق علي قرار مصيري زي ده و معنديش وقت كفايه و لا معلومات كفايه عشان اقرر

لو قلت نعم هيجي رئيس بسلطات مطلقه و برلمان ميعبرش عن الثوره يحط الدستور

الانتخابات اللي جايه مستحيل هينجح فيها الناس اللي عملوا الثوره، هيجي يا الاخوان يا الوطني. هل من العداله ان هما بس اللي يعملوا الدستور!!! ؟

الاستقرار

الاستقرار مش انك تقول (نعم) فنرجع زي ما كنا، الاستقرار انك تقول (لأ ) فنبدأ صح

الاستقرار معناه انك تعمل دستور جديد يخلي العالم يتطمن فيستثمر في مصر بدل ما يسحب استثماراته

الاستقرار مش هيحصل لما هنضطر (لو قلنا نعم) نعمل ٨ انتخابات في سنه واحده

لو قلنا نعم، لما البرلمان يعمل دستور جديد، ممكن يبقي فيه مواد و شروط متنطبقش علي الرئيس اللي هيكون موجود ... نعمل ساعتها ايه؟؟؟؟ نمشيه ؟ طب نسيبه و واحد يرفع قضيه يقول ان وجوده غير دستوري.. و هيكسبها؟

عمرك لعبت لعبه من غير ما تعرف قوانينها؟!!! ينفع ابقي الرئيس و بعدين يعملولي دستور يقولولي فيه هتحكمنا ازاي!!! طب مش فيه احتمال ميعجبنيش؟؟ ... ساعتها هيحصل ايه؟ .. هو ده الاستقرار؟

المنطق و العقل بقولوا احط قواعد اللعبه و بعدين العب ... مش العب و بعدين احط القواعد

يعني نحط قواعد الترشيح "الدستور" و بعدين اترشح ... مش اترشح و بعدين احط القواعد

إطمن

الجيش هيحترم اي قرار هناخده و فكره التخويف بأنه ممكن يستولي علي الحكم مستحيييله بعد ثوره شعبيه

متخليش حد يخوفك و يقولك لو قلت (لأ) الوضع هيبقي مجهول ... بالعكس لو قلت (لأ) هنعمل دستور جديد و هنضمن انه يعبر عن مصر كلها

الدستور الجديد مش هياخد اكتر من تلات شهور بشهاده فقهاء دستوريين

اللي خايف الفوضي تزيد، ، هي ممكن تزيد لو محلناش حلول حقيقيه

و اللي خايف الاقتصاد يتضرر ... هو اكيد هيتضرر لو الوضع فضل مشوه

بنقول عاوزين دستور جديد محمي من كل القوي الوطنيه المحتشده الآن ... مش ده آمان اكتر ليا وليك؟؟

قول لأ للتعديلات الدستوريه و متخاطرش بمستقبل مصر

خلصت كلامي

لا من غبر ما احجر علي راي حد ومن غير م اخون حد مع احترامي الكامل لراي الاغلبيه